'ವಂದೇ ಮಾತರಂ' ವಿವಾದ: ಯೋಗಿ ಆದಿತ್ಯನಾಥ್ ಬೆನ್ನಿಗೆ ನಿಂತ ಸಮಾಜವಾದಿ ಪಕ್ಷ

ಲಖನೌ: ವಂದೇ ಮಾತರಂ ಗೀತೆ ಹಾಡದವರ ವಿರುದ್ಧ ಕಿಡಿಕಾರಿದ್ದ ಉತ್ತರಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಅವರ ಬೆಂಬಲಕ್ಕೆ ಸಮಾಜವಾದಿ ಪಕ್ಷ ಭಾನುವಾರ ಬಂದಿದೆ. 

ಯೋಗಿ ಆದಿತ್ಯನಾಥ್ ಅವರಿಗೆ ಬೆಂಬಲ ವ್ಯಕ್ತಪಡಿಸಿ ಮಾತನಾಡಿರುವ ಸಮಾಜವಾದಿ ಪಕ್ಷದ ನಾಯಕ ಜೂಹಿ ಸಿಂಗ್ ಅವರು, ರಾಜ್ಯದಲ್ಲಿ ಶಾಂತಿ ಹಾಗೂ ಸೌಹಾರ್ದತೆಯನ್ನು ಕಾಪಾಡಲು ಬಿಜೆಪಿ ನಾಯಕರು ಉನ್ನತ ನಾಯಕರ ಮಾತುಗಳನ್ನು ಕೇಳಬೇಕಿದೆ. ಪ್ರಕರಣ ಸಂಬಂಧ ಮುಖ್ಯಮಂತ್ರಿಗಳು ಕಾಳಜಿಯನ್ನು ವ್ಯಕ್ತಪಡಿಸಿದರೆ, ಅದನ್ನು ಪಕ್ಷದ ನಾಯಕರು ಗೌರವಿಸಬೇಕಿದೆ ಎಂದು ಹೇಳಿದ್ದಾರೆ. 

ನಿನ್ನೆಯಷ್ಟೇ ವಂದೇ ಮಾತರಂ ವಿವಾದ ಸಂಬಂಧ ಹೇಳಿಕೆ ನೀಡಿದ್ದ ಯೋಗಿ ಆದಿತ್ಯನಾಥ್ ಅವರು, ವಂದೇ ಮಾತರಂ ರಾಷ್ಟ್ರೀಯ ಗೀತೆಯನ್ನು ದೇಶದ ಪ್ರತಿಯೊಬ್ಬ ನಾಗರೀಕರು ಹಾಡಲೇಬೇಕು. ವಂದೇ ಮಾತರಂ ಹಾಡಲು ನಿರಾಕರಿಸುವುದು ಗಂಭೀರ ವಿಚಾರವಾಗಿದ್ದು. ವಂದೇ ಮಾತರಂ ಹಾಡಲು ನಿಕಾರಿಸುವವರರು ಸಂಕುಚಿತ ಮನಸ್ಥಿತಿಯುಳ್ಳವರಾಗಿದ್ದಾರೆಂದು ಹೇಳಿದ್ದರು.