ಮುಂಬೈ: ಕನಸುಗಳ ನಗರ ಮುಂಬೈ. ಸಾಧನೆ ಮಾಡುವೆನೆಂಬ ಛಲ ಹೊತ್ತು ಕನಸುಗಳ ಮೂಟೆಯನ್ನು ಹೇರಿ ಮುಂಬೈ ನಗರಕ್ಕೆ ಕಾಲಿಡುವ ಮಂದಿ ಇಲ್ಲಿ ತಮ್ಮ ಕನಸುಗಳನ್ನು ನನಸು ಮಾಡಲು ಒದ್ದಾಡುತ್ತಿರುತ್ತಾರೆ. ಹಾಗೆ ಕನಸುಗಳ ಜೋಳಿಗೆಯನು ಹೊತ್ತು ನಟಿಯಾಗಬೇಕೆಂಬ ಬಯಕೆಯಿಂದ ಮಿಥಾಲಿ ಶರ್ಮಾ ಎಂಬ ಯುವತಿ ಮುಂಬೈ ನಗರಕ್ಕೆ ಕಾಲಿಟ್ಟಳು. ನಟಿಯಾಗಬೇಕೆಂಬ ಬಯಕೆಯನ್ನು ಮನೆಯವರಲ್ಲಿ ಹೇಳಿದ ಕೂಡಲೇ ಅವರು ಈಕೆಯ ಕೈ ಬಿಟ್ಟು ಬಿಟ್ಟರು. ಹಾಗೆ ಕುಟುಂಬದವರ ಸಹಾಯವಿಲ್ಲದೆ ಆಕೆ ಮುಂಬೈ ಮಹಾನಗರದ ತೆಕ್ಕೆಗೆ ಬಿದ್ದು ಬಿಟ್ಟಳು.
