ವಡೋದರಾ: ವಡೋದರಾದ ಶಾಲೆಯಲ್ಲಿನ ಶೌಚಾಲಯದಲ್ಲಿ ಶವವಾಗಿ ಪತ್ತೆಯಾಗಿದ್ದ 9 ನೇ ತರಗತಿ ವಿದ್ಯಾರ್ಥಿಯ ಹತ್ಯೆ ಪ್ರಕರಣದಲ್ಲಿ 10 ನೇ ತರಗತಿಯ ವಿದ್ಯಾರ್ಥಿಯನ್ನು ಪೊಲೀಸರು ಬಂಧಿಸಿದ್ದಾರೆ.
ಹತ್ಯೆ ನಡೆದ ಸ್ಥಳದಲ್ಲಿ 12 ಇಂಚ್ ನ ಚೂರಿ ಪತ್ತೆಯಾಗಿತ್ತು. ಇದಕ್ಕೆ ಪೂರಕವಾಗಿ ಶಾಲೆಯ ಬಳಿ ಇದ್ದ ದೇವಾಲಯದ ಮಾಳಿಗೆಯಲ್ಲಿ ಸಿಕ್ಕಿದ್ದ ಆರೋಪಿಯ ಬ್ಯಾಗ್ ನಲ್ಲಿ 3 ದೊಡ್ಡ ಚೂರಿಗಳಿದ್ದವು. ಅಷ್ಟೇ ಅಲ್ಲದೇ ಮೆಣಸಿನ ಪುಡಿಯೂ ಇತ್ತು.
ಬರಾನ್ಪೋರಾ ಪ್ರದೇಶದಲ್ಲಿದ್ದ ಭಾರ್ತಿ ಶಾಲೆಯ ಮೃತ ವಿದ್ಯಾರ್ಥಿಗೂ ಆರೋಪಿಯ ನಡುವೆ ಹಿಂದೊಮ್ಮೆ ವಾಗ್ವಾದ ನಡೆದಿತ್ತು. ಆದರೆ ಯಾವ ವಿಷಯಕ್ಕೆ ವಾಗ್ವಾದ ನಡೆದಿತ್ತು ಎಂಬುದನ್ನು ಪೊಲೀಸರು ಇನ್ನಷ್ಟೇ ತಿಳಿದುಕೊಳ್ಳಬೇಕಾಗಿದೆ.
ಹತ್ಯೆಗೀಡಾಗಿದ್ದ ಬಾಲಕ ಕೇವಲ ಒಂದು ವಾರದ ಹಿಂದಷ್ಟೇ ಆ ಶಾಲೆಗೆ ಸೇರಿದ್ದ, ಆತನ ಪೋಷಕರು ಗುಜರಾತ್ ನ ಆನಂದ್ ನಲ್ಲಿದ್ದರೆ ಈ ವಿದ್ಯಾರ್ಥಿ ಸಂಬಂಧಿಕರ ಮನೆಯಲ್ಲಿ ವಾಸವಿದ್ದ ಎಂದು ಪೊಲೀಸರು ತಿಳಿಸಿದ್ದಾರೆ.
