ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 'ದೆಹಲಿ ಮತ್ತು ಉತ್ತರ ಪ್ರದೇಶ 17 ಸ್ಥಳಗಳಲ್ಲಿ ಸ್ಥಳೀಯ ಉಗ್ರ ನಿಗ್ರಹ ದಳ ಸಿಬ್ಬಂದಿ ಸಹಾಯದೊಂದಿಗೆ ದಾಳಿ ನಡೆಸಿದ್ದೇವೆ. ಇನ್ನೂ ಕಾರ್ಯಾಚರಣೆ ಮುಂದುವರಿದಿದೆ. ಈಗ ಸಿಕ್ಕಿರುವ ಶಸ್ತ್ರಾಸ್ತ್ರ, ಬಾಂಬ್‌ ತಯಾರಿಕಾ ವಸ್ತುಗಳನ್ನು ನೋಡಿದರೆ, ಅವರು ಭಾರಿ ಸಂಖ್ಯೆಯಲ್ಲೇ ಬಾಂಬ್‌ ತಯಾರಿಕೆಗೆ ಮುಂದಾಗಿದ್ದರು ಎನ್ನುವುದು ಗೋಚರವಾಗುತ್ತದೆ. ಇದೆನ್ನೆಲ್ಲ ಗಮನಿಸಿದರೆ ಅವರು ಭಾರಿ ಅನಾಹುತ ಮಾಡಲು ಸಿದ್ಧತೆ ನಡೆಸಿರುವುದು ಪಕ್ಕಾ ಆಗುತ್ತಿದೆ. 134 ಸಿಮ್‌ ಕಾರ್ಡ್‌, 112 ಅಲಾರಾಂ ಕ್ಲಾಕ್ಸ್‌, 25 ಕೆಜಿ ಸ್ಫೋಟಕ ವಶಪಡಿಸಿಕೊಳ್ಳಲಾಗಿದೆ,' ಎಂದು ಮಾಹಿತಿ ನೀಡಿದರು.
