ರಾಮನಗರ: ಒಂಭತ್ತು ವರ್ಷದ ಬಾಲಕಿಯನ್ನು ಅತ್ಯಾಚಾರ ಮಾಡಿ ಕೊಲೆಗೈದ ಆರೋಪಿಗೆ ರಾಮನಗರ ಜಿಲ್ಲಾ ನ್ಯಾಯಾಲಯ ಗಲ್ಲು ಶಿಕ್ಷೆ ವಿಧಿಸಿ ತೀರ್ಪು ನೀಡೀದೆ.
ಜಿಲ್ಲೆಯ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ಗಲ್ಲು ಶಿಕ್ಷೆ ತೀರ್ಪು ಪ್ರಕಟವಾಗಿದ್ದು ಅತ್ಯಾಚಾರ, ಕೊಲೆ ಆರೋಪಿ ಸಲೀಂ ಎನ್ನುವಾತನಿಗೆ ರಾಮನಗರ ಜಿಲ್ಲಾ 3ನೇ ಸತ್ರ ನ್ಯಾಯಾಧೀಶ ಗೋಪಾಲಕೃಷ್ಣ ರೈಗಲ್ಲು ಶಿಕ್ಷೆ ನೀಡಿ ತೀರ್ಪು ಪ್ರಕಟಿಸಿದ್ದಾರೆ.
2012ರ ಆಗಸ್ಟ್ ಹದಿನೈದರಂದು ಆರೋಪಿ ಸಲೀಂ ತಾವರೆಕರೆಯಲ್ಲಿ ಹೀನಾ ಕೌಸರ್ (9) ಎನ್ನುವವಳ ಮೇಲೆ ಅತ್ಯಾಚಾರ ಮಾಡಿ ಹತ್ಯೆ ನಡೆಸಿದ್ದ. ಈ ಪ್ರಕರಣ ಸಂಬಂಧ 23ಕ್ಕೂ ಹೆಚ್ಚು ಸಾಕ್ಷಿಗಳು ಆರೋಪಿ ಸಲೀಂ ವಿರುದ್ಧ ಸಾಕ್ಷಿ ಹೇಳಿದ್ದು ಎಫ್ಎಸ್ಎಲ್ ವರದಿ ಸಹ ಇದನ್ನೇ ಸಾರಿ ಹೇಳಿತ್ತು.
ಇಂದು ತೀರ್ಪು ಪ್ರಕಟಿಸಿದ ನ್ಯಾಯಾಧೀಶರು ಆರೋಪಿಗೆ ಅತ್ಯಾಚಾರಕ್ಕೆ 10 ವರ್ಷ ಸೆರೆವಾಸ, 50 ಸಾವಿರ ದಂಡ ಶಿಕ್ಷೆ ವಿಧಿಸಿದ್ದರೆ ಕೊಲೆಗಾಗಿ ಗಲ್ಲು ಶಿಕ್ಷೆ ಜಾರಿ ಮಾಡುವಂತೆ ಆದೇಶಿಸಿದ್ದಾರೆ.
ತೀರ್ಪಿನ ಬಳಿಕ ನ್ಯಾಯಾಲಯದಿಂದ ಹೊರಬಂದ ಸಲೀಂ ಆಕ್ರೋಶಗೊಂಡಿದ್ದು ಮಾದ್ಯಮ ಸಿಬ್ಬಂದಿ ಹಾಗು ವಕೀಲರ ಮೇಲೆ ಕಲ್ಲು ತೂರಾಟ ನಡೆಸಿದ್ದಾನೆ. ಅವಾಚ್ಯ ಶಬ್ದಗಳಿಂದ ನಿಂದಿಸಿದ್ದಾನೆ ಎನ್ನಲಾಗಿದೆ.