ವಲ್ಸದ್ : "ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಎಲ್ಲಿ ತನ್ನ ಪಕ್ಷದ ಅಭ್ಯರ್ಥಿ ಪರ ಪ್ರಚಾರ ನಡೆಸುತ್ತಾರೆಯೋ ಅಲ್ಲಿ ಕಾಂಗ್ರೆಸ್ ಸೋಲು ಖಚಿತ" ಹೀಗೆಂದು ಉತ್ತರ ಪ್ರದೇಶ ಮುಖ್ಯಮಂತ್ರಿ ಯೋಗಿ ಆದಿತ್ಯನಾಥ್ ಕಾಂಗ್ರೆಸ್ ಉಪಾಧ್ಯಕ್ಷ ರಾಹುಲ್ ಗಾಂಧಿ ಅವರನ್ನು ತರಾಟೆಗೆ ತೆಗೆದುಕೊಂಡರು.
ಗುಜರಾತಿನ ರ್ಯಾಲಿ ಒಂದರಲ್ಲಿ ಭಾಗವಹಿಸಿದ್ದ ಆದಿತ್ಯನಾಥ್, "ಅಮಿತ್ ಶಾ ಗುಜರಾತಿಗೆ ಬಂದಾಗ ಇಟಲಿಗೆ ಹಾರುವ ರಾಹುಲ್ ಗಾಂಧಿ, ಈಗೇಕೆ ಗುಜರಾತಿಗೆ ಬಂದಿದ್ದಾರೆ?" ಎಂದು ಅವರು ಪ್ರಶ್ನಿಸಿದರು.
"ತನ್ನ ಕ್ಷೇತ್ರ ಅಮೆಥಿಯಲ್ಲಿ ಯಾವುದೇ ಅಭುವರದ್ಧಿ ಕಾರ್ಯ ನಡೆಸದ ರಾಹುಲ್ ರಿಂದ ಗುಜರಾತಿನಲ್ಲಿ ಬದಲಾವಣೆಯನ್ನು ನಿರೀಕ್ಷಿಸಬಹುದೆ? ರಾಹುಲ್ ಗಾಂಧಿ ಎಲ್ಲೆಲ್ಲಿ ಪ್ರಚಾರಕ್ಕೆ ಹೋಗುತ್ತಾರೋ ಅಲ್ಲೆಲ್ಲ ಕಾಂಗ್ರೆಸ್ ಸೋತಿದೆ. ಈ ಬಾರಿಯೂ ಅದೇ ಮರುಕಳಿಸಲಿದೆ" ಎಂದೆನ್ನುವ ಮೂಲಕ ಸಧ್ಯದಲ್ಲೇ ನಡೆಯುವ ಗುಜರಾತ್ ವಿಧಾನಸಭೆ ಚುನಾವಣೆಯಲ್ಲಿಯೂ ಬಿಜೆಪಿ ವಿಜಯ್ ಯಾತ್ರೆ ಮುಂದುವರಿಯುವುದೆಂದು ಸೂಚಿಸಿದರು.
