ದೆಹಲಿಗೂ ಕಾಲಿಟ್ಟ ಮಾರಕ ಎಬೋಲಾ ರೋಗ?

ನವದೆಹಲಿ: ಜಗತ್ತನ್ನೆ ಕಂಗೆಡಿಸಿರುವ ಮಾರಕ ರೋಗ ಎಬೋಲಾ ಇದೀಗ ಭಾರತಕ್ಕೂ ಕಾಲಿಟ್ಟಿದೆಯೇ ಎಂಬ ಆತಂಕ ವ್ಯಕ್ತವಾಗಿದೆ.

ಜೋಧ್‌ಪುರ ಮೂಲದ ವ್ಯಕ್ತಿಯೋರ್ವ ತೀವ್ರ ಜ್ವರದಿಂದ ಬಳಲುತ್ತಿದ್ದು, ಆತ ನವದೆಹಲಿಯ ಏಮ್ಸ್ ಆಸ್ಪತ್ರೆಗೆ ದಾಖಲಾಗಿದ್ದಾನೆ. ಆತನಲ್ಲಿ ಎಬೋಲಾ ಲಕ್ಷಣಗಳು ಗೋಚರಿಸಿವೆ ಎಂಬುದೇ ಇದೀಗ ಆತಂಕಕ್ಕೆ ಕಾರಣವಾಗಿದೆ.

ಆದರೆ ಇದನ್ನು ತಿರಸ್ಕರಿಸಿರುವ ಏಮ್ಸ್ ಆಸ್ಪತ್ರೆಯ ವೈದ್ಯ ಫ್ರೋ. ಸಂಜೀವ್ ಸಿನ್ಹಾ ಅವರು, ಆ ವ್ಯಕ್ತಿಯಲ್ಲಿ ಎಬೋಲಾ ಸೋಂಕು ಇದೆಯೆಂದು ಖಚಿತವಾಗಿ ಹೇಳಲು ಸಾಧ್ಯವಿಲ್ಲ. ಆತನ ರಕ್ತದ ಕೆಲವೊಂದು ಮಾದರಿಗಳನ್ನು ಲ್ಯಾಬ್‌ಗೆ ಕಳಿಸಲಾಗಿದೆ. ವರದಿ ಬಂದ ಬಳಿಕವಷ್ಟೇ ಎಬೋಲಾ ವೈರಸ್ ಬಗ್ಗೆ ದೃಡ ಪಡಿಸಲಾಗುವುದು ಎಂದರು.