ಮಹಡಿಯಿಂದ ಬಿದ್ದು ಬಿಹಾರ ಮಾಜಿ ಶಾಸಕ ಮಗನ್ ಇನ್ಸಾನ್ ಸಾವು

ಕತಿಹರ್: ಮನೆಯ ಮಹಡಿ ಮೇಲೆ ವಾಯುವಿಹಾರ ಮಾಡುತ್ತಿದ್ದ ಬಿಹಾರ ಮಾಜಿ ಶಾಸಕ ಮಗನ್ ಇನ್ಸಾನ್ (84), ಮಹಡಿಯಿಂದ ಕಾಲು ಜಾರಿ ಬಿದ್ದು ಸಾವನ್ನಪ್ಪಿರುವ ಘಟನೆ ಬಿಹಾರದ ಕತಿಹರ್ ಜಿಲ್ಲೆಯಲ್ಲಿ ಗುರುವಾರ ನಡೆದಿದೆ.

ಮಗನ್ ಇನ್ಸಾನ್ ಅವರು ಪತ್ನಿ, 3 ಗಂಡು ಮಕ್ಕಳು, 4 ಹೆಣ್ಣುಮಕ್ಕಳನ್ನು ಅಗಲಿ ಇಹ ಲೋಕ ತ್ಯಜಿಸಿದ್ದಾರೆ.

ಇಂದು ಬೆಳಿಗ್ಗೆ ಮಹಡಿ ಮೇಲೆ ವಾಯುವಿಹಾರ ಮಾಡಿ ನಂತರ ಮೆಟ್ಟಿಲು ಇಳಿದು ಮನಯ ಒಳಗೆ ಬರುತ್ತಿದ್ದರು. ಈ ವೇಳೆ ಕಾಲು ಎಡವಿ ಜಾರಿಬಿದ್ದಿದ್ದಾರೆ. ತಕ್ಷಣ ಅವರನ್ನು ಸ್ಥಳೀಯ ಆಸ್ಪತ್ರೆಗೆ ಸೇರಿಲಾಗಿತ್ತಾದರೂ, ಬೀಳುವ ಭಯದಲ್ಲಿ ಅವರಿಗೆ ಹೃದಯಾಘಾತವಾಗಿ ಸಾವನ್ನಪ್ಪಿದ್ದಾರೆ ಎಂದು ವೈದ್ಯರು ಹೇಳಿದರು ಎಂದು ಮದನ್ ಇನ್ಸಾನ್ ಅವರ ಮಗ ದಿನೇಶ್ ಇನ್ಸಾನ್ ಹೇಳಿದ್ದಾರೆ.

ಇದೇ ವೇಳೆ ಅಂತಿಮ ಸಂಸ್ಕಾರ ಕುರಿತಂತೆ ಮಾತನಾಡಿರುವ ಅವರು, ಇಂದು ಸಂಜೆ ಅಂತಿಮ ಸಂಸ್ಕಾರದ ವಿಧಿವಿಧಾನವನ್ನು ನಡೆಸಲಾಗುತ್ತಿದ್ದು, ಅಂತಿಮ ಸಂಸ್ಕಾರವನ್ನು ತಂದೆ ಆಸೆಯಂತೆ ಮಾಡಲಾಗುತ್ತದೆ ಎಂದು ಹೇಳಿದ್ದಾರೆ. ,

1980ರಲ್ಲಿ ಕಡ್ವಾ ವಿಧಾನಸಭಾ ಕ್ಷೇತ್ರದಲ್ಲಿ ಸ್ವತಂತ್ರವಾಗಿ ಗೆಲುವು ಸಾಧಿಸಿದ್ದ ಮದನ್ ಇನ್ಸಾನ್ ಅವರು, 1985 ರಲ್ಲಿ ಕಾಂಗ್ರೆಸ್ ಪಕ್ಷದಿಂದ ಟಿಕೆಟ್ ಪಡೆಯುವ ಮೂಲಕ ಪ್ರನ್ಪುರ್ ವಿಧಾನಸಭಾ ಕ್ಷೇತ್ರದಲ್ಲಿ ಮತ್ತೆ ಗೆಲುವು ಸಾಧಿಸಿದ್ದರು.