ಆಂಗ್ಯುಲರ್ ಚೀಲೈಟಿಸ್ ಎಂದು ಕರೆಯಲ್ಪಡುವ ಉರಿಯೂತದ ಚರ್ಮದ ಕಾಯಿಲೆಯು ಬಾಯಿಯ ಮೂಲೆಗಳಲ್ಲಿ ಊದಿಕೊಂಡ, ಕೆಂಪು ಪ್ಯಾಚ್ ಗಳಿಗೆ ಕಾರಣವಾಗುತ್ತದೆ. ಇದು ಸಾಮಾನ್ಯವಾಗಿ ಗಂಭೀರ ಸಮಸ್ಯೆಗಳೇನು ಅಲ್ಲ. ಆದರೆ, ಆಹಾರ ಸೇವನೆ ವೇಳೆ ಸಮಸ್ಯೆ ಉಂಟು ಮಾಡುತ್ತದೆ.
ಆಂಗ್ಯುಲರ್ ಚೀಲೈಟಿಸ್'ನ್ನು ಸ್ಟೊಮಾಟಿಟಿಸ್ ಮತ್ತು ಪರ್ಲೆಚೆ ಎಂದು ಕೂಡ ಕರೆಯಲಾಗುತ್ತದೆ. ಸಾಕಷ್ಟು ಜನರು ಇದನ್ನು ತಪ್ಪಾಗಿ ಅರ್ಥೈಸುವುದುಂಟು. ಬಾಯಿಯ ಹುಣ್ಣು ಎಂದು ಭಾವಿಸಿ, ಕೊಬ್ಬರಿ ಎಣ್ಣೆ, ಬೆಣ್ಣೆಯನ್ನು ಹಚ್ಚುತ್ತಿರುತ್ತಿರುತ್ತಾರೆ. ಆದರೆ, ಇದು ಬಾಯಿಯ ಹುಣ್ಣಲ್ಲ. ವಿಟಾಮಿನ್ ಮತ್ತು ಖನಿಜಗಳ ಕೊರತೆಯಿಂದಾಗಿ ಈ ರೋಗಳು ಕಾಣಿಸಿಕೊಳ್ಳುತ್ತವೆ. ಇದು ಒಬ್ಬರಿಂದ ಒಬ್ಬರಿಗೆ ಹರಡುವ ರೋಗವಲ್ಲ. ಆದರೆ, ಸಮಸ್ಯೆ ಉಲ್ಭಣಗೊಳ್ಳುವುದಕ್ಕೂ ಮುನ್ನ ಚಿಕಿತ್ಸೆ ಪಡೆಯುವುದು ಅಗತ್ಯವಾಗಿರುತ್ತದೆ.
ಆಂಗ್ಯುಲರ್ ಚೀಲೈಟಿಸ್ ವಿಟಮಿನ್ ಬಿ ಕೊರತೆ (ವಿಶೇಷವಾಗಿ ಬಿ 12, ಫೋಲೇಟ್, ರೈಬೋಫ್ಲಾವಿನ್) -ಖನಿಜ ಕೊರತೆ (ಸತು ಅಥವಾ ಕಬ್ಬಿಣ) -ಸಾಮಾನ್ಯ ಪ್ರೋಟೀನ್ ಕೊರತೆಯಿಂದ ಕಾಣಿಸಿಕೊಳ್ಳುತ್ತವೆ. ಇಂದು ಒಂದು ಸಾಮಾನ್ಯ ಚರ್ಮದ ಸ್ಥಿತಿಯಾಗಿದ್ದು, ಅದು ನಿಮ್ಮ ಬಾಯಿಯ ಮೂಲೆಗಳ ಮೇಲೆ ಪರಿಣಾಮ ಬೀರುತ್ತದೆ. ನಂತರ ನೋವಿನ, ಬಿರುಕು ಬಿಟ್ಟ ಹುಣ್ಣುಗಳಿಗೆ ಕಾರಣವಾಗುತ್ತದೆ.
ಈ ರೋಗವು ಸಾಮಾನ್ಯವಾಗಿ ವಿಶೇಷ ಚರ್ಮದ ಮುಲಾಮುಗಳು, ಔಷಧಿಗಳು ಅಥವಾ ಆಹಾರದಲ್ಲಿನ ಬದಲಾವಣೆಗಳೊಂದಿಗೆ ದೂರಾಗಿಸಿಕೊಳ್ಳಬಹುದು.
ಆಂಗ್ಯುಲರ್ ಚೀಲೈಟಿಸ್ ಸಮಸ್ಯೆ ವಯಸ್ಸಾದವರು ಮತ್ತು ಚಿಕ್ಕ ಮಕ್ಕಳಲ್ಲಿ ತುಂಬಾ ಸಾಮಾನ್ಯವಾಗಿ ಕಾಣಿಸಿಕೊಳ್ಳುತ್ತವೆ. ವಯಸ್ಸಾದವರಲ್ಲಿ ಇದು ಹೆಚ್ಚು ಬಾಧಿಸುತ್ತದೆ ಏಕೆಂದರೆ ಅವರು ಆರ್ಟಿಫಿಶಿಯಲ್ ಹಲ್ಲುಗಳನ್ನು ಧರಿಸುವುದು ಅಥವಾ ಬಾಯಿಯ ಮೂಲೆಗಳಲ್ಲಿ ಸಡಿಲವಾದ ಚರ್ಮವನ್ನು ಹೊಂದಿರುವುದರಿಂದ ಈ ಸಮಸ್ಯೆ ಅವರನ್ನು ಹೆಚ್ಚು ಬಾಧಿಸುತ್ತದೆ.
ಆಂಗ್ಯುಲರ್ ಚೀಲೈಟಿಸ್ ಲಕ್ಷಣಗಳು?
ಅಪಾಯಕಾರಿ ಅಂಶಗಳು ಯಾವುವು?
ಆಂಗ್ಯುಲರ್ ಚೀಲೈಟಿಸ್'ಗೆ ಕಾರಣವೇನು?
ಪತ್ತೆ ಹೇಗೆ?
ಪೌಷ್ಟಿಕಾಂಶದ ಕೊರತೆಗಳಿಂದ ಈ ಸಮಸ್ಯೆಗಳು ಹೆಚ್ಚು ಕಾಣಿಸಿಕೊಳ್ಳುವ ಹಿನ್ನೆಲೆಯಲ್ಲಿ ರಕ್ತದ ಪರೀಕ್ಷೆಗಳ ಮೂಲಕ ಈ ರೋಗವನ್ನು ಪತ್ತೆ ಮಾಡಬಹುದಾಗಿದೆ.
ಇದನ್ನೂ ಓದಿ: ಕಂಜಕ್ಟಿವೈಟಿಸ್ ಅಥವಾ ಮದ್ರಾಸ್ ಐ (ಕುಶಲವೇ ಕ್ಷೇಮವೇ)
ಚಿಕಿತ್ಸೆ ಹೇಗೆ?
ಪ್ರೋಟೀನ್, ಕಬ್ಬಿಣ ಅಥವಾ ಬಿ ವಿಟಮಿನ್‌ಗಳಂತಹ ಪೋಷಕಾಂಶಗಳ ಕೊರತೆಯಿಂದಾಗಿ ಈ ಸಮಸ್ಯೆಗಳು ಕಾಣಿಸಿಕೊಳ್ಳುವ ಹಿನ್ನೆಲೆಯಲ್ಲಿ ಆಹಾರ ಕ್ರಮಗಳನ್ನು ಬದಲಿಸಲು ವೈದ್ಯರು ಸೂಚಿಸಬಹುದು. ಔಷಧಿಗಳೂ ಕೂಡ ಲಭ್ಯವಿದ್ದು, ಆ್ಯಂಟಿಬಯಾಟಿಕ್ ಕ್ರೀಮ್ ಗಳನ್ನು ನೀಡಬಹುದು. ಬಿರುಕುಗಳ ಕಡಿಮೆ ಮಾಡಲು ಸ್ಟೀರಾಯ್ಡ್ ಕ್ರೀಮ್ ಮತ್ತು ಚುಚ್ಚುಮದ್ದುಗಳನ್ನು ನೀಡಬಹುದು.
ತಡೆಗಟ್ಟುವುದು ಹೇಗೆ?
Advertisement