ಶ್ರೀನಗರ: ಜಮ್ಮು ಮತ್ತು ಕಾಶ್ಮೀರದ ಮುಖ್ಯಮಂತ್ರಿ ಮುಫ್ತಿ ಮೊಹಮ್ಮದ್ ಸಯೀದ್ ಅವರ ಸಾವಿನ ನಂತರ ಬಿಜೆಪಿ-ಪಿಡಿಪಿಗೆ ಸಂಬಂಧಿಸಿದಂತೆ ಉಂಟಾಗಿದ್ದ ಗೊಂದಲಗಳಿಗೆ ಮಂಗಳವಾರ ಅಧಿಕೃತವಾಗಿ ತೆರೆ ಎಳೆದಿರುವ ಪಿಪಿಡಿ, ಬಿಜೆಪಿಯೊಂದಿಗಿನ ಮೈತ್ರಿ ಮುಂದುವರೆಯಲಿದೆ ಎಂದು ಸ್ಪಷ್ಟಪಡಿಸಿದೆ.
'ಕಾಂಗ್ರೆಸ್-ಪಿಡಿಪಿ ಮೈತ್ರಿ ಬರೀ ವದಂತಿ ಅಷ್ಟೇ. ಬಿಜೆಪಿ ಮತ್ತು ಪಿಡಿಪಿ ಮಧ್ಯೆ ಯಾವುದೇ ಭಿನ್ನಾಭಿಪ್ರಾಯ ಇಲ್ಲ. ಸದ್ಯದಲ್ಲೇ ಎರಡೂ ಮಿತ್ರಗಳು ಮತ್ತೆ ಕೈಜೋಡಿಸಲಿವೆ' ಎಂದು ಪಿಡಿಪಿಯ ಡಾ.ಮೆಹಬೂಬಾ ಬೇಗ್ ಅವರು ಹೇಳಿರುವುದಾಗಿ ಮಾಧ್ಯಮಗಳು ವರದಿ ಮಾಡಿವೆ.
ಮೆಹಬೂಬಾ ಮುಫ್ತಿ ಅವರು ತಂದೆ ಸಾವಿನ ಆಘಾತದಿಂದ ಹೊರಬಂದ ನಂತರ ಸರ್ಕಾರ ರಚಿಸಲಿದ್ದಾರೆ ಮತ್ತು ತಂದೆಯ ಉದ್ದೇಶಗಳನ್ನು ಈಡೇರಿಸಲಿದ್ದಾರೆ ಎಂದು ಎಎನ್‌ಐಗೆ ತಿಳಿಸಿದ್ದಾರೆ.
ಕಣಿವೆ ರಾಜ್ಯದಲ್ಲಿ ಮತ್ತೆ ಬಿಜೆಪಿ-ಪಿಡಿಪಿ ಮೈತ್ರಿ ಸರ್ಕಾರ ರಚನೆ ಸಂಬಂಧ ನಾವು ಮೈತ್ರಿ ಸಿದ್ಧಾಂತಕ್ಕೆ ಬದ್ಧರಾಗಿದ್ದೇವೆ ಎಂದು ಬೇಗ್ ಹೇಳಿದ್ದಾರೆ.
