ಕೊರೋನಾ ವರದಿ ನೇರ ರೋಗಿಗಳಿಗೆ ನೀಡಬೇಡಿ ಎಂಬ ಆದೇಶ ರದ್ದು

ಕೊರೋನಾ ಸೋಂಕಿನ ನೆಗೆಟಿವ್ ಅಥವಾ ಪಾಸಿಟಿವ್ ವರದಿಯನ್ನು ಈಗ ಮತ್ತೆ ರೋಗಿಗಳಿಗೆ ನೀಡಲು ರಾಜ್ಯ ಸರ್ಕಾರ ಖಾಸಗಿ ಹಾಗೂ ಸರ್ಕಾರಿ ಪ್ರಯೋಗಾಲಯಗಳಿಗೆ ಸೂಚನೆ ನೀಡಿದೆ. 

Published: 05th July 2020 08:12 AM  |   Last Updated: 05th July 2020 08:14 AM   |  A+A-


file photo

ಸಂಗ್ರಹ ಚಿತ್ರ

Posted By : Manjula VN
Source : Online Desk

ಬೆಂಗಳೂರು: ಕೊರೋನಾ ಸೋಂಕಿನ ನೆಗೆಟಿವ್ ಅಥವಾ ಪಾಸಿಟಿವ್ ವರದಿಯನ್ನು ಈಗ ಮತ್ತೆ ರೋಗಿಗಳಿಗೆ ನೀಡಲು ರಾಜ್ಯ ಸರ್ಕಾರ ಖಾಸಗಿ ಹಾಗೂ ಸರ್ಕಾರಿ ಪ್ರಯೋಗಾಲಯಗಳಿಗೆ ಸೂಚನೆ ನೀಡಿದೆ ಎಂದು ವರದಿಗಳಿಂದ ತಿಳಿದುಬಂದಿದೆ. 

ಪ್ರಯೋಗಾಲಯಗಳು ನೇರವಾಗಿ ರೋಗಿಗಳಿಗೆ ರಿಪೋರ್ಟ್ ನೀಡುತ್ತಿರುವುದರಿಂದ ಅನಾಹುತಗಳು ನಡೆಯುತ್ತಿವೆ ಎಂದು ರಾಜ್ಯ ಸರ್ಕಾರ ಜೂ.27ರಂದು ರೋಗಿಗಳಿಗೆ ಸೋಂಕು ಫಲಿತಾಂಶ ನೇರವಾಗಿ ನೀಡದಂತೆ ಸರ್ಕಾರಿ ಹಾಗೂ ಖಾಸಗಿ ಪ್ರಯೋಗಾಲಯಗಳಿಗೆ ನಿರ್ದೇಶಿಸಿ ಆದೇಶ ಹೊರಡಿಸಿತ್ತು.

ಶನಿವಾರ ಹೊಸ ಆದೇಶ ಹೊರಡಿಸಿರುವ ಆರೋಗ್ಯ ಇಲಾಖೆ ಆಯುಕ್ತರು, ಜೂ.27ರಂದು ಹೊರಡಿಸಿದ್ದ ಆದೇಶವನ್ನು ರದ್ದುಪಡಿಸಲಾಗಿದೆ. ಸರ್ಕಾರಿ ಹಾಗೂ ಖಾಸಗಿ ಪ್ರಯೋಗಲಾಯಗಳು ಫಲಿತಾಂಶ ನೀಡುವ ಕುರಿತು ಈ ಹಿಂದಿನ ನಿಯಮವನ್ನೇ ಅನುಸರಿಸಬಹುದು. ಆದರೂ ನಿತ್ಯ ಕೊರೋನಾ ಪಾಸಿಟಿವ್/ನೆಗೆಟಿವ್ ಪ್ರಕರಣ ಐಸಿಎಂ ಪೋರ್ಟಲ್'ಗೆ ಅಪ್ಲೋಡ್ ಮಾಡಬೇಕು ಎಂದಿದ್ದಾರೆಂದು ಹೇಳಲಾಗುತ್ತಿದೆ. 

ಇದರಿಂದ ಇನ್ನು ಮೊದಲಿನಂತೆ ಸೋಂಕಿತರಿಗೆ ನೇರವಾಗಿ ಮೊಬೈಲ್ ಸಂದೇಶ ಅಥವಾ ದೂರವಾಣಿ ಕರೆ ಮಾಡಿ ಸೋಂಕಿನ ವಿಚಾರ ತಿಳಿಸಲಾಗುತ್ತದೆ. ಇದರಿಂದ ತಕ್ಷಣ ಆ್ಯಂಬುಲೆನ್ಸ್ ನೆರವು ಪಡೆದು ಕೊರೋನಾ ಆರೈಕೆ ಕೇಂದ್ರ ಅಥವಾ ಆಸ್ಪತ್ರೆಗೆ ದಾಖಲಾಗಲು ನೆರವಾಗಲಿದೆ. ಇತ್ತೀಚೆಗೆ ಸಚಿವ ಆರ್.ಅಶೋಕ್, ಪ್ರಯೋಗಾಲಯಗಳು ಸೋಂಕಿತರಿಗೆ ನೇರವಾಗಿ ಕರೆ ಮಾಡಿ ನೀವು ಪಾಸಿಟಿವ್ ಎಂದು ಹೇಳುತ್ತವೆ. ಇದರಿಂದ ಸೋಂಕಿತರು ಆಘಾತಕ್ಕೀಡಾಗುತ್ತಾರೆ. ಹೀಗಾಗಿ ಇನ್ನು ಫಲಿತಾಂಶವನ್ನು ಮೊದಲು ಐಸಿಎಂಆರ್ ಪೋರ್ಟಲ್'ಗೆ ಅಪ್'ಲೋಡ್ ಮಾಡಿ ಆರೋಗ್ಯ ಅಧಿಕಾರಿಗಳಿಗೆ ನೀಡಬೇಕು ಎಂದು ಹೇಳಿದ್ದರು,

Stay up to date on all the latest ರಾಜ್ಯ news
Poll
Online education learning

ಆನ್‌ಲೈನ್ ಕಲಿಕೆಯ ಪ್ರಯೋಗವು ಶಿಕ್ಷಣ ವ್ಯವಸ್ಥೆಯನ್ನು ಸುಧಾರಿಸುತ್ತದೆ ಎಂದು ಹಾರ್ವರ್ಡ್ ಪ್ರಾಧ್ಯಾಪಕರೊಬ್ಬರು ಹೇಳಿದ್ದಾರೆ. ನೀವು ಏನಂತೀರಿ?


Result
ಸರಿ
ತಪ್ಪು
ಗೊತ್ತಿಲ್ಲ
flipboard facebook twitter whatsapp