ಹುಬ್ಬಳ್ಳಿ: ಒಂದೇ ಬಾರಿ ಮೂರು ಕರುಗಳಿಗೆ ಜನ್ಮ ನೀಡಿದ ಹಸು; ಅಪರೂಪ ಎಂದ ಪಶುವೈದ್ಯರು

ಸಾಮಾನ್ಯವಾಗಿ ಹಸು ಒಂದೇ ಕರು ಹಾಕುವುದು. ಆದರೆ, ತೀರಾ ಅಪರೂಪ ಎಂಬಂತೆ ಎರಡು ಕರು ಹಾಕಬಹುದು. ಮೂರು ಕರುಗಳಿಗೆ ಜನ್ಮ ನೀಡುವುದು ತುಂಬಾ ವಿರಳವಾಗಿದೆ.
Cow
ಹಸುವಿನೊಂದಿಗೆ ಮಾಲೀಕ
Updated on

ನವಲಗುಂದ/ಧಾರವಾಡ: ಹಸುವೊಂದು ಒಂದೇ ಬಾರಿಗೆ ಮೂರು ಕರುಗಳಿಗೆ ಜನ್ಮ ನೀಡಿರುವ ಅಪರೂಪದ ಘಟನೆಯೊಂದು ನವಲಗುಂದ ತಾಲ್ಲೂಕಿನ ಗುಡದಕೇರಿ ಓಣಿಯಲ್ಲಿ ಶುಕ್ರವಾರ ನಡೆದಿದೆ.

ಮಿಶ್ರ ತಳಿಯ ಹಸು ಇದಾಗಿದ್ದು, ಮೂರು ಕರುಗಳೂ ಆರೋಗ್ಯವಾಗಿವೆ. ಹಸುವಿನ ಮೇಲೆ ಅಪಾರ ಪ್ರೀತಿ ಹೊಂದಿರುವ ಹಸುವಿನ ಮಾಲೀಕ ಅಬ್ದುಲ್ ರಜಾಕ್ ಎರಡು ವರ್ಷಗಳ ಹಿಂದೆ ಬೆಳಗಾವಿ ಜಿಲ್ಲೆಯ ಕಿತ್ತೂರು ಜಾನುವಾರು ಮಾರುಕಟ್ಟೆಯಲ್ಲಿ 70,000 ರೂ.ಗೆ ಹಸುವನ್ನು ಖರೀದಿಸಿದ್ದರು. ಈ ಹಸು ಇದೀಗ ಮೂರು ಕರುಗಳಿಗೆ ಜನ್ಮ ನೀಡಿದೆ.

ಹಸು ಮೂರು ಕರುಗಳಿಗೆ ಜನ್ಮ ನೀಡಿದೆ ಎಂಬ ಸುದ್ದಿ ಹರಡುತ್ತಿದ್ದಂತೆ ಅಕ್ಕ ಪಕ್ಕದ ಓಣಿ, ಊರಿನವರು ಬಂದು ಕರುಗಳನ್ನ ನೋಡಿ ಹೋಗುತ್ತಿದ್ದಾರೆ.

ಸಾಮಾನ್ಯವಾಗಿ ಹಸು ಒಂದೇ ಕರು ಹಾಕುವುದು. ಆದರೆ, ತೀರಾ ಅಪರೂಪ ಎಂಬಂತೆ ಎರಡು ಕರು ಹಾಕಬಹುದು. ಮೂರು ಕರುಗಳಿಗೆ ಜನ್ಮ ನೀಡುವುದು ತುಂಬಾ ವಿರಳವಾಗಿದೆ.

Cow
ಕೌಟುಂಬಿಕ ಕಲಹ ಹಿನ್ನೆಲೆ, ಹಸುವಿನ ಕೆಚ್ಚಲು ಕೊಚ್ಚಿ ವಿಕೃತಿ: ಜಮೀನಿನಲ್ಲಿ ನರಳಿ-ನರಳಿ ಪ್ರಾಣ ಬಿಟ್ಟ ಹಸು!

ಪ್ರಸ್ತುತ, ಅವರು ತ್ರಿವಳಿಗಳಿಗೆ ಜನ್ಮ ನೀಡಿದ ಹಸುವನ್ನು ಹೊರತುಪಡಿಸಿ, ಅಬ್ದುಲ್ ಅವರ ಇನ್ನೂ ಮೂರು ಹಸುಗಳು ಮತ್ತು ಮೂರು ಕರುಗಳನ್ನು ಸಾಕುತ್ತಿದ್ದಾರೆ.

ಟಿಎನ್‌ಐಇ ಜೊತೆ ಮಾತನಾಡಿದ ರಜಾಕ್ ಅವರು, ನಾನು ರೈತನಾಗಿದ್ದು, ತಂದೆ ಸಯಾದ್ ಬಾಷಾ ಹುಗ್ಗಿ ಅವರೊಂದಿಗೆ ಕೃಷಿ ಚಟುವಟಿಕೆಗಳನ್ನು ನೋಡಿಕೊಳ್ಳುತ್ತಿದ್ದೇನೆ. ಹಸುವಿಗೆ ಐದು ವರ್ಷ ವಯಸ್ಸಾಗಿದೆ. ಕಳೆದ ವರ್ಷ, ಪಶುವೈದ್ಯ ವೈದ್ಯ ಎಚ್ ಪಿ ಸವಣೂರ್ ಕೃತಕ ಗರ್ಭಧಾರಣೆಯನ್ನು ಮಾಡಿದ್ದರು. ಇದೀಗ ಹಸು ಮೂರು ಕರುಗಳಿಗೆ ಜನ್ಮ ನೀರಿದೆ. ಮೂರು ಕರುಗಳಲ್ಲಿ ಎರಡು ಗಂಡು ಮತ್ತು ಒಂದು ಹೆಣ್ಣಾಗಿದೆ.

ಹಸು ಅದೃಷ್ಟ ತರುತ್ತದೆ ಎಂದು ನಾವು ಯಾವಾಗಲೂ ನಂಬಿದ್ದೇವೆ. ಈಗ, 3 ಕರುಗಳ ಜನನದೊಂದಿಗೆ, ನಮ್ಮ ನಂಬಿಕೆ ಬಲಗೊಂಡಿದೆ. ಹಿಂದಿನ ಎರಡು ಬಾರಿಯೂ ಹಸು ಒಂದೇ ಕರುವಿಗೆ ಜನ್ಮ ನೀಡಿತ್ತು. ಹಸುಗಳಿಗೆ ಲಭ್ಯವಿರುವ ಕೆಲವು ಡೈರಿ ಉತ್ಪನ್ನಗಳು ಮತ್ತು ಹುಲ್ಲಿನಂತಹ ಸಾಮಾನ್ಯ ಮೇವನ್ನು ನೀಡುತ್ತಿದ್ದೆವು. ಹಸು ನಮಗೆ ಹೆಸರು ಮತ್ತು ಖ್ಯಾತಿಯನ್ನು ನೀಡಿದೆ ಎಂದು ಹೇಳಿದ್ದಾರೆ.

Follow KannadaPrabha channel on WhatsApp

  

KannadaPrabha News app ಡೌನ್‌ಲೋಡ್ ಮಾಡಿ, ಇತ್ತೀಚಿನ ಸುದ್ದಿಗಳ ಅಪ್ಡೇಟ್ಸ್ ಪಡೆಯಿರಿ

 

Subscribe to KannadaPrabha YouTube Channel and watch Videos

ಈ ವಿಭಾಗದ ಇತರ ಸುದ್ದಿ

No stories found.

X

Advertisement

X
Kannada Prabha
www.kannadaprabha.com