ಪ್ರಧಾನಿ ಮೋದಿ ಅವರ ನೆಚ್ಚಿನ ಧ್ಯಾನ ವಿಧಾನ ಯಾವುದು ಗೊತ್ತಾ?

ನವದೆಹಲಿ: ಜೂ.21 ರಂದು ವಿಶ್ವಾದ್ಯಂತ ಯೋಗ ದಿನವನ್ನು ಆಚರಿಸಲಾಗಿದೆ. ಪ್ರಧಾನಿ ನರೇಂದ್ರ ಮೋದಿ ಉತ್ತರ ಪ್ರದೇಶದಲ್ಲಿ ಯೋಗ ದಿನವನ್ನು ಆಚರಿಸಿದ್ದು, ಪ್ರಧಾನಿ ಮೋದಿ ಅವರ ನೆಚ್ಚಿನ ಧ್ಯಾನ ವಿಧಾನ ಯಾವುದು ಎಂಬ ಅಂಶ ಬಹಿರಂಗವಾಗಿದೆ. 

ಪ್ರಧಾನಿ ನರೇಂದ್ರ ಮೋದಿ ಅವರ ಯೊಗ ಗುರು ಡಾ. ನರೇಂದ್ರ, ಪ್ರಧಾನಿ ಮೋದಿ ಅವರ ಯೋಗಾಭ್ಯಾಸದ ಬಗ್ಗೆ ಮಾಹಿತಿ ನೀಡಿದ್ದು, ಪ್ರಧಾನಿ ಮೋದಿ ಅವರಿಗೆ ಯಾವುದನ್ನು ಮಾಡಬೇಕು, ಮಾಡಬಾರದು ಎಂಬುದು ಚೆನ್ನಾಗಿ ತಿಳಿದಿದೆ. ಸೈಕ್ಲಿಕ್ ಮೆಡಿಟೇಶನ್ ಅಥವಾ ಆವರ್ತನ್ ಧ್ಯಾನವನ್ನು ಹೆಚ್ಚು ಇಷ್ಟಪಡುತ್ತಾರೆ. ಅವರಿಗೆ ಏನಾದರು ಬೇಕಾದರೆ ನನಗೆ ಕರೆ ಮಾಡಬಹುದು ಎಂದು ನರೇಂದ್ರ ಹೇಳಿದ್ದಾರೆ. 

ಕರ್ನಾಟಕದವರಾಗಿರುವ ಡಾ. ಹೆಚ್ ಆರ್ ನರೇಂದ್ರ, ಈಗ ದೆಹಲಿಯಲ್ಲೂ ತಮ್ಮ ಯೋಗ ಕೇಂದ್ರದ ಶಾಖೆಯನ್ನು ಉದ್ಘಾಟಿಸಿದ್ದು, ಪ್ರಧಾನಿ ನರೇಂದ್ರ ಮೋದಿ ಅವರ ಅಧಿಕೃತ ನಿವಾಸದಿಂದ ಕೇವಲ 3 ಕಿಮೀ ದೂರದಲ್ಲಿದೆ. ಪ್ರಧಾನಿ ನರೇಂದ್ರ ಮೋದಿ 35 ವರ್ಷದ ಹಿಂದೆ ಪ್ರಶಾಂತಿ ಯೋಗ ಕೇಂದ್ರದಲ್ಲಿ ಯೋಗಾಭ್ಯಾಸವನ್ನು ಪ್ರಾರಂಭಿಸಿದರು ಎಂದು ನರೇಂದ್ರ ಹೇಳಿದ್ದಾರೆ.