ವಾಷಿಂಗ್ಟನ್: ಪೂರ್ವ ಸಿರಿಯಾಲ್ಲಿ ಇಸಿಸ್‍ನ ಹಿರಿಯ ನಾಯಕನೊಬ್ಬನನ್ನು ನಮ್ಮ ವಿಶೇಷ ಕಾರ್ಯಾಚರಣೆ ಪಡೆ ಕೊಂದುಹಾಕಿದೆ ಎಂದು ಅಮೆರಿಕ ತಿಳಿಸಿದೆ.
ಸಿರಿಯಾದಲ್ಲಿ ಇಸಿಸ್‍ಗೆ ತೈಲ, ಅನಿಲ ಮತ್ತು ಹಣಕಾಸು ಚಟುವಟಿಕೆಗಳಲ್ಲಿ ಮಾರ್ಗದರ್ಶನ ನೀಡುತ್ತಿದ್ದ ಅಬು ಸಯ್ಯಫ್ ನನ್ನು ಒಂದು ದಿನ ಮಧ್ಯರಾತ್ರಿ ನಡೆದ ಕಾರ್ಯಾಚರಣೆಯಲ್ಲಿ ಹತ್ಯೆಗೈಯ್ಯಲಾಗಿದೆ.
ಅಧ್ಯಕ್ಷ ಒಬಾಮ ಅವರ ಆದೇಶದ ಮೇರೆಗೆ ಈ ಕಾರ್ಯಾಚರಣೆ ನಡೆಸಲಾಗಿತ್ತು ಎಂದೂ ಅಧಿಕಾರಿಗಳು ತಿಳಿಸಿದ್ದಾರೆ. ಜತೆಗೆ, ಕಾರ್ಯಾಚರಣೆ ವೇಳೆ ಅಬು ಸಯ್ಯಫ್ ನ ಪತ್ನಿ ಉಮ್ಮು ಸಯ್ಯಫ್ ಳನ್ನು ವಶಕ್ಕೆ ತೆಗೆದುಕೊಂಡು, ಇರಾಕ್‍ನಲ್ಲಿ ಇರಿಸಲಾಗಿದೆ ಎಂದೂ ಮಾಹಿತಿ ನೀಡಿದ್ದಾರೆ.
