ಲೆಫ್ಟಿನೆಂಟ್ ಕಮಾಂಡರ್ ವರ್ತಿಕಾ ಜೋಶಿ ನೇತೃತ್ವದ ಪೂರ್ಣ ಮಹಿಳಾ ಸಿಬ್ಬಂದಿಗಳ ಐಎನ್ಎಸ್'ವಿ ತಾರಿಣಿ ನೌಕೆ, ಪ್ರಪಂಚ ಪರ್ಯಟನೆ ಮುಕ್ತಾಯಗೊಳಿಸಿ ಮೇ.21 ರಂದು ಗೋವಾಗೆ ವಾಪಸ್ಸಾಗಿದೆ. ಜಾಗತಿಕ ವೇದಿಕೆಯಲ್ಲಿ ‘ನಾರಿ ಶಕ್ತಿ (ಮಹಿಳೆಯರ ಶಕ್ತಿ)’ಯನ್ನು ಪ್ರದರ್ಶಿಸುವ ಮತ್ತು ಸವಾಲು ಭರಿತ ವಾತಾವರಣದಲ್ಲಿ ಅವರ ಪಾಲ್ಗೊಳ್ಳುವಿಕೆಯನ್ನು ಹೆಚ್ಚಿಸುವ ನಿಟ್ಟಿನಲ್ಲಿ ಪೂರ್ಣ ಪ್ರಮಾಣದಲ್ಲಿ ಮಹಿಳಾ ಸಿಬ್ಬಂದಿಗಳೇ ಇರುವ ತಂಡವೊಂದು ಕಳೆದ ಸೆ.10ರಂದು ಗೋವಾದಿಂದ ವಿಶ್ವಪರ್ಯಟನೆ ಆರಂಭಿಸಿತ್ತು.