ಹಿಮಾಚಲ ಪ್ರದೇಶ: ಹೆದ್ದಾರಿ ಮಧ್ಯೆಯೇ ಎದ್ದು ನಿಂತ ಭಾರೀ ಗಾತ್ರದ ಟ್ರಕ್- ಟ್ರಾಫಿಕ್ ಜಾಮ್'ಗೆ ಹೈರಾಣಾದ ಚಾಲಕರು

ಕುಲ್ಲು: ಗರ್ಸ್-ಬುಂಟರ್ ಹೆದ್ದಾರಿಯಲ್ಲಿ ಚಲಿಸುತ್ತಿದ್ದ ಭಾರೀ ಗಾತ್ರದ ಟ್ರಕ್ ವೊಂದು ಎದ್ದು ನಿಂತ ಪರಿಣಾಮ ಭಾರೀ ಸಂಚಾರ ದಟ್ಟಣೆ ಎದುರಾಗಿದ್ದು, ಗಂಟೆಗಟ್ಟಲೆ ಹೆದ್ದಾರಿಯಲ್ಲಿ ನಿಂತ ಚಾಲಕರು ಸಂಚಾರ ದಟ್ಟಣೆಗೆ ಹೈರಾಣಾದ ಘಟನೆ ಹಿಮಾಚಲ ಪ್ರದೇಶದಲ್ಲಿ ನಡೆದಿದೆ. 

ಕುಲ್ಲು ಜಿಲ್ಲೆಯ ಗರ್ಸಾೃಬುಂಟರ್ ಹೆದ್ದಾರಿಯಲ್ಲಿ ಟ್ರಕ್ ಇದ್ದಕ್ಕಿದ್ದಂತೆ ಎದ್ದು ನಿಂತಿದೆ. ಪಕ್ಕದಲ್ಲೇ ಇರುವ ಕಲ್ಲುಗುಡ್ಡಕ್ಕೆ ಅಂಟಿಕೊಂಡು ಟ್ರಕ್ ನಿಂತಿದ್ದು, ಪರಿಣಾಮ ಸ್ಥಳದಲ್ಲಿ ಭಾರೀ ಸಂಚಾರ ದಟ್ಟಣೆ ಎದುರಾಗಿದೆ. 

ಘಟನೆಯಲ್ಲಿ ಯಾವುದೇ ಸಾವುಗಳು ಸಂಭವಿಸಿಲ್ಲ ಆದರೆ, ವ್ಯಕ್ತಿಯೋರ್ವನಿಗೆ ಸಣ್ಣಪುಟ್ಟ ಗಾಯವಾಗಿದೆ ಎಂದು ಅಧಿಕಾರಿಗಳು ಹೇಳಿದ್ದಾರೆ. ಘಟನಾ ಸ್ಥಳಕ್ಕೆ ಬಂದಿರುವ ಅಧಿಕಾರಿಗಳು ಟ್ರಕನ್ನು ಹೆದ್ದಾರಿಯಿಂದ ಮೇಲೆತ್ತುವ ಕಾರ್ಯ ನಡೆಸುತ್ತಿದ್ದಾರೆ.