ಮಾನಸಿಕ, ದೈಹಿಕ ಯೋಗಕ್ಷೇಮಕ್ಕೆ ಧನಾತ್ಮಕ ಪ್ರತಿಫಲ ತರುವ ಮನಃಪೂರ್ವಕ ನಡಿಗೆ ಹೇಗಿರಬೇಕು?

ಮನಃಪೂರ್ವಕ ನಡಿಗೆಯ ಸೌಂದರ್ಯವು ಅದರ ಸರಳತೆಯಲ್ಲಿದೆ. ಇದಕ್ಕೆ ಯಾವುದೇ ಗೇರ್ ಅಥವಾ ಸಲಕರಣೆಗಳ ಅಗತ್ಯವಿಲ್ಲ. ವಯಸ್ಸು ಮತ್ತು ನಿರ್ದಿಷ್ಟ ಸ್ಥಳ ಅಥವಾ ಸಮಯದ ಅಗತ್ಯವಿಲ್ಲ.
ಪ್ರಾತಿನಿಧಿಕ ಚಿತ್ರ
ಪ್ರಾತಿನಿಧಿಕ ಚಿತ್ರ

ನಾವೆಲ್ಲರೂ ನಡೆಯುತ್ತೇವೆ. ಆದರೆ ನಮ್ಮಲ್ಲಿ ಎಷ್ಟು ಜನ ಮನಃಪೂರ್ವಕವಾಗಿ ನಡೆಯುತ್ತಾರೆ? ತೋರಿಕೆಯ ನಡಿಗೆಯು ಅಷ್ಟು ಪ್ರಯೋಜನಕಾರಿಯಲ್ಲ. ಬದಲಿಗೆ ನೀವು ಮನಸ್ಸಿಟ್ಟು ನಡೆಯುವುದರಿಂದ ಅದೊಂದು ಶ್ರೇಷ್ಠ ಚಿಕಿತ್ಸಕವಾಗಿ ಕಾರ್ಯನಿರ್ವಹಿಸುತ್ತದೆ. ಪುನಶ್ಚೇತನದೊಂದಿಗೆ ಗಮನವನ್ನು ಕೇಂದ್ರೀಕರಿಸಲು ಸಹ ವಾಕಿಂಗ್ ಸಹಾಯ ಮಾಡುತ್ತದೆ.

ಹೀಗಿದ್ದರೆ ಯಾರು, ಹೇಗೆ ವಾಕಿಂಗ್ ಮಾಡಬೇಕು ಎನ್ನುವ ಕುರಿತು ತಿಳಿಯಲು ಈ ಲೇಖನವನ್ನು ಓದಿ..

ವಾಕಿಂಗ್ ಹೇಗೆ ಕೆಲಸ ಮಾಡುತ್ತದೆ?

ಈ ಅಭ್ಯಾಸವು ಅಂದುಕೊಂಡಷ್ಟು ಸರಳವಾಗಿದೆ. ಆದರೆ, ಮನಸ್ಸಿಟ್ಟು ನಡೆಯಬೇಕಷ್ಟೆ. 'ನೀವು ಮೊದಲ ಹೆಜ್ಜೆ ಇಡುವಾಗ, ನಿಮ್ಮ ಪಾದಗಳ ಎತ್ತುವಿಕೆ ಮತ್ತು ಇಡುವಿಕೆಯ ಲಯಬದ್ಧವನ್ನು ಗಮನಿಸಿ. ನಿಮ್ಮ ಸುತ್ತಮುತ್ತಲು ಏನು ನಡೆಯುತ್ತಿದೆ ಎನ್ನುವ ಬಗ್ಗೆ ತಿಳಿದುಕೊಳ್ಳಿ ಮತ್ತು ನಿಮ್ಮ ದೇಹವನ್ನು ಪರಿಸರದೊಂದಿಗೆ ಒಂದುಗೂಡಿಸಿ. ಇದರರ್ಥ ನೀವು ನಡೆಯುವಾಗ ಎಲ್ಲಾ ದೃಶ್ಯಗಳು, ವಾಸನೆಗಳು ಮತ್ತು ಅನಿಸಿಕೆಗಳನ್ನು ತೆಗೆದುಕೊಳ್ಳುವುದು ಎಂದು ಮುಂಬೈ ಮೂಲದ ಸೈಕೋಥೆರಪಿಸ್ಟ್ ಗೌರಿ ನಾಥ್ ಹೇಳುತ್ತಾರೆ. ನಿಮ್ಮ ಸುತ್ತಲಿನ ಬಗ್ಗೆ ನೀವು ಗಮನ ಹರಿಸುವವರೆಗೆ ನಡೆಯುವ ವೇಗವು ಮುಖ್ಯವಲ್ಲ.

ಮನಃಪೂರ್ವಕ ನಡಿಗೆಯ ಸೌಂದರ್ಯವು ಅದರ ಸರಳತೆಯಲ್ಲಿದೆ. ಇದಕ್ಕೆ ಯಾವುದೇ ಗೇರ್ ಅಥವಾ ಸಲಕರಣೆಗಳ ಅಗತ್ಯವಿಲ್ಲ. ವಯಸ್ಸು ಮತ್ತು ನಿರ್ದಿಷ್ಟ ಸ್ಥಳ ಅಥವಾ ಸಮಯದ ಅಗತ್ಯವಿಲ್ಲ. 'ನೀವು ಕೆಲವು ಸೆಕೆಂಡ್‌ಗಳಿಂದ ಒಂದು ಗಂಟೆಯವರೆಗೆ ಎಚ್ಚರದಿಂದ ನಡೆಯುವುದನ್ನು ಅಭ್ಯಾಸ ಮಾಡಬೇಕಾಗುತ್ತದೆ. ನಿಮ್ಮ ನಾಯಿಗೆ ವಾಕಿಂಗ್ ಮಾಡಿಸುವುದು ಅಥವಾ ಕಿರಾಣಿ ಅಂಗಡಿಗೆ ಹೋಗಿಬರುವುದನ್ನು ಕೂಡ ಜಾಗರೂಕತೆಯ ನಡಿಗೆಯಾಗಿ ಬದಲಿಸಬಹುದು' ಎಂದು ನಾಥ್ ಹೇಳುತ್ತಾರೆ. ಇದು ಜಪಾನಿನ ಅರಣ್ಯ ಸ್ನಾನದ ಸಂಪ್ರದಾಯಕ್ಕೆ ಹೋಲುತ್ತದೆ. ಜಾಗರೂಕತೆಯ ನಡಿಗೆಯು ಮಾನಸಿಕ ಯೋಗಕ್ಷೇಮವನ್ನು ಕಾಪಾಡಿಕೊಳ್ಳಲು ಲಭ್ಯವಿರುವ ಅತ್ಯಂತ ಸುಲಭದ ಕ್ರಮವಾಗಿದೆ.

ಚಲಿಸುವಾಗ ಧ್ಯಾನ

ಜಾಗರೂಕತೆಯ ಅಥವಾ ಮನಸ್ಸಿಟ್ಟು ನಡೆಯುವ ನಡಿಗೆಯೆಂದರೆ ಫೋನ್, ಟ್ಯಾಬ್ಲೆಟ್ ಅಥವಾ ಲ್ಯಾಪ್‌ಟಾಪ್ ಪರದೆಯಿಂದ ನಿಮ್ಮನ್ನು ದೂರ ಕೊಂಡೊಯ್ಯುತ್ತದೆ ಎಂದು ಗುರುಗ್ರಾಮ ಮೂಲದ ಧ್ಯಾನ ತರಬೇತುದಾರ ಶಶಾಂಕ್ ರೈ ಹೇಳುತ್ತಾರೆ.

ನೀವು ನಿಮ್ಮ ಇಂದ್ರಿಯಗಳನ್ನು ತೊಡಗಿಸಿಕೊಳ್ಳಿ ಮತ್ತು ನಿಮ್ಮ ಪಾದಗಳ ಕೆಳಗಿರುವ ಭೂಮಿ ಮತ್ತು ನಿಮ್ಮ ತಲೆಯ ಮೇಲಿರುವ ಆಕಾಶದೊಂದಿಗೆ ಸಂಪರ್ಕ ಸಾಧಿಸುವಿರಿ. ಅದರಲ್ಲಿ ಶಕ್ತಿಯುತವಾದ ಭವ್ಯವಾದ ವಿಚಾರವಿದೆ. ವಿಚಲಿತರಾಗದೆ ನಡೆಯಲು ಅಪರೂಪದ ಅವಕಾಶವನ್ನು ನೀಡುತ್ತದೆ. ನಿಮ್ಮ ಫೋನ್ ಮತ್ತು ಹೆಡ್‌ಫೋನ್‌ಗಳನ್ನು ಮನೆಯಲ್ಲಿಯೇ ಇಡಲು ಮರೆಯದಿರಿ ಮತ್ತು ನೀವು ತೆಗೆದುಕೊಳ್ಳುವ ಹಂತಗಳ ಮೇಲೆ ಮಾತ್ರ ಗಮನಹರಿಸಿ ಎಂದು ಅವರು ಹೇಳುತ್ತಾರೆ.

'ಮೊದಲಿಗೆ, ನೀವು ಒಳನುಗ್ಗುವ ಆಲೋಚನೆಗಳಿಂದ ಸ್ಫೋಟಗೊಳ್ಳುತ್ತೀರಿ. ಹೃದಯವನ್ನು ಕಳೆದುಕೊಳ್ಳಬೇಡಿ. ಇದು ನಮ್ಮ ಆಲೋಚನೆಗಳ ಸ್ವರೂಪ. ಅವು ಗುಂಪುಗೂಡಿ ಬರುತ್ತವೆ. ಆದರೆ, ನೀವು ಉದ್ದೇಶಪೂರ್ವಕವಾಗಿಯೇ ನಿಮ್ಮ ಕೆಲಸದ ಮೇಲೆ ಗಮನಹರಿಸಬೇಕು ಮತ್ತು ವಾಕಿಂಗ್ ಮೇಲೆ ಕೇಂದ್ರೀಕರಿಸಬೇಕು. ವಾಸ್ತವದಿಂದ ನಿಮ್ಮನ್ನು ನಿಮ್ಮ ಯೋಚನೆಗಳು ಹೊರಗೆ ಕರೆದುಕೊಂಡು ಹೋದಾಗ, ನಿಧಾನವಾಗಿ ನಿಮ್ಮ ಮನಸ್ಸನ್ನು ಅದರತ್ತ ಹಿಂತಿರುಗಿಸಿ. ನಿಮ್ಮ ಹೆಜ್ಜೆಗಳನ್ನು ಸೂಕ್ಷ್ಮವಾಗಿ ಗಮನಿಸಿ. ಅವುಗಳು ಮಾಡುವ ಶಬ್ದವನ್ನು ಗಮನಿಸಿ' ಎಂದು ದೆಹಲಿ ಮೂಲದ ಮನಶ್ಶಾಸ್ತ್ರಜ್ಞ ಚಾರು ಜೈನ್ ಸಲಹೆ ನೀಡಿದ್ದಾರೆ.

ನೀವು ಹೆಚ್ಚಿನ ಮಾನಸಿಕ ಒತ್ತಡವನ್ನು ಅನುಭವಿಸುತ್ತಿದ್ದರೆ, ನೀವು ಒಮ್ಮೆಲೆ ಮನಸ್ಸಿಟ್ಟು ನಡೆಯಲು ಸಾಧ್ಯವಾಗುವುದಿಲ್ಲ. ಅಂತಹ ಸಂದರ್ಭದಲ್ಲಿ, ನಿಮ್ಮ ದೇಹವು ದೇಹದಲ್ಲಿ ಹೆಚ್ಚುವರಿ ಶಕ್ತಿಯಾಗಿ ಪ್ರಕಟವಾಗುವ ಹಾರ್ಮೋನುಗಳನ್ನು ಬಿಡುಗಡೆ ಮಾಡುತ್ತದೆ. ಇದು ಚಡಪಡಿಕೆಯನ್ನು ಉಂಟುಮಾಡುತ್ತದೆ. ಇದರ ಪರಿಣಾಮವಾಗಿ, ಆಲೋಚನೆಗಳ ವೇಗವೂ ತೀವ್ರವಾಗಿರುತ್ತದೆ. ಇದರ ಅನುಭವವಾದಾಗ ನೀವು ಸ್ವಲ್ಪ ವೇಗವಾಗಿ ನಡೆಯಿರಿ. ಹಾಗೆ ಮಾಡುವುದರಿಂದ ಆ ಶಕ್ತಿಯನ್ನು ವ್ಯಯಿಸಲು ಸಹಾಯವಾಗುತ್ತದೆ. ನಿಮ್ಮ ಮನಸ್ಸನ್ನು ಶಾಂತತೆಗೆ ತರುತ್ತದೆ ಎನ್ನುತ್ತಾರೆ ಜೈನ್.

ಜಾಗರೂಕತೆಯಿಂದ ನಡೆಯುವುದು ಎಂದರೆ ಚಲನೆಯಲ್ಲಿಯೇ ಧ್ಯಾನಕ್ಕೆ ಹೋಗುವುದಾಗಿದೆ. ಇದು ಒತ್ತಡವನ್ನು ಕಡಿಮೆ ಮಾಡಲು ಸಹಾಯ ಮಾಡುತ್ತದೆ. ನಿದ್ರೆ ಮತ್ತು ಮನಸ್ಥಿತಿಯನ್ನು ಸುಧಾರಿಸುತ್ತದೆ ಮತ್ತು ರಕ್ತದೊತ್ತಡವನ್ನು ಕಡಿಮೆ ಮಾಡುತ್ತದೆ. ಈ ರೀತಿಯಲ್ಲಿ ಸತತವಾಗಿ ಅಭ್ಯಾಸ ಮಾಡಿದರೆ ಉತ್ತಮ ಏಕಾಗ್ರತೆ ದೊರೆಯುತ್ತದೆ. ನೀವು ಹೈಪರ್ ಆಕ್ಟಿವಿಟಿ ಡಿಸಾರ್ಡರ್, ಆಂತರಿಕ ವ್ಯಕ್ತಿತ್ವ ಅಸ್ವಸ್ಥತೆ, ಖಿನ್ನತೆ ಅಥವಾ ಆತಂಕದ ತೀವ್ರ ಸ್ವರೂಪದಂತಹ ಪರಿಸ್ಥಿತಿಗಳಿಂದ ಬಳಲುತ್ತಿದ್ದರೆ, ಮನಃಪೂರ್ವಕ ನಡಿಗೆಯು ಸುಲಭವಾಗಿ ಬರುವುದಿಲ್ಲ. ಇದರರ್ಥ ನೀವು ಹಾಗೆ ಮಾಡಬೇಡಿ ಎಂದಲ್ಲ. ಬದಲಿಗೆ ನೀವು ಪ್ರಯತ್ನವನ್ನು ನಿಲ್ಲಿಸಬಾರದು.

ಮೊದಲು ಕೇವಲ 20 ಸೆಕೆಂಡುಗಳ ಕಾಲ ನಡೆಯಲು ಪ್ರಾರಂಭಿಸಿ, ತದನಂತರ ಕುಳಿತುಕೊಳ್ಳಿ. ನೀವು ಎರಡನೇ ಸುತ್ತಿಗೆ ಸಿದ್ಧರಾದಾಗ, ಮತ್ತೆ ಪ್ರಾರಂಭಿಸಿ. ಆದರೆ, ಈ ಬಾರಿ ಐದು ಹೆಚ್ಚುವರಿ ಹೆಜ್ಜೆಗಳನ್ನು ಇಡಿ ಎಂದು ಅವರು ಹೇಳುತ್ತಾರೆ.

ಮೊದಲ ಹಂತಗಳು

# ಸುರಕ್ಷಿತ ಪರಿಸರವನ್ನು ಆರಿಸಿ

# ನೀವು ನಡೆಯಲು ಪ್ರಾರಂಭಿಸುವ ಮೊದಲು, ನಿಮ್ಮ ಪರಿಸರವನ್ನು ಗಮನಿಸಿ ಕೆಲವು ಸೆಕೆಂಡುಗಳ ಕಾಲ ಆ ಸ್ಥಳದಲ್ಲಿ ನಿಂತುಕೊಳ್ಳಿ

# ವಾಕಿಂಗ್‌ನ ನೈಸರ್ಗಿಕ ಲಯ ಆಯ್ಕೆಮಾಡಿ; ನಿಧಾನವಾಗಿ ಅಥವಾ ವೇಗವಾಗಿ ಇದು ಸಂಪೂರ್ಣವಾಗಿ ನಿಮಗೆ ಬಿಟ್ಟದ್ದು

# ನೀವು ನಡೆಯುವಾಗ , ಹಿಮ್ಮಡಿಯಿಂದ ಕಾಲಿನ ಬೆರಳಿನವರೆಗೆ ಹೆಜ್ಜೆಯ ಚಲಿಸುವಿಕೆಯನ್ನು ನೋಡಿ

# ಉಸಿರು ತೆಗೆದುಕೊಳ್ಳುವಾಗ ಮತ್ತು ಹೊರಹಾಕುವಾಗ ನಿಧಾನವಾಗಿ ಮತ್ತು ಪ್ರಜ್ಞಾಪೂರ್ವಕವಾಗಿ ಚಲಿಸಿ, ನೇರವಾದ ಭಂಗಿಯನ್ನು ಕಾಪಾಡಿಕೊಳ್ಳಿ

# ನಿಮ್ಮ ಸುತ್ತಲಿನ ದೃಶ್ಯಗಳು, ವಾಸನೆಗಳು ಮತ್ತು ಸಂವೇದನೆಗಳನ್ನು ಗಮನಿಸಿ

# ಎಲ್ಲಿಯವರೆಗೆ ಆರಾಮದಾಯಕವಾಗಿದೆಯೋ ಅಲ್ಲಿಯವರೆಗೆ ನಡೆಯಿರಿ. ಬಳಿಕ ವಿರಾಮ ತೆಗೆದುಕೊಳ್ಳಿ ಮತ್ತು ಮತ್ತೆ ಪ್ರಾರಂಭಿಸಿ

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com