ಅಗರ್ತಲಾ: ವ್ಯಕ್ತಿಯೋರ್ವ ತನ್ನ ಮಗಳನ್ನೇ ಸಜೀವವಾಗಿ ಸಮಾಧಿ ಮಾಡಲು ಯತ್ನಿಸಿದ ಘಟನೆ ತ್ರಿಪುರದ ಪುಟ್ಯಾ ಪ್ರದೇಶದಲ್ಲಿ ನಡೆದಿದೆ.
ತಂದೆ ಅಬ್ದುಲ್ ಹುಸೇನ್ ತನ್ನ ಮಗಳಾದ 9 ವರ್ಷದ ಬಾಲಕಿಯು ಕಳೆದ ಹಲವು ದಿನಗಳಿಂದ ಅನಾರೋಗ್ಯದಿಂದ ಬಳಲುತ್ತಿದ್ದರಿಂದ ಕೋಪಗೊಂಡು ಮನೆಯಲ್ಲಿ ಯಾರು ಇಲ್ಲಿದಿದ್ದ ಸಂದರ್ಭವನ್ನು ಕಂಡು ಮನೆಯ ಹಿಂಬದಿಯಲ್ಲಿ ಬಾಲಕಿಯನ್ನು ಬಲವಂತವಾಗಿ ಎಳೆದುಕೊಂಡು ಹೋಗಿ ಸಜೀವವಾಗಿ ಸಮಾಧಿ ಮಾಡಲು ಯತ್ನಿಸಿದ್ದಾನೆ. ಈ ವೇಳೆ ಬಾಲಕಿ ಕಿರುಚಾಡುವುದನ್ನು ಕಂಡ ಪಕ್ಕದ ಮನೆಯ ಮಹಿಳೆಯೊಬ್ಬಳು ಕೂಗಿಕೊಂಡಿದ್ದಾಳೆ.
ನಂತರ ಸ್ಥಳಕ್ಕಾಗಿಸಿದ ಸಾರ್ವಜನಿಕರು ಅಬ್ದುಲ್ ಹುಸೇನ್ ನನ್ನು ಥಳಿಸಿ ಪೊಲೀಸರ ವಶಕ್ಕೆ ಒಪ್ಪಿಸಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ವಿಚಾರಣೆ ನಡೆಸುತ್ತಿದ್ದಾರೆ.
