ಸುಕ್ಮಾ(ಛತ್ತೀಸಗಢ): ಛತ್ತೀಸಗಢದ ಸುಕ್ಮಾದಲ್ಲಿ ಹನ್ನೊಂದು ನಕ್ಸಲರು ಶರಣಾಗಿದ್ದು ಈ ಪೈಕಿ ಇಬ್ಬರು ನಕ್ಸಲರ ತಲೆಗೆ ಎಂಟು ಲಕ್ಷ ಬಹುಮಾನ ಘೋಷಿಸಲಾಗಿತ್ತು.
ಅಪಾರ ಪ್ರಮಾಣದ ಶಸ್ತ್ರಾಸ್ತ್ರಗಳೊಂದಿಗೆ ಮೂವರು ಮಹಿಳೆಯರು ಸೇರಿದಂತೆ ಹನ್ನೊಂದು ನಕ್ಸಲರು ಇಂದು ಪೊಲೀಸ್ ವರಿಷ್ಠಾಧಿಕಾರಿ ಅಭಿಶೇಕ್ ಮೀನಾ ಅವರ ಮುಂದೆ ಶರಣಾಗಿದ್ದಾರೆ.
ಈ ಹಿಂದೆ ಸಹ ಹಲವಾರು ನಕ್ಸಲರು ಶರಣಾಗತರಾಗಿದ್ದರು. ಕಮಾಂಡರ್ ಜೆಆರ್ಡಿ ಜೆನ್ನಿ ಶಂಭು ಒಂದು ಕಂಟ್ರಿ ಪಿಸ್ತೂಲ್ ನೊಂದಿಗೆ ಜಗದಲ್ ಪುರ್ ನ ಸಿಆರ್ಪಿಎಫ್ ನ 80ನೇ ಬೆಟಾಲಿಯನ್ ಮುಂದೆ ಶರಣಾಗಿದ್ದರು. ಇನ್ನು ಕಳೆದ ಏಪ್ರಿಲ್ ನಲ್ಲಿ ಬಿಜಾಪುರದಲ್ಲಿ ಐವರು ನಕ್ಸಲರು ಶರಣಾಗಿದ್ದರು.
