ಕಾನ್ಪುರ(ಉ.ಪ್ರ): ಸ್ವಾತಂತ್ರ್ಯ ದಿನಾಚರಣೆಯ ದಿನ ಹತ್ತಿರ ಬರುತ್ತಿದೆ. ಸ್ವಾತಂತ್ರ್ಯ ದಿನವನ್ನು ಖುಷಿಯಾಗಿ ಆಚರಿಸಲು ಉತ್ತರ ಪ್ರದೇಶದ ಕಾನ್ಪುರ ಸಿಟಿಯಲ್ಲಿ ಪ್ರಧಾನ ಮಂತ್ರಿ ನರೇಂದ್ರ ಮೋದಿಯವರ ಭಾವಚಿತ್ರ ಸೇರಿದಂತೆ ಅನೇಕ ಬಣ್ಣಬಣ್ಣದ ಗಾಳಿಪಟಗಳನ್ನು ನಿರ್ಮಿಸಲಾಗಿದೆ.
ಸ್ವಾತಂತ್ರ್ಯ ದಿನಾಚರಣೆಗೂ ಮುನ್ನ ಕಾನ್ಪುರ ನಗರದಲ್ಲಿ ಬಣ್ಣಬಣ್ಣದ ಕಾಗದಗಳಿಂದ ತಯಾರಿಸಿದ ನೂರಾರು ಗಾಳಿಪಟಗಳು ಕಾಣಸಿಗುತ್ತವೆ. ಪ್ರಧಾನಿಯವರ ಫೋಟೋದಲ್ಲಿ ಮಹಾನಾಯಕ ಮತ್ತು ಅಚ್ಛೆ ದಿನ್ ಎಂದು ಬರೆಯಲಾಗಿದೆ.
ಇನ್ನು ಕೆಲವು ಗಾಳಿಪಟಗಳಲ್ಲಿ ಬಾಲಿವುಡ್ ಚಿತ್ರಗಳಾದ ದಂಗಲ್, ಕಾರ್ಟೂನ್ ಪಾತ್ರಗಳಾದ ಡೊರೆಮಾನ್, ಟೊಮ್ ಅಂಡ್ ಜೆರ್ರಿ,ಬಾರ್ಬಿ ಮೊದಲಾದ ಚಿತ್ರಗಳನ್ನು ಬಿಡಿಸಲಾಗಿದೆ.
ಈ ಹಿಂದಿನ ವರ್ಷಗಳಿಗಿಂತ ಈ ವರ್ಷ ಇಲ್ಲಿ ಸ್ವಾತಂತ್ರ್ಯ ದಿನಾಚರಣೆಗೆ ಮುನ್ನ ಗ್ರಾಹಕರು ದೊಡ್ಡ ದೊಡ್ಡ ವಿವಿಧ ವಿನ್ಯಾಸಗಳ ಗಾಳಿಪಟಗಳನ್ನು ಕೊಂಡುಕೊಳ್ಳುತ್ತಿದ್ದಾರೆ. ಇವು ಬರೇಲಿ ಮತ್ತು ಜೈಪುರ್ ನಿಂದ ಬರುತ್ತಿವೆ.