ಬೆಂಗಳೂರು: ಮತದಾನ ಮಾಡಿ ಕಣ್ಣೀರಿಟ್ಟ ನಟಿ ಹರ್ಷಿಕಾ ಪೂಣಚ್ಚ

ಬೆಂಗಳೂರು: ರಾಜ್ಯದ 15 ಕ್ಷೇತ್ರಗಳಿಗೆ ಇಂದು ಮತದಾನ ನಡೆಯುತ್ತಿದೆ, ಕೆಆರ್​ಪುರದ ಕಲ್ಕೆರೆ ಸರ್ಕಾರಿ ಶಾಲೆಯಲ್ಲಿ ನಟಿ ಹರ್ಷಿಕಾ ಪೂಣಚ್ಚ ಮತದಾನ ಮಾಡಿದರು. 

ಇದೇ ವೇಳೆ ಮಾತನಾಡಿದ ಹರ್ಷಿಕಾ ಮತದಾನ ಮಾಡುವುದು ನಮ್ಮ ಹಕ್ಕು ಎಲ್ಲರೂ ದಯವಿಟ್ಟು ಮನೆಯಿಂದ ಹೊರಗೆ ಬಂದು ಮತದಾನ ಮಾಡಿ ನಿಮ್ಮ ನಾಯಕರನ್ನು  ಆಯ್ಕೆ ಮಾಡಿ ಎಂದು ಹೇಳಿದರು.

ಪ್ರತಿ ಬಾರಿ ಅಪ್ಪನೊಂದಿಗೆ ಬಂದು ಮತ ಚಲಾಯಿಸುತ್ತಿದ್ದೆ. ಆದರೆ ಈ ಬಾರಿ ಅಪ್ಪ ಇಲ್ಲದೆ ಮತ ಚಲಾಯಿಸುತ್ತಿದ್ದೇನೆ ಎಂದು ಮಾಧ್ಯಮದ ಮುಂದೆ ನಟಿ ಹರ್ಷಿಕಾ ಪೂಣಚ್ಚ ಭಾವುಕರಾದರು. ಅಪ್ಪ ಮೃತಪಟ್ಟಿದ್ದನ್ನು ನೆನೆದು ಕಣ್ಣಿರಿಟ್ಟರು.

ಪ್ರತಿ ವರ್ಷ ತಂದೆ ತಾಯಿ ಜೊತೆ ಬಂದು ಮತ ಚಲಾಯಿಸುತ್ತಿದ್ದೆ. ಆದರೆ, ಈ ಬಾರಿ ನಾನು ಒಂಟಿಯಾಗಿ ಬಂದು ಮತಚಲಾಯಿಸುತ್ತಿದ್ದೇನೆ. ನನ್ನ ತಂದೆಯೇ ಪ್ರತಿ ಬಾರಿಯ ಚುನಾವಣೆಗೆ ಜೊತೆಯಲ್ಲಿ ಕರೆತರುತ್ತಿದ್ದರು. ಮತ ಹಾಕೋದು ನಮ್ಮ ಹಕ್ಕು ಹಾಗಾಗಿ ನಾನು ಬಂದಿದ್ದೇನೆ. ನಮ್ಮ ತಾಯಿ ಸಹ ನನ್ನ ಜೊತೆ ಬರಲಿಲ್ಲ ಎಂದು ಕಣ್ಣೀರು ಹಾಕಿದರು.