ಬಿಸಿಸಿಐ ನ ಈಗಿನ ನಿಯಮಗಳ ಪ್ರಕಾರ ಟೀಂ ಇಂಡಿಯಾ ಆಟಗಾರರು ವಿದೇಶ ಪ್ರವಾಸ ಕೈಗೊಂಡಾಗ, 2 ವಾರಗಳ ಕಾಲ ಪತ್ನಿಯ ಜೊತೆಯಲ್ಲಿರಬಹುದಷ್ಟೇ. ಆದರೆ ಕಾಲಮಿತಿಯನ್ನು ವಿಧಿಸಿರುವುದನ್ನು ತೆಗೆದುಹಾಕಬೇಕೆಂದು ವಿರಾಟ್ ಕೊಹ್ಲಿ ಬಿಸಿಸಿಐ ಎದುರು ಬೇಡಿಕೆ ಮುಂದಿಟ್ಟಿದ್ದಾರೆ. ತಂಡದ ಆಟಗಾರರು ಎಷ್ಟು ದಿನಗಳ ಕಾಲ ವಿದೇಶ ಪ್ರವಾಸ ಕೈಗೊಳ್ಳುತ್ತಾರೋ ಅಷ್ಟೂ ದಿನ ಅವರಿಂದಿಗೆ ಇರುವುದಕ್ಕೆ ಅವಕಾಶ ನೀಡಬೇಕೆಂಬ ಟೀಂ ಇಂಡಿಯಾ ನಾಯಕನ ಬೇಡಿಕೆಯನ್ನು ಬಿಸಿಸಿಐ ಸುಪ್ರೀಂ ಕೋರ್ಟ್ ನೇಮಕ ಮಾಡಿರುವ ವಿನೋದ್ ರಾಯ್ ನೇತೃತ್ವದ ಆಡಳಿತ ಸಮಿತಿ ಗಮನಕ್ಕೆ ತರುವುದಾಗಿ ಹೇಳಿದೆ.