ಹಿಂಡಲಗಾ ಕೇಂದ್ರ ಕಾರಾಗೃಹ
ಹಿಂಡಲಗಾ ಕೇಂದ್ರ ಕಾರಾಗೃಹ

ಪೆರೋಲ್ ಅವಧಿ ಮುಗಿದರೂ ಬೆಳಗಾವಿಯ ಹಿಂಡಲಗಾ ಜೈಲಿಗೆ ಮರಳದ ಇಬ್ಬರು ಕೈದಿಗಳು!

ಬೆಳಗಾವಿಯ ಹಿಂಡಲಗಾ ಕೇಂದ್ರ ಕಾರಾಗೃಹದ ಇಬ್ಬರು ಕೈದಿಗಳು ತಮ್ಮ ಪೆರೋಲ್ ಸಮಯ ಮುಗಿದರೂ ಜೈಲು ಅಧಿಕಾರಿಗಳಿಗೆ ವರದಿ ಮಾಡಿಲ್ಲ. 

ಬೆಳಗಾವಿ: ಬೆಳಗಾವಿಯ ಹಿಂಡಲಗಾ ಕೇಂದ್ರ ಕಾರಾಗೃಹದ ಇಬ್ಬರು ಕೈದಿಗಳು ತಮ್ಮ ಪೆರೋಲ್ ಸಮಯ ಮುಗಿದರೂ ಜೈಲು ಅಧಿಕಾರಿಗಳಿಗೆ ವರದಿ ಮಾಡಿಲ್ಲ. 

ಮೂಲಗಳ ಪ್ರಕಾರ, 90 ದಿನಗಳ ಪೆರೋಲ್ ಮುಗಿದ ನಂತರ ಇಬ್ಬರೂ ಜೈಲಿಗೆ ಮರಳಬೇಕಿತ್ತು ಆದರೆ ಇಬ್ಬರೂ ಪತ್ತೆಯಾಗಲಿಲ್ಲ.

ಉನ್ನತ ಜೈಲಿನ ಅಧಿಕಾರಿಯ ಪ್ರಕಾರ, ಇಬ್ಬರು ನಿಯಮಗಳ ಪ್ರಕಾರ ಪೆರೋಲ್‌ನಲ್ಲಿದ್ದರು. 90 ದಿನಗಳ ನಂತರ ಅವರು ಮರಳಿ ಬರುವುದಾಗಿ ತಮ್ಮ ಜಾಮೀನುದಾರರೊಂದಿಗೆ ಭರವಸೆ ನೀಡಿದರು. ಆದಾಗ್ಯೂ, ಗಡುವು ಮುಗಿದ ನಂತರ ಅವರು ಜೈಲು ನಿರ್ವಹಣೆಗೆ ವರದಿ ಮಾಡಲಿಲ್ಲ. ಚಾಲ್ತಿಯಲ್ಲಿರುವ ಕೋವಿಡ್ ಪರಿಸ್ಥಿತಿಯಿಂದಾಗಿ ಜೈಲು ಅಧಿಕಾರಿಗಳು ಅವರಿಗೆ ಸ್ವಲ್ಪ ಅವಕಾಶ ನೀಡಿದ್ದರು ಎಂದು ಅವರು ಹೇಳಿದರು.

33 ವರ್ಷದ ಖೈದಿ ರಮೇಶ್ ಕುರಿ ಮೇ 15ರಿಂದ 90 ದಿನಗಳವರೆಗೆ ಪೆರೋಲ್ ಪಡೆದಿದ್ದರು. ಆಗಸ್ಟ್ 16ರಂದು ಪೆರೋಲ್ ಮುಗಿದು 11 ದಿನ ಕಳೆದಿದ್ದರೂ ಜೈಲಿಗೆ ಮರಳಲು ವಿಫಲರಾದರು. ಮತ್ತೊಬ್ಬ ಅಪರಾಧಿ 57 ವರ್ಷದ ಈಶ್ವರ್ ವಗ್ಗರ್ ಮೇ 15ರಂದು ಪೆರೋಲ್ ನೀಡಲಾಗಿತ್ತು. ಆತನ ಪೆರೋಲ್ ಮುಗಿದ ನಂತರ ಪತ್ತೆಯಾಗಿಲ್ಲ.

ದೇಶದ ಅತ್ಯಂತ ಹಳೆಯ ಕಾರಾಗೃಹಗಳಲ್ಲಿ ಒಂದಾದ ಹಿಂಡಲಗಾದಲ್ಲಿ ಅಪರಾಧಿಗಳು ಮತ್ತು ವಿಚಾರಣಾಧೀನರು ಸೇರಿದಂತೆ ಸುಮಾರು 1000 ಜನರು ವಾಸಿಸುತ್ತಿದ್ದಾರೆ. ಬೆಳಗಾವಿ ಗ್ರಾಮೀಣ ಪೊಲೀಸ್ ಠಾಣೆಯಲ್ಲಿ ಜೈಲು ಅಧಿಕಾರಿಗಳು ಇಬ್ಬರೂ ಕೈದಿಗಳ ವಿರುದ್ಧ ದೂರು ದಾಖಲಿಸಿದ್ದಾರೆ. ಇಬ್ಬರ ಜಾಮೀನುದಾರರ ವಿಳಾಸ ಸೇರಿದಂತೆ ಪ್ರಕರಣಗಳ ವಿವರಗಳನ್ನು ಒದಗಿಸಿದ್ದಾರೆ.

ಇಬ್ಬರು ಕೈದಿಗಳಿಗೆ ಪೆರೋಲ್ ನೀಡಿದಾಗ ಅವರ ಜವಾಬ್ದಾರಿಯನ್ನು ವಹಿಸಿಕೊಂಡ ಜಾಮೀನುದಾರರನ್ನು ಪೊಲೀಸರು ಪ್ರಶ್ನಿಸುವ ನಿರೀಕ್ಷೆಯಿದೆ.

Related Stories

No stories found.

Advertisement

X
Kannada Prabha
www.kannadaprabha.com