ನವದೆಹಲಿ: ಐಆರ್ ಸಿಟಿಸಿ (ಭಾರತೀಯ ರೈಲ್ವೆ ಮತ್ತು ಪ್ರವಾಸೋದ್ಯಮ ನಿಗಮ) ರೈಲ್ವೆ ಪ್ರಯಾಣಿಕರಿಗಾಗಿ `ರುಪೇ' ಎಂಬ ಪ್ರಿಪೇಯ್ಡ್ ಕಾರ್ಡ್ ಮಂಗಳವಾರ ಬಿಡುಗಡೆ ಮಾಡಿದೆ.
ಈ ಕಾರ್ಡ್ ಬಳಸಿ ಪ್ರಯಾಣಿಕರು ಟಿಕೆಟ್ ಬುಕಿಂಗ್ ಹಾಗೂ ಶಾಪಿಂಗ್ ಮಾಡಬಹುದು. ಗ್ರಾಹಕರ ಆಸಕ್ತಿ ಗಮನದಲ್ಲಿಟ್ಟು ಕೊಂಡು ಯುನಿಯನ್ ಬ್ಯಾಂಕ್ ಆಫ್ ಇಂಡಿಯಾ, ನ್ಯಾಶನಲ್ ಪೇಮೆಂಟ್ ಕಾರ್ಪೋರೇಶನ್ ಆಫ್ ಇಂಡಿಯಾ ಜತೆ ಒಪ್ಪಂದ ಮಾಡಿ ಕೊಳ್ಳಲಾಗಿದೆ ಎಂದು ಕೇಂದ್ರ ರೈಲ್ವೆ ಸಚಿವ ಸುರೇಶ್ ಪ್ರಭು ತಿಳಿಸಿದ್ದಾರೆ.
`ರುಪೇ' ಪ್ರಿಪೇಡ್ ಕಾರ್ಡ್‍ಗಳನ್ನು ಯುನಿಯನ್ ಬ್ಯಾಂಕ್ ಹಾಗೂ ಐಆರ್‍ಸಿಟಿಸಿ ಆನ್‍ಲೈನ್‍ನಲ್ಲಿ ಪಡೆಯಬಹುದು. ಇದು ಬ್ಯಾಂಕ್ ಗಳ ಡೆಬಿಟ್ ಕಾರ್ಡ್ ರೀತಿ ಕಾರ್ಯನಿರ್ವಹಿಸುತ್ತದೆ. ಪ್ರತಿ ವ್ಯವಹಾರಕ್ಕೂ ಅಂಕಗಳನ್ನು ನೀಡಲಾಗುತ್ತದೆ. ಈ ಕಾರ್ಡ್ ಮೂಲಕ ರೈಲ್ವೆ ಟಿಕೆಟ್ ಬುಕಿಂಗ್ ಹಾಗೂ ಶಾಪಿಂಗ್‍ಗೆ ಈ ಕಾರ್ಡ್ ಅನ್ನು ಬಳಸಬಹುದು ಎಂದು ಐಆರ್‍ಟಿಸಿ ಅಧ್ಯಕ್ಷ ಎ.ಕೆ. ಮನೋಚ ಹೇಳಿದ್ದಾರೆ.
