ನವದೆಹಲಿ: ಮುಸಲ್ಮಾನರ ಬೊಹ್ರಾ ಸಮುದಾಯದಲ್ಲಿ ಸ್ತ್ರೀ ಜನನಾಂಗದ ಊನಗೊಳಿಸುವಿಕೆ ಸಂಪ್ರದಾಯದ ಬಗ್ಗೆ ವಿಸ್ತೃತ ಪ್ರತಿಕ್ರಿಯೆ ನೀಡುವಂತೆ ಕೇಂದ್ರ ಹಾಗೂ ರಾಜ್ಯ ಸರ್ಕಾರಗಳಿಗೆ ಸುಪ್ರೀಂ ಕೋರ್ಟ್ ಸೋಮವಾರ ನೊಟೀಸ್ ಜಾರಿ ಮಾಡಿದೆ.
ಮುಖ್ಯ ನ್ಯಾಯಮೂರ್ತಿ ಜಗದೀಶ್ ಸಿಂಗ್ ಖೆಹರ್ ನೇತೃತ್ವದ ನ್ಯಾಯಪೀಠ, ಮಹಾರಾಷ್ಟ್ರ, ದೆಹಲಿ, ಗುಜರಾತ್ ಮತ್ತು ರಾಜಸ್ತಾನಗಳಿಗೆ ನೊಟೀಸ್ ಜಾರಿ ಮಾಡಿದೆ.
ಸ್ತ್ರೀ ಜನನಾಂಗದ ಊನಗೊಳಿಸುವಿಕೆ ಸಂಪ್ರದಾಯದಂತೆ ಮಹಿಳೆಯರ ಕ್ಲೋಟೋರಲ್ ಹುಡ್ ನಿಂದ ಚರ್ಮವನ್ನು ತೆಗೆಯಲಾಗುತ್ತದೆ. ಅದು ಏಳನೇ ವರ್ಷದಲ್ಲಿ ಅಥವಾ 6ರಿಂದ 12ನೇ ವರ್ಷದೊಳಗೆ ಆಗಿರುತ್ತದೆ.
ಆದರೆ ವಿಶ್ವ ಆರೋಗ್ಯ ಸಂಸ್ಥೆ ಪ್ರಕಾರ, ಇದರಿಂದ ಯಾವುದೇ ಆರೋಗ್ಯ ಪ್ರಯೋಜನಗಳಿಲ್ಲ. ಮತ್ತು ಇದರಿಂದ ಅನೇಕ ತಕ್ಷಣ ಮತ್ತು ಶಾಶ್ವತ ಆರೋಗ್ಯ ಸಮಸ್ಯೆಯುಂಟಾಗುತ್ತದೆ.
