ತಿರುವನಂತಪುರ: 2 ದಿನದ ಹಸುಳೆಯೊಂದನ್ನು ಟಾಯ್ಲೆಟ್'ನಲ್ಲಿ ಫ್ಲಶ್ ಮಾಡಿರುವ ಆಘಾತಕಾರಿ ಹಾಗೂ ಹೇಯ ಘಟನೆ ಕೇರಳ ರಾಜ್ಯದಲ್ಲಿ ನಡೆದಿದೆ.
ನೀರು ಹೋಗದೇ ಬ್ಲಾಕ್ ಆಗಿದ್ದ ಕಮೋಡನ್ನು ಪ್ಲಂಬರ್ ಗಳು ಸ್ವಚ್ಛಗೊಳಿಸಲು ಆಗಮಿಸಿದಾಗ ಘಟನೆ ಬೆಳಕಿಗೆ ಬಂದಿದೆ.
ಕೇರಳ ರಾಜ್ಯದ ಪೆರಿತಳ್ಮಣ್ಣ ಕಳೆದ ಶುಕ್ರವಾರ ಡಾ.ಅಬ್ದುಲ್ ರೆಹಮಾನ್ ಎಂಬುವವರ ಕ್ಲಿನಿಕ್ ನಲ್ಲಿ ಘಟನೆ ನಡೆದಿದೆ.
ರೆಹಮಾನ್ ಅವತು ತಮ್ಮ ವೈದ್ಯ ಪತ್ನಿಯ ಸಂಗಡ ಇಲ್ಲಿ ಕ್ಲಿನಿಕ್ ನಡೆಸುತ್ತಿದ್ದಾರೆ. ಕ್ಲಿನಿಕ್ ನಲ್ಲಿ ಶೌಚಾಲಯವಿದ್ದು, ಅದನ್ನು ಸ್ವಚ್ಛಗೊಳಿಸಲು ಕೆಲಸದವಳು ಬಂದಿದ್ಳು. ಆಗ ಕಮೋಡ್ ನಲ್ಲಿ ನೀರು ಹೋಗದ್ದನ್ನು ನೋಡಿ ಆಕೆ ವೈದ್ಯರಿಗೆ ಮಾಹಿತಿ ತಿಳಿಸಿದ್ದಳು.
ಈ ವೇಳೆ ಡಾ.ಅಬ್ದುಲ್ ಅವರು ಪ್ಲಂಬರ್ ಗಳನ್ನು ಕರೆಸಿದ್ದರು. ಪ್ಲಂಬರ್ ಗಳು ಕಮೋಡ್ ನ ಪೈಪ್'ನ್ನು ಶೋಧಿಸಿದಾಗ ಅದರಲ್ಲಿ 2 ದಿನದ ಹಸುಳೆ ಪತ್ತೆಯಾಗಿದೆ. ಇದರಿಂದ ಆಘಾತಗೊಂಡ ವೈದ್ಯ ಅಬ್ಲುಲ್ ಕೂಡಲೇ ಪೊಲೀಸರಿಗೆ ದೂರು ನೀಡಿದ್ದಾರೆ. ಪ್ರಕರಣ ದಾಖಲಿಸಿಕೊಂಡಿರುವ ಪೊಲೀಸರು ತನಿಖೆ ನಡೆಸುತ್ತಿದ್ದಾರೆ.