ಪ್ರಧಾನಿ ಮೋದಿ ಪೇಟಿಎಂ ಜಾಹಿರಾತಿನಲ್ಲಿ ಕಾಣಿಸಿಕೊಳ್ಳುತ್ತಿರುವುದು ನಾಚಿಕೆಗೇಡು: ಕೇಜ್ರಿವಾಲ್

ನವದೆಹಲಿ: ಆನ್ಲೈನ್ ಪಾವತಿ ಸಂಸ್ಥೆ ಪೇಟಿಎಂ ಪ್ರಧಾನಿ ನರೇಂದ್ರ ಮೋದಿ ಅವರ ಭಾವಚಿತ್ರವನ್ನು ಬಳಕೆ ಮಾಡುತ್ತಿರುವುದರ ಬಗ್ಗೆ ತೀವ್ರ ಆಕ್ಷೇಪ ವ್ಯಕ್ತಪಡಿಸಿರುವ ದೆಹಲಿ ಸಿಎಂ ಅರವಿಂದ್ ಕೇಜ್ರಿವಾಲ್, ಪ್ರಧಾನಿ ಮೋದಿ ಭಾವಚಿತ್ರವನ್ನು ಖಾಸಗಿ ಸಂಸ್ಥೆ ಬಳಕೆ ಮಾಡಿಕೊಳ್ಳುತ್ತಿರುವುದು ನಾಚಿಕೆಗೇಡಿನ ಸಂಗತಿ ಎಂದು ಹೇಳಿದ್ದಾರೆ. 

ಜನರು ತಮ್ಮ ಪ್ರಧಾನಿ ಖಾಸಗಿ ಸಂಸ್ಥೆಯ ಮಾಡೆಲ್ ಆಗಿರಲಿ ಎಂದು ಬಯಸುತ್ತಿದ್ದಾರಾ? ಎಂದು ಕೇಜ್ರಿವಾಲ್ ಪ್ರಶ್ನಿಸಿದ್ದಾರೆ, ಮುಂದೊಂದು ದಿನ ಇದೇ ಸಂಸ್ಥೆಗಳು ತಪ್ಪು ಮಾಡಿದಲ್ಲಿ ಅವರ ವಿರುದ್ಧ ಕ್ರಮ ಕೈಗೊಳ್ಳುವವರು ಯಾರು ಎಂದು ಕೇಜ್ರಿವಾಲ್ ಟ್ವೀಟ್ ನಲ್ಲಿ ಪ್ರಶ್ನಿಸಿದ್ದಾರೆ. 

ಪೇಟಿಎಂ 500, 1000 ರೂ ರದ್ದುಗೊಂಡಿರುವುದರ ಫಲಾನುಭವಿಯಾಗಿದ್ದು, ನೋಟುಗಳು ರದ್ದುಗೊಂಡ ಮರುದಿನವೇ ಪ್ರಧಾನಿ ನರೇಂದ್ರ ಮೋದಿ ಪೇಟಿಎಂ ಜಾಹಿರಾತಿನಲ್ಲಿ ಕಾಣಿಸಿಕೊಂದಿದ್ದಾರೆ, ಇದರಲ್ಲಿ ಏನು ಒಪ್ಪಂದವಾಗಿ ಪ್ರಧಾನಿಗಳೇ? ಎಂದು ಕೇಜ್ರಿವಾಲ್ ಪ್ರಶ್ನಿಸಿದ್ದಾರೆ.  500, 1000 ರೂ ಮುಖಬೆಲೆಯ ನೋಟುಗಳನ್ನು ರದ್ದುಗೊಳಿಸಿರುವ ಕ್ರಮವನ್ನು ಆಮ್ ಆದ್ಮಿ ಪಕ್ಷ ತುಘಲಕ್ ಆಡಳಿತದ ಆದೇಶ ಎಂದು ಲೇವಡಿ ಮಾಡಿತ್ತು.