ಅಮೃತಸರ್(ಪಂಜಾಬ್): ಪಾಕಿಸ್ತಾನದ ಗುಪ್ತಚರ ಸಂಸ್ಥೆ ಐಎಸ್ಐ ಏಜೆಂಟ್ ಓರ್ವನನ್ನು ಭದ್ರತಾ ಪಡೆಗಳು ಪಂಜಾಬ್ ನ ಅಮೃತಸರ್ ನಲ್ಲಿ ಬಂಧಿಸಿದೆ.
ರಾಜ್ಯ ವಿಶೇಷ ಕಾರ್ಯಾಚರಣೆ ಪಡೆ ಹಾಗೂ ಮಿಲಿಟರಿ ಗುಪ್ತಚರ ಸಂಸ್ಥೆ ಜಂಟಿಯಾಗಿ ನಡೆಸಿದ ಕಾರ್ಯಾಚರಣೆಯಲ್ಲಿ ಗೂಢಚಾರನನ್ನು ಬಂಧಿಸಲಾಯಿತು. ಬಂಧಿತನನ್ನು ರವಿ ಕುಮಾರ್ ಎಂದು ಗುರುತಿಸಲಾಗಿದೆ.
ಆರೋಪಿಯಿಂದ ಸೈನ್ಯದ ವಾಹನಗಳ ಛಾಯಾಚಿತ್ರಗಳು, ಕೈಯಲ್ಲಿ ಬರೆದ ನಿರ್ಬಂಧಿತ ಪ್ರದೇಶಗಳ ನಕಾಶೆಗಳು, ಸೈನ್ಯದ ತರಬೇತಿ ಕೈಪಿಡಿಗಳ ಪ್ರತಿಗಳನ್ನು ಮಿಲಿಟರಿ ವಶಕ್ಕೆ ಪಡೆದುಕೊಂಡಿದ್ದಾರೆ.
ಭಾರತೀಯಸೇನೆಯ ಎಲ್ಲಾ ಪ್ರಮುಖ ಚಲನವಲನಗಳನ್ನು ತಿಳಿಸಲು ಈತನನ್ನು ಪಾಕಿಸ್ತಾನ ಐಎಸ್ಐ ಸಂಸ್ಥೆ ಏಳು ತಿಂಗಳ ಹಿಂದೆ ನೇಮಕ ಮಾಡಿತ್ತು. ದುಬೈ ಮೂಲಕ ಅಕ್ರಮ ಹಣ ವರ್ಗಾವಣೆ ಕೆಲಸದಲ್ಲಿ ಈ ಗೂಢಚಾರಿ ಕಾರ್ಯ ನಿರ್ವಹಿಸುತ್ತಿದ್ದ ಎನ್ನಲಾಗಿದ್ದು ಅಧಿಕೃತ ಸೀಕ್ರೆಟ್ಸ್ ಆಕ್ಟ್ ಸೇರಿ ಭಾರತೀಯ ದಂಡ ಸಂಹಿತೆಯ (ಐಪಿಸಿ) ಇತರ ಕಾಯ್ದೆಗಲಡಿಯಲ್ಲಿ ಈತನ ವಿರುದ್ಧ ಪ್ರಕರಣ ದಾಕಲಾಗಿದೆ.