ಬಿಹಾರದಲ್ಲಿ 52 ಸಾವಿರ ಜನರಿಂದ ಅಂಚೆ ಮತದಾನ ಆಯ್ಕೆ 

ಪಾಟ್ನಾ: ಬಿಹಾರದಲ್ಲಿ ನಡೆಯಲಿರುವ ವಿಧಾನಸಭಾ ಚುನಾವಣೆಯಲ್ಲಿ ಅಂಚೆ ಮತದಾನದ ಮೂಲಕ ಮತದಾನ ನಡೆಸಲು 52 ಸಾವಿರಕ್ಕೂ ಅಧಿಕ ಮತದಾರರು ಆಸಕ್ತಿ ತೋರಿದ್ದಾರೆ. 

ದೈಹಿಕ ಸಮಸ್ಯೆಗಳು ಹಾಗೂ 80 ವರ್ಷಕ್ಕಿಂತ ಮೇಲ್ಪಟ್ಟವರು ಅಂಚೆ ಮತದಾನವನ್ನು ಆಯ್ಕೆ ಮಾಡಿಕೊಂಡಿರುವುದಾಗಿ ಚುನಾವಣಾ ಆಯೋಗ ತಿಳಿಸಿದೆ. 
 
16 ಜಿಲ್ಲೆಗಳ 71 ಕ್ಷೇತ್ರಗಳ ಬೂತ್ ಮಟ್ಟದ ಅಧಿಕಾರಿಗಳು ಎರಡು ವಿಭಾಗಗಳ 4 ಲಕ್ಷಕ್ಕೂ ಹೆಚ್ಚು ಮತದಾರರನ್ನು ಸಂಪರ್ಕಿಸಿದ್ದಾರೆ. ಈ ಪೈಕಿ 50 ಸಾವಿರ ಮತದಾರರು ತಾವು ಪೋಸ್ಟಲ್ ಬ್ಯಾಲೆಟ್ ನಿಂದಲೇ ಮತ ಹಾಕುವುದಾಗಿ ತಿಳಿಸಿದ್ದಾರೆ. 

ಉಳಿದ ಮತದಾರರು ಮತಗಟ್ಟೆಗೇ ತೆರಳಿ ಮತಚಲಾವಣೆ ಮಾಡುವುದಾಗಿ ತಿಳಿಸಿದ್ದಾರೆ. ಅಂಚೆ ಮತದಾನಕ್ಕೆ ಆಯ್ಕೆ ಮಾಡಿಕೊಂಡಿರುವವರಿಗೆ ಎಲ್ಲಾ ರೀತಿಯ, ಸುರಕ್ಷ, ಸೌಲಭ್ಯಗಳನ್ನು ಒದಗಿಸಲಾಗುವುದು, ಮತದಾನವನ್ನು ಸುರಕ್ಷಿತವಾಗಿ, ಪಾರದರ್ಶಕವಾಗಿ ನಡೆಸಲಾಗುತ್ತದೆ ಎಂದು ಚುನಾವಣಾ ಆಯೋಗ ತಿಳಿಸಿದೆ.