ನವದೆಹಲಿ: ರಾಜಧಾನಿ ದೆಹಲಿಯಲ್ಲಿ ನಡುರಸ್ತೆಯಲ್ಲಿಯೇ ವ್ಯಕ್ತಿಯೊಬ್ಬರಿಗೆ ಗುಂಡು ಹಾರಿಸಿ ಬರ್ಬರವಾಗಿ ಹತ್ಯೆ ಮಾಡಿರುವ ಘಟನೆಯೊಂದು ಭಾನುವಾರ ರಾತ್ರಿ ನಡೆದಿದೆ.
ಜೋಗಿಂದರ್ ಸಿಂಗ್ (48) ಹತ್ಯೆಯಾದ ವ್ಯಕ್ತಿಯಾಗಿದ್ದು, ಸೋನ್ಯಾ ವಿಹಾರ್ ಪ್ರದೇಶದಲ್ಲಿರುವ ಗ್ಯಾಸ್ ಏಜೆನ್ಸಿಯೊಂದರಲ್ಲಿ ಕಾರ್ಯನಿರ್ವಹಿಸುತ್ತಿದ್ದರು.
ಹತ್ಯೆ ಬಗ್ಗೆ ನಮಗೆ ರಾತ್ರಿ ಸುದ್ದಿ ತಿಳಿಯಿತು. ಜೋಗಿಂದರ್ ಸಿಂಗ್ ಸಾವಿಗೆ ಒಂದು ರೀತಿಯಲ್ಲಿ ಗ್ಯಾಸ್ ಏಜೆನ್ಸಿಯೇ ಕಾರಣವಾಗಿದೆ. ಭಾನುವಾರ ಪ್ರತೀಯೊಬ್ಬರಿಗೂ ರಜಾದಿನವಾಗಿದ್ದು, ಭಾನುವಾರ ಕೂಡ ಗ್ಯಾಸ್ ಏಜೆನ್ಸಿ ಕೆಲಸ ಮಾಡುವಂತೆ ಜೋಗಿಂದರ್ ಅವರನ್ನು ಕರೆದಿತ್ತು. ಹತ್ಯೆಯಾದ ಸಮಯದಲ್ಲಿ ಸ್ಥಳದಲ್ಲಿ ಭದ್ರತೆ ಕೂಡ ಇರಲಿಲ್ಲ ಎಂದು ಜೋಗಿಂದರ್ ಸಿಂಗ್ ಅವರ ಸಹೋದರ ಹೇಳಿದ್ದಾರೆ.
ಸುದ್ದಿ ತಿಳಿಯುತ್ತಿದ್ದಂತೆಯೇ ಸ್ಥಳಕ್ಕಾಗಮಿಸಿದ ಪೊಲೀಸರು ಮೃತ ದೇಹವನ್ನು ಮರಣೋತ್ತರ ಪರೀಕ್ಷೆಗೆ ಕಳುಹಿಸಿದ್ದಾರೆ. ಹತ್ಯೆ ಹಿಂದೆ ಪ್ರಮುಖ ಕಾರಣಗಳು ತಿಳಿದುಬಂದಿಲ್ಲ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.
