ನವದೆಹಲಿ: ರಾಜ್ಯಸಭೆಯ ಉಪಸಭಾಪತಿ ಸ್ಥಾನಕ್ಕೆ ಇಂದು ನಡೆಯಲಿರುವ ಚುನಾವಣೆಯಲ್ಲಿ ಎನ್ ಡಿ ಎ ಅಭ್ಯರ್ಥಿಯಾಗಿ ಹರಿವಂಶ್ ಹಾಗೂ ಪ್ರತಿಪಕ್ಷಗಳ ಅಭ್ಯರ್ಥಿಯಾಗಿ ಕರ್ನಾಟಕದ ಹಿರಿಯ ಕಾಂಗ್ರೆಸ್ ಮುಖಂಡ ಬಿ. ಕೆ. ಹರಿ ಪ್ರಸಾದ್ ಕಣಕ್ಕೆ ಇಳಿದಿದ್ದಾರೆ.
244 ಸದಸ್ಯರನ್ನು ಹೊಂದಿರುವ ರಾಜ್ಯಸಭೆಯಲ್ಲಿ ಆಡಳಿತರೂಢಾ ಎನ್ ಡಿಎ ಮೈತ್ರಿಕೂಟದ 126 ಸದಸ್ಯರನ್ನು ಹೊಂದಿದೆ.
ಹರಿವಂಶ ಜೆಡಿಯುನಿಂದ ಮೊದಲ ಬಾರಿಗೆ ರಾಜ್ಯಸಭೆ ಸಂಸದರಾಗಿದ್ದರೆ, ಹರಿಪ್ರಸಾದ್ ಮೂರು ಬಾರಿ ಕಾಂಗ್ರೆಸ್ ನಿಂದ ರಾಜ್ಯಸಭೆಗೆ ಆಯ್ಕೆಯಾಗಿದ್ದಾರೆ.
ಪಿ. ಕೆ. ಕುರಿಯನ್ ಅವರ ನಿವೃತ್ತಿಯಿಂದಾಗಿ ಜುಲೈ 1 ರಿಂದ ತೆರವಾಗಿರುವ ಸ್ಥಾನಕ್ಕೆ ಬೆಳಿಗ್ಗೆ 11 ಗಂಟೆಗೆ ಚುನಾವಣೆ ನಡೆಯಲಿದೆ.
ಪ್ರತಿಪಕ್ಷಗಳ ಕೂಟದಲ್ಲಿ ಕಾಂಗ್ರೆಸ್ ಸೇರಿದಂತೆ ಟಿಎಂಸಿ, ಡಿಎಂಕೆ, ಎಡಪಕ್ಷ, ಎಸ್ ಪಿ, ಬಿಎಸ್ ಪಿ, ಎನ್ ಸಿಪಿ ಮತ್ತು ಟಿಡಿಪಿ ಪಕ್ಷಗಳಿವೆ. ಹರಿಪ್ರಸಾದ್ ಗೆ ಬೆಂಬಲ ನೀಡುವುದಾಗಿ ಟಿಡಿಪಿ ಮುಖಂಡ ವೈ. ಎಸ್. ಚೌದರಿ ತಿಳಿಸಿದ್ದಾರೆ.
ಎನ್ ಡಿಎ ಮೈತ್ರಿಕೂಟದ ಅಭ್ಯರ್ಥಿಗೆ ಶಿವಸೇನಾ, ಅಕಾಲಿ ದಳ, ಎಎಐಡಿಎಂಕೆ ಮತ್ತು ಟಿಆರ್ ಎಸ್ ಬೆಂಬಲ ಘೋಷಿಸಿವೆ.
ಒಟ್ಟಾರೇ ಇಂದು ನಡೆಯಲಿರುವ ಚುನಾವಣೆ ಕರ್ನಾಟಕದ ಹಿರಿಯ ಕಾಂಗ್ರೆಸ್ ಮುಖಂಡ ಬಿ. ಕೆ. ಹರಿಪ್ರಸಾದ್ ರಾಜಕೀಯ ಜೀವನದಲ್ಲಿ ಮಹತ್ವದ್ದಾಗಿದೆ.
