ಉಡುಪಿ: ದುಬಾರಿ ಬೆಲೆಯ ಭಾರಿ ಗಾತ್ರದ ಮೀನು ಬಲೆಗೆ; ಕೆಜಿಗೆ 9 ಸಾವಿರ ರೂ.!

ಮಂಗಳೂರಿನ ಮಲ್ಪೆ ಬೀಚ್ ನಲ್ಲಿ ಮೀನುಗಾರನ ಬಲೆಗೆ ಭಾರಿ ಗಾತ್ರದ ದುಬಾರಿ ಮೀನೊಂದು ಬಿದ್ದಿದ್ದು, ಇದರ ಬೆಲೆ ಪ್ರತೀ ಕೆಜಿಗೆ 9 ಸಾವಿರ ರೂಗೆ ಹರಾಜಾಗಿದೆ.

Published: 24th November 2021 07:47 PM  |   Last Updated: 24th November 2021 07:55 PM   |  A+A-


Ghol fish

ಘೋಲ್ ಫಿಶ್

Posted By : Srinivasamurthy VN
Source : The New Indian Express

ಮಂಗಳೂರು: ಮಂಗಳೂರಿನ ಮಲ್ಪೆ ಬೀಚ್ ನಲ್ಲಿ ಮೀನುಗಾರನ ಬಲೆಗೆ ಭಾರಿ ಗಾತ್ರದ ದುಬಾರಿ ಮೀನೊಂದು ಬಿದ್ದಿದ್ದು, ಇದರ ಬೆಲೆ ಪ್ರತೀ ಕೆಜಿಗೆ 9 ಸಾವಿರ ರೂಗೆ ಹರಾಜಾಗಿದೆ.

ಹೌದು.. ಮಲ್ಪೆ ಬೀಚ್ ನ ಆಳಸಮುದ್ರದಲ್ಲಿ ಬಲರಾಮ ಬೋಟ್ ನಲ್ಲಿ ಥೊಟ್ಟಮ್ ನಿವಾಸಿ ಶಾನ್ ರಾಜ್ ಎಂಬುವವರಿಗೆ 20 ಕೆಜಿ ತೂಕದ 'ಘೋಲ್‌ ಮೀನು' ದೊರಕಿದ್ದು, ಇದೇ ಮೊದಲ ಬಾರಿಗೆ ಈ ಮೀನು ಮಲ್ಪೆ ಬೀಚ್ ನಲ್ಲಿ ಬಲೆಗೆ ಬಿದ್ದಿದೆ. ಮಂಗಳವಾರ ಮಲ್ಪೆ ಬಂದರಿನಲ್ಲಿ ಹರಾಜಿನಲ್ಲಿ ಈ ವಿಶೇಷ ಮೀನಿಗೆ ಕೆ.ಜಿ.ಗೆ 9,000 ರೂ.ಗಳಂತೆ 1.80 ಲಕ್ಷ ರೂ.ಗೆ ಮಾರಾಟವಾಗಿದೆ. ಮೀನು ಸಂಸ್ಕರಣಾ ಸಂಸ್ಥೆಯೊಂದರ ಮಾಲೀಕ ಫಯಾಜ್ ಎಂಬುವವರು ಈ ಮೀನನ್ನು ಮುಂಬೈ ಮಾರುಕಟ್ಟೆಯಲ್ಲಿ ಮಾರಾಟ ಮಾಡಲು ಹರಾಜು ಪ್ರಕ್ರಿಯೆಯ ಮೂಲಕ ಮೀನುಗಾರರಿಂದ ಖರೀದಿಸಿದ್ದಾರೆ. 

ಇದನ್ನೂ ಓದಿ: ಜಗತ್ತಿನ ಅತ್ಯಂತ ವಿಷಕಾರಿ ಮೀನು: ಕುಟುಕಿದರೆ ಪ್ರಜ್ಞೆ ತಪ್ಪುವುದು ಪಕ್ಕಾ, ನಿರಂತರ ಬಣ್ಣ ಬದಲಾವಣೆ!

ಇದೊಂದು ಬಹುಪಯೋಗಿ ಮೀನಾಗಿದ್ದು, ಈ ಮೀನಿನ ಚರ್ಮದಿಂದ ಸೌಂದರ್ಯ ವರ್ಧಕಗಳನ್ನು ತಯಾರಿಸುತ್ತಾರೆ ಎಂದು ತಜ್ಞರು ಹೇಳಿದ್ದಾರೆ. ಕಾರವಾರದ ಕೆಯು-ಪಿಜಿಸಿಯ ಸಾಗರ ಜೀವಶಾಸ್ತ್ರ ವಿಭಾಗದ ಸಹಾಯಕ ಪ್ರಾಧ್ಯಾಪಕ ಡಾ.ಶಿವಕುಮಾರ್ ಬಿ.ಎಚ್ ಮತ್ತು ಗೋವಾದ ಐಸಿಎಆರ್ - ಸೆಂಟ್ರಲ್ ಕೋಸ್ಟಲ್ ಅಗ್ರಿಕಲ್ಚರಲ್ ರಿಸರ್ಚ್ ಇನ್‌ಸ್ಟಿಟ್ಯೂಟ್‌ನ ವಿಜ್ಞಾನಿ ಡಾ.ಶ್ರೀಕಾಂತ್ ಜಿಬಿ ಅವರು ಈ ಮೀನು ಪ್ರಭೇದವನ್ನು 'ಸಮುದ್ರ ಚಿನ್ನದ' ಮೀನು ಎಂದೂ ಕರೆಯುತ್ತಾರೆ. ಅತ್ಯಂತ ದುಬಾರಿ ಸಮುದ್ರ ಮೀನು ಇದಾಗಿದ್ದು, ಇಂಡೋ ಪೆಸಿಫಿಕ್ ಪ್ರದೇಶದಾದ್ಯಂತ ಹೆಚ್ಚಾಗಿ ಈ ಮೀನು ದೊರೆಯುತ್ತದೆ.

ತಜ್ಞರು ಹೇಳಿದ್ದೇನು?
ಈ ಬಗ್ಗೆ ಮಾಹಿತಿ ನೀಡಿರುವ ಕರ್ನಾಟಕ ವಿಶ್ವನಿದ್ಯಾನಿಲಯದ ಕಡಲಜೀವಿ ಶಾಸ್ತ್ರ ವಿಭಾಗದ ಸಂಶೋಧಕ ಶಿವಕುಮಾರ್‌ ಹರಗಿ ಮತ್ತು ಶ್ರೀಕಾಂತ ಜಿ.ಬಿ. ಅವರು, 'ಸ್ಥಳೀಯವಾಗಿ ಗೋಲಿ ಮೀನು ಎಂದು ಕರೆಯಲಾಗುವ ಇದರ ವೈಜ್ಞಾನಿಕ ಹೆಸರು ಘೋಲ್‌ ಫಿಶ್‌. ಈ ಮೀನಿನ ಹೊಟ್ಟೆಯನ್ನು ಬಂಗಾರವೆಂದು ಪರಿಗಣಿಸಲಾಗಿದೆ ಎಂದು ಹೇಳಿದ್ದಾರೆ.

ಸೌಂದರ್ಯವರ್ಧಕಗಳಲ್ಲಿ ಬಳಕೆ
ಈ ಮೀನನ್ನು ಭಕ್ಷ್ಯಗಳನ್ನು ತಯಾರಿಸಲು ಬಳಸಲಾಗುತ್ತದೆ ಏಕೆಂದರೆ ಅದರ ಬಿಳಿ ಮಾಂಸವು ಮೃದು ಮತ್ತು ರುಚಿಕರವಾಗಿರುತ್ತದೆ. ಇದರ ಆಂತರಿಕ ಅಂಗಗಳಾದ ಹೃದಯ, ಹೊಟ್ಟೆಯ ಭಾಗ, ವಾಯು ಮೂತ್ರಕೋಶ (ಈಜು ಮೂತ್ರಕೋಶ) ಏಷ್ಯಾದ ದೇಶಗಳಲ್ಲಿ ಔಷಧೀಯ ಮತ್ತು ಸೌಂದರ್ಯವರ್ಧಕ ಮೌಲ್ಯಗಳನ್ನು ಹೊಂದಿರುವುದರಿಂದ ಇದಕ್ಕೆ ಹೆಚ್ಚಿನ ಮೌಲ್ಯವಿದೆ. 

ಅಂತೆಯೇ ಔಷಧೀಯ ಗುಣವನ್ನು ಹೊಂದಿರುವ ಈ ಮೀನಿಗೆ ವಿದೇಶದಲ್ಲಿ ಭಾರೀ ಬೇಡಿಕೆ ಇದೆ. ಕರಾವಳಿಯ ಅಳಿವೆಯ ಆಳಕ್ಕೆ ಇರುವ ಮೀನು ಅರಬ್ಬೀ ಸಮುದ್ರದ ಶ್ರೀಲಂಕಾ, ಆಸ್ಟ್ರೇಲಿಯಾ ದವರೆಗೂ ಹಬ್ಬಿವೆ. 1.5 ಮೀಟರ್‌ ವರೆಗೆ ಉದ್ದ ಬೆಳೆಯುತ್ತದೆ. ಈ ಮೀನಿನ ತೂಕ ಹೆಚ್ಚಾದಂತೆ ದರವೂ ಹೆಚ್ಚಾಗುತ್ತದೆ. 30 ಕೆ.ಜಿ. ಮೀನು 5 ಲಕ್ಷ ರೂ. ವರೆಗೂ ಬೆಲೆಬಾಳುತ್ತದೆ. ಈ ಮೀನಿನ ಮಾಂಸ ಅತ್ಯಂತ ರುಚಿದಾಯಕವಷ್ಟೇ ಅಲ್ಲದೆ ಅದರ ವಾಯು ಚೀಲವನ್ನು ಸೌಂದರ್ಯ ವರ್ಧಕ ವಸ್ತುಗಳಲ್ಲಿ ಉಪಯೋಗಿಸಲಾಗುತ್ತದೆ ಎಂದು ಹೇಳಿದ್ದಾರೆ.

ಇತ್ತೀಚೆಗೆ ಮಹಾರಾಷ್ಟ್ರದ ಮೀನುಗಾರರು ಇದೇ ರೀತಿಯ 150 ಘೋಲ್ ಮೀನುಗಳನ್ನು ಬಲೆಗೆ ಬೀಳಿಸಿದ್ದಾರೆ. ಅಲ್ಲಿನ ಮೀನುಗಾರರು 1.33 ಕೋಟಿ ರೂಪಾಯಿಗಳನ್ನು ಗಳಿಸಿ ರಾತ್ರೋರಾತ್ರಿ ತಮ್ಮನ್ನು 'ಕೋಟ್ಯಾಧಿಪತಿ'ಗಳಾಗಿ ಮಾರ್ಪಡಿಸಿಕೊಂಡಿದ್ದರು.


Stay up to date on all the latest ರಾಜ್ಯ news
Poll
Omicron

ಮಾಲ್‌ಗಳು/ಥಿಯೇಟರ್‌ಗಳಿಗೆ ಭೇಟಿ ನೀಡಲು ಎರಡು ಡೋಸ್ ಲಸಿಕೆಯನ್ನು ಕಡ್ಡಾಯಗೊಳಿಸಿರುವುದು ಸರಿಯೇ?


Result
ಹೌದು
ಇಲ್ಲ

Comments

Disclaimer : We respect your thoughts and views! But we need to be judicious while moderating your comments. All the comments will be moderated by the kannadaprabha.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

The views expressed in comments published on kannadaprabha.com are those of the comment writers alone. They do not represent the views or opinions of kannadaprabha.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. kannadaprabha.com reserves the right to take any or all comments down at any time.

flipboard facebook twitter whatsapp