ಜುಲೈ 19 ರಂದು 1 ಸಾವಿರ ಅಭ್ಯರ್ಥಿಗಳಿಗೆ CUET-UG ಮರುಪರೀಕ್ಷೆ

ನವದೆಹಲಿ: ಜುಲೈ 19 ರಂದು ವಿಶ್ವವಿದ್ಯಾಲಯಗಳ ಸಾಮಾನ್ಯ ಪ್ರವೇಶ ಪರೀಕ್ಷೆ-ಯುಜಿ(CUET-UG)ಯ 1000 ಕ್ಕೂ ಹೆಚ್ಚು ಅಭ್ಯರ್ಥಿಗಳಿಗೆ ಮರುಪರೀಕ್ಷೆ ನಡೆಸಲು ರಾಷ್ಟ್ರೀಯ ಪರೀಕ್ಷಾ ಸಂಸ್ಥೆ(NTA) ನಿರ್ಧರಿಸಿದೆ.

NTA ಜುಲೈ 7 ರಂದು ವಿಶ್ವವಿದ್ಯಾಲಯಗಳ ಸಾಮಾನ್ಯ ಪ್ರವೇಶ ಪರೀಕ್ಷೆ-UG 2024 ರ ತಾತ್ಕಾಲಿಕ ಉತ್ತರ ಕೀಯನ್ನು ಬಿಡುಗಡೆ ಮಾಡಿತ್ತು ಮತ್ತು CUET-UG ಪರೀಕ್ಷೆಗೆ ಸಂಬಂಧಿಸಿದ ಆರೋಪಗಳು ಸಾಬೀತಾದರೆ ಜುಲೈ 15 ರಿಂದ 19 ರ ನಡುವೆ CUET UG ಅಭ್ಯರ್ಥಿಗಳಿಗೆ ಮರುಪರೀಕ್ಷೆಯನ್ನು ನಡೆಸುವುದಾಗಿ ಘೋಷಿಸಿತ್ತು.

ಎನ್ ಟಿಎ ಭಾನುವಾರ ಮರುಪರೀಕ್ಷೆ ವೇಳಾಪಟ್ಟಿಯನ್ನು ಪ್ರಕಟಿಸಿದ್ದರೂ, ಅಂತಿಮ ಉತ್ತರಗಳ ಕೀಯೊಂದಿಗೆ ಈಗಾಗಲೇ ಎರಡು ವಾರಗಳಿಗೂ ಹೆಚ್ಚು ವಿಳಂಬವಾಗಿರುವ ಫಲಿತಾಂಶದ ಪ್ರಕಟಣೆಯ ಬಗ್ಗೆ ಅದು ಮೌನವಾಗಿದೆ.

NEET ಮತ್ತು NET ಸೇರಿದಂತೆ ವಿವಿಧ ಸ್ಪರ್ಧಾತ್ಮಕ ಪರೀಕ್ಷೆಗಳಲ್ಲಿ ಅಕ್ರಮ ನಡೆದಿರುವ ಬಗ್ಗೆ ಆರೋಪಗಳು ಕೇಳಿಬಂದಿರುವ ಹಿನ್ನೆಲೆಯಲ್ಲಿ CUET-UG ಫಲಿತಾಂಶ ವಿಳಂಬವಾಗಿದೆ.