ಸ್ವದೇಶಿಗರಿಂದಲೇ ಪಾಕಿಸ್ತಾನದ ಬಣ್ಣ ಬಯಲು, ಸರ್ಕಾರ, ಐಎಸ್ಐ ವಿರುದ್ಧ ಸಿಡಿದೆದ್ದ ಜನತೆ!

ಇಸ್ಲಾಮಾಬದ್: ಪಾಕಿಸ್ತಾನದ ಕ್ರೌರ್ಯ ಮತ್ತೊಮ್ಮೆ ಬಹಿರಂಗವಾಗಿದೆ. ಈ ಬಾರಿ ಪಾಕಿಸ್ತಾನದ ಜನತೆಯೇ ಅಲ್ಲಿನ ಸರ್ಕಾರದ ಬಣ್ಣವನ್ನು ಬಯಲು ಮಾಡಿದ್ದು, ಸರ್ಕಾರ ಹಾಗೂ ಐಎಎಸ್ಐ ವಿರುದ್ಧ ಬೀದಿಗಿಳಿದು ಪ್ರತಿಭಟನೆ ಮಾಡಿದ್ದಾರೆ. 

ಐಎಸ್ಐ ಮೂಲಕ ಅಲ್ಲಿನ ಸರ್ಕಾರ ಮುಗ್ಧ ಜನತೆ ಮೇಲೆ ನಡೆಸುತ್ತಿರುವ ದೌರ್ಜನ್ಯವನ್ನು ವಿರೋಧಿಸಿ ಸಾರ್ವಜನಿಕರೇ ಇಸ್ಲಾಮಾಬಾದ್ ನಲ್ಲಿ ಪ್ರತಿಭಟನೆ ನಡೆಸಿದ್ದಾರೆ. ಈ ಪ್ರತಿಭಟನೆಯ ಫೋಟೋಗಳನ್ನು ಎಎನ್ಐ ವರದಿ ಮಾಡಿದೆ. 

ಪಾಕಿಸ್ತಾನ-ಆಕ್ರಮಿತ ಕಾಶ್ಮೀರದ ಜನತೆಯೂ ಇಸ್ಲಾಮಾಬಾದ್ ನಲ್ಲಿ ನಡೆದ ಪ್ರತಿಭಟನೆಯಲ್ಲಿ ಭಾಗಿಯಾಗಿದ್ದರ ಬಗ್ಗೆ ವರದಿಯಾಗಿದೆ. ಪಾಕಿಸ್ತಾನದ ಜನತೆ ಅಲ್ಲಿನ ಸರ್ಕಾರದ ವಿರುದ್ಧ ಪ್ರತಿಭಟನೆ ನಡೆಸಿರುವುದು ಇದೇ ಮೊದಲಲ್ಲ. ಈ ಹಿಂದೆಯೂ ಸರ್ಕಾರ, ಗುಪ್ತಚರ ಇಲಾಖೆ ಐಎಸ್ಐ ವಿರುದ್ಧ  ಪ್ರತಿಭಟನೆ ನಡೆಸಿದ್ದಾರೆ.