ಮುಂಬೈ: 35 ವರ್ಷಗಳ ಕೆಲಸದಿಂದ ನಿವೃತ್ತರಾಗುತ್ತಿದ್ದ ಕಾರು ಚಾಲಕನನ್ನು ಕಾರಿನಲ್ಲಿ ಕೂರಿಸಿಕೊಂಡು ಸ್ವತಃ ಜಿಲ್ಲಾಧಿಕಾರಿಯೇ ಬೀಳ್ಕೊಟ್ಟ ಅಪರೂಪದ ಪ್ರಕರಣ ಮಹಾರಾಷ್ಟ್ರದಲ್ಲಿ ನಡೆದಿದೆ.
ಮಹಾರಾಷ್ಟ್ರದ ಅಕೋಲ ಜಿಲ್ಲಾಧಿಕಾರಿಯ ಕಾರು ಚಾಲಕರಾಗಿದ್ದ ದಿಗಂಬರ್ ಥಾಕ್ ಅವರಿಗೆ ಗುರುವಾರ ವಿಶೇಷ ದಿನವಾಗಿತ್ತು.
ಥಾಕ್ ಅವರು ಕಳೆದ 35 ವರ್ಷಗಳಿಂದ ಮಹಾರಾಷ್ಟ್ರ ಸರ್ಕಾರದಲ್ಲಿ 18 ಜಿಲ್ಲಾಧಿಕಾರಿಗಳಿಗೆ ಕಾರು ಚಾಲಕರಾಗಿ ಕಾರ್ಯನಿರ್ವಹಿಸಿದ್ದಾರೆ.
ನಿವೃತ್ತರಾಗುತ್ತಿರುವ ಥಾಕ್ ಅವರಿಗೆ ಬೀಳ್ಕೊಡುಗೆ ನೀಡಲು ಕಚೇರಿಯಲ್ಲಿ ಅಧಿಕಾರಿಗಳು ಹಾಗೂ ಸಿಬ್ಬಂದಿ ಕಾದು ನಿಂತಿದ್ದರು.
ಹೂವಿನಿಂದ ಅಲಂಕೃತವಾಗಿದ್ದ ಕಾರಿನಲ್ಲಿ ಅಕೋಲದ ಜಿಲ್ಲಾಧಿಕಾರಿ ಜಿ. ಶ್ರೀಕಾಂತ್, ಅವರು ಥಾಕ್ರನ್ನು ಕಾರಿನಲ್ಲಿ ಕೂರಿಸಿ ಸ್ವತಃ ಚಲಾಯಿಸಿಕೊಂಡು ಕಚೇರಿಗೆ ಕರೆತಂದು ಥಾಕ್ ಅವರಿಗೆ ಸರ್ ಫ್ರೈಸ್ ನೀಡ್ದಾದಾರೆ.
ಕಚೇರಿಯಲ್ಲಿ ನಡೆದ ಸರಳ ಕಾರ್ಯಕ್ರಮದಲ್ಲಿ ಥಾಕ್ ಅವರನ್ನು ಬೀಳ್ಕೊಡಲಾಯಿತು. ಜತೆಗೆ ಪ್ರಶಂಸನಾ ಪತ್ರ ಹಾಗೂ ಬೆಳ್ಳಿಯ ಕಾರಿನ ಪ್ರತಿಮೆ ನೀಡಲಾಯಿತು.
Advertisement