ಜಮ್ಮು: ಈ ತಿಂಗಳ ಆರಂಭದಲ್ಲಿ ಜಮ್ಮು ಮತ್ತು ಕಾಶ್ಮೀರದ ರಿಯಾಸಿ ಜಿಲ್ಲೆಯಲ್ಲಿ ಭದ್ರತಾ ಪಡೆಗಳೊಂದಿಗೆ ನಡೆದ ಎನ್ಕೌಂಟರ್ನಲ್ಲಿ ಗಾಯಗೊಂಡಿದ್ದ ವಿದೇಶಿ ಉಗ್ರ ಶುಕ್ರವಾರ ಶವವಾಗಿ ಪತ್ತೆಯಾಗಿದ್ದಾನೆ ಎಂದು ಅಧಿಕಾರಿಗಳು ತಿಳಿಸಿದ್ದಾರೆ.
ಆಗಸ್ಟ್ 5 ರಂದು ರಾಜೌರಿ ಜಿಲ್ಲೆಯ ಖಾವಾಸ್ ಪ್ರದೇಶದಲ್ಲಿ ನಡೆದ ಗುಂಡಿನ ಚಕಮಕಿಯಲ್ಲಿ ಒಬ್ಬ ಭಯೋತ್ಪಾದಕ ಹತನಾಗಿದ್ದನು ಮತ್ತು ಎನ್ಕೌಂಟರ್ ಬಳಿಕ ಗಾಯಗೊಂಡಿದ್ದ ಮತ್ತೊರ್ವ ಉಗ್ರ ನಾಪತ್ತೆಯಾಗಿದ್ದನು.
"ಖಾವಾಸ್ನಲ್ಲಿ ನಡೆದ ಎನ್ಕೌಂಟರ್ನಲ್ಲಿ ಗಾಯಗೊಂಡ ಎರಡನೇ ಉಗ್ರನ ಶವವನ್ನು ರಿಯಾಸಿಯ ಧಾಕಿಕೋಟ್ ಪ್ರದೇಶದಲ್ಲಿ ವಿಶೇಷ ಕಾರ್ಯಾಚರಣೆ(ಎಸ್ಒಜಿ) ವೇಳೆ ಪತ್ತೆಯಾಗಿದೆ" ಎಂದು ಜಮ್ಮು ವಲಯ ಹೆಚ್ಚುವರಿ ಪೊಲೀಸ್ ಮಹಾನಿರ್ದೇಶಕ(ಎಡಿಜಿಪಿ) ಮುಖೇಶ್ ಸಿಂಗ್ ಅವರು ಹೇಳಿದ್ದಾರೆ.
ಎರಡು ಗ್ರೆನೇಡ್ಗಳು, ಮೂರು ಎಕೆ ಮ್ಯಾಗಜೀನ್ಗಳು, 32 ಪಿಸ್ತೂಲ್ ಗಳು ಮತ್ತು ಇತರ ಕೆಲವು ವಸ್ತುಗಳನ್ನು ಸ್ಥಳದಿಂದ ವಶಪಡಿಸಿಕೊಳ್ಳಲಾಗಿದೆ ಎಂದು ಸಿಂಗ್ ಅವರು ತಿಳಿಸಿದ್ದಾರೆ.
Advertisement