ನವದೆಹಲಿ: ಐಪಿಎಲ್ ಮಾಜಿ ಮುಖ್ಯಸ್ಥ ಲಲಿತ್ ಮೋದಿ ದಿನಕ್ಕೊಬ್ಬ ರಾಜಕಾರಣಿಗಳ ಹೆಸರಿನ ಜೊತೆ ಥಳುಕು ಹಾಕಿಕೊಳ್ಳುತ್ತಿದೆ. ಈ ನಡುವೆ ಲಲಿತ್ ಮೋದಿ ನನಗೆ ಕೆಲಸದ ಆಫರ್ ನೀಡಿದ್ದರು. ಆದರೆ ನಾನು ಅದನ್ನು ನಿರಾಕರಿಸಿದೆ ಎಂದು ವಿದೇಶಾಂಗ ಸಚಿವೆ ಸುಷ್ಮಾ ಸ್ವರಾಜ್ ಪತಿ ಸ್ವರಾಜ್ ಕೌಶಲ್ ತಿಳಿಸಿದ್ದಾರೆ.
ನಾನು ಕಳೆದ 20 ವರ್ಷಗಳಿಂದ ಲಲಿತ್ ಮೋದಿ ಅವರ ವಕೀಲನಾಗಿ ಕೆಲಸ ಮಾಡುತ್ತಿದ್ದೇನೆ. ಏಪ್ರಿಲ್ 15, 2015 ರಂದು ಲಲಿತ್ ಮೋದಿ ಇಂಡೋಫಿಲ್ ಬೋರ್ಡ್ ನಲ್ಲಿ ನಿರ್ದೇಶಕರಾಗಲು ಲಲಿತ್ ಮೋದಿ ನನಗೆ ಆಹ್ವಾನ ನೀಡಿದ್ದರು. ಏಪ್ರಿಲ್ 24 ರಂದು ಇಂಡೋಫಿಲ್ ಬೋರ್ಡ್ ನಿರ್ದೇಶಕ ಸ್ಥಾನ ತನಗೆ ಬೇಡ ಎಂದು ನಿರಾಕರಿಸಿದ್ದಾಗಿ ಸ್ವರಾಜ್ ಕೌಶಲ್ ಮಾಧ್ಯಮಗಳಿಗೆ ತಿಳಿಸಿದ್ದಾರೆ,
ಲಲಿತ್ ಮೋದಿ ಜೊತೆ ಸುಷ್ಮಾ ಸ್ವರಾಜ್ ಕುಟುಂಬಕ್ಕೆ ಇರುವ ಸಂಬಂಧದ ಬಗ್ಗೆ ನರೇಂದ್ರ ಮೋದಿ ದೇಶದ ಜನತೆಗೆ ವಿವರಣೆ ನೀಡಬೇಕೆಂದು ಕಾಂಗ್ರೆಸ್ ಆಗ್ರಹಿಸಿದೆ,
Advertisement