ಲಖನೌ: ಅತ್ಯಾಚಾರದ ಫಲವಾಗಿ ಜನಿಸಿದ ಮಗು ಅತ್ಯಾಚಾರಿಯ ಆಸ್ತಿಯಲ್ಲಿ ಹಕ್ಕು ಹೊಂದಿರುತ್ತದೆ ಎಂಬ ಮಹತ್ವದ ತೀರ್ಪನ್ನು ಅಲಹಾಬಾದ್ ಹೈಕೋರ್ಟ್ ನೀಡಿದೆ.
ಅತ್ಯಾಚಾರಿಯು ಆ ಮಗುವಿನ ಜೈವಿಕ ತಂದೆಯೆನಿಸುತ್ತಾನೆ. ಆ ಮಗುವನ್ನು ಆತನ ನ್ಯಾಯಬದಟಛಿ ಮಗುವೆಂದು ಪರಿಗಣಿಸಬೇಕಾಗುತ್ತದೆ. ಈ ಸಂಕೀರ್ಣ ಸಾಮಾಜಿಕ ವಿಚಾರದ ಈ ಕುರಿತು ಸೂಕ್ತ ಕಾನೂನು ರಚನೆಯಾಗಬೇಕು ಎಂದು ನ್ಯಾ.ಶಬಿಹುಲ್ ಹಸ್‍ನೈನ್, ನ್ಯಾ.ಡಿ.ಕೆ. ಉಪಾಧ್ಯಾಯರನ್ನೊಳಗೊಂಡ ವಿಭಾಗೀಯ ಪೀಠ ಹೇಳಿದೆ.
ಈ ಮಗುವನ್ನು ದತ್ತು ನೀಡಿದಾಗಲಷ್ಟೇ ಈ ಹಕ್ಕು ಇಲ್ಲವಾಗುತ್ತದೆ. ನಾವಿಲ್ಲಿ ಆಸ್ತಿ ಹಕ್ಕನ್ನಷ್ಟೇ ಗಮನಿಸುತ್ತಿದ್ದೇವೆ. ಇಲ್ಲಿ ಜನನದ ಬಗೆ ಅಪ್ರಸ್ತುತ. ಆ ವ್ಯಕ್ತಿಗೆ ಅನ್ವಯಿಸುವ ವೈಯಕ್ತಿಕ ಹಕ್ಕಿನ ಪ್ರಕಾರ ಇದು ನಿರ್ಧರಿಸಲ್ಪಡುತ್ತದೆ.
ಆದರೆ ಈ ಕುರಿತು ಮಾನದಂಡಗಳನ್ನು ನಿರ್ಧರಿಸಿ ನೀಡಲು ನಾವು ಮುಮದಾಗುವುದಿಲ್ಲ. ಅದನ್ನು ಶಾಸಕಾಂಗ ಸೂಕ್ತ ಕಾನೂನಿನ ಮೂಲಕ ನಿರ್ಧರಿಸಬೇಕು ಎಂದು ಅತ್ಯಾಚಾರ ಸಂತ್ರಸ್ತೆಯ ಮಗುವೊಂದರ ಭವಿಷ್ಯದ ಕುರಿತು ನೀಡಲಾದ ತೀರ್ಪಿನಲ್ಲಿ ಕೋರ್ಟ್ ಹೇಳಿದೆ.
