ವಿವಾಹೇತರ ಸಂಬಂಧ: ಬುಡಕಟ್ಟು ಮಹಿಳೆಯನ್ನು ನಗ್ನಗೊಳಿಸಿ ಪರೇಡ್ ಮಾಡಿ ವಿಕೃತಿ ಮೆರೆದ ಗ್ರಾಮಸ್ಥರು

ಬುಡಕಟ್ಟು ಜನಾಂಗದ ಹೊರತಾದ ಪುರುಷನ ಜೊತೆ ವಿವಾಹೇತರ ಸಂಬಂಧ ಹೊಂದಿದ್ದ ಬುಡಕಟ್ಟು ಮಹಿಳೆಯನ್ನು ನಗ್ನಗೊಳಿಸಿ ಪರೇಡ್ ಮಾಡಿ ಗ್ರಾಮಸ್ಥರು ವಿಕೃತಿ ಮೆರೆದ ಘಟನೆ ರಾಂಚಿಯ ಮಯೂ ನಾಚ ಗ್ರಾಮದಲ್ಲಿ ನಡೆದಿದೆ. 
ಸಾಂಕೇತಿಕ ಚಿತ್ರ
ಸಾಂಕೇತಿಕ ಚಿತ್ರ

ರಾಂಚಿ: ಬುಡಕಟ್ಟು ಜನಾಂಗದ ಹೊರತಾದ ಪುರುಷನ ಜೊತೆ ವಿವಾಹೇತರ ಸಂಬಂಧ ಹೊಂದಿದ್ದ ಬುಡಕಟ್ಟು ಮಹಿಳೆಯನ್ನು ನಗ್ನಗೊಳಿಸಿ ಪರೇಡ್ (ಮೆರವಣಿಗೆ) ಮಾಡಿ ಗ್ರಾಮಸ್ಥರು ವಿಕೃತಿ ಮೆರೆದ ಘಟನೆ ರಾಂಚಿಯ ಮಯೂ ನಾಚ ಗ್ರಾಮದಲ್ಲಿ ನಡೆದಿದೆ. 

ಘಟನೆಗೆ ಸಂಬಂಧಿಸಿದಂತೆ ಗ್ರಾಮ ಪ್ರಧಾನ ಹಾಗೂ ಇನ್ನೂ ಐವರನ್ನು ಪೊಲೀಸರು ಬಂಧಿಸಿದ್ದಾರೆ. ಪೊಲೀಸರು ನೀಡಿರುವ ಮಾಹಿತಿಯ ಪ್ರಕಾರ ಪುರುಷನೋರ್ವ ಮಹಿಳೆಯನ್ನು ಭೇಟಿ ಮಾಡಲು ತಡ ರಾತ್ರಿ ಹೋಗಿದ್ದ ಈ ವೇಳೆ ಗ್ರಾಮಸ್ಥರು ಇಬ್ಬರನ್ನೂ ಹಿಡಿದು,  ನಗ್ನಗೊಳಿಸಿ ಗ್ರಾಮದ ಪೂರ್ತಿ ಮೆರವಣಿಗೆ ಮಾಡಿದ್ದಾರೆ.

ಮಹಿಳೆ ಹಾಗೂ ಪುರುಷ ಇಬ್ಬರೂ ದಿನಗೂಲಿ ನೌಕರರಾಗಿದ್ದು, ಒಂದೇ ಗ್ರಾಮದವರಾಗಿದ್ದಾರೆ. "ಪೊಲೀಸರು 4 ಮಂದಿ ಹಾಗೂ ಇನ್ನೂ 50 ಮಂದಿಯ ವಿರುದ್ಧ ಎಫ್ಐಆರ್ ದಾಖಲಿಸಿದ್ದಾರೆ.

ಗ್ರಾಮ ಪ್ರಧಾನ ಹಾಗೂ ಗ್ರಾಮಸ್ಥರು ಮಹಿಳೆಯರನ್ನು ಭೇಟಿ ಮಾಡಲು ತೆರಳಿದ್ದ ಪುರುಷರನ್ನು ಹಿಡಿದಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಗ್ರಾಮ ಪ್ರಧಾನರೂ ಸೇರಿದಂತೆ 6 ಮಂದಿಯನ್ನು ಈ ವರೆಗೂ ಬಂಧಿಸಲಾಗಿದೆ. ಮಹಿಳೆ ಹಾಗೂ ಪುರುಷನಿಗೆ ಪೊಲೀಸ್ ಭದ್ರತೆಯನ್ನು ಒದಗಿಸಲಾಗಿದೆ.

ಈ ವಿಭಾಗದ ಇತರ ಸುದ್ದಿ

No stories found.

Advertisement

X
Kannada Prabha
www.kannadaprabha.com