ಭಾರತದಲ್ಲಿ ಮುಸಲ್ಮಾನರ ಸಂಖ್ಯೆ ಎಂದಿಗೂ ಹಿಂದೂಗಳಿಗಿಂತ ಹೆಚ್ಚಾಗುವುದಿಲ್ಲ: ಅಸಾದುದ್ದೀನ್ ಓವೈಸಿ

ಹೈದರಾಬಾದ್: ಭಾರತದಲ್ಲಿ ಮುಸಲ್ಮಾನರು ಹಿಂದೂ ಜನಸಂಖ್ಯೆಯನ್ನು ಎಂದಿಗೂ ಮೀರಿಸುವುದಿಲ್ಲ ಎಂದು ಎಐಎಂಐಎಂ ಅಧ್ಯಕ್ಷ ಅಸಾದುದ್ದೀನ್ ಓವೈಸಿ ಹೇಳಿದ್ದಾರೆ.

ತೆಲಂಗಾಣದಲ್ಲಿ ಪುರಸಭೆ ಚುನಾವಣೆಗೆ ಮುನ್ನ ನಿನ್ನೆ ಶುಕ್ರವಾರ ನಿಜಾಮಾಬಾದ್‌ನಲ್ಲಿ ನಡೆದ ರ್ಯಾಲಿಯನ್ನುದ್ದೇಶಿಸಿ ಮಾತನಾಡಿದ ಹೈದರಾಬಾದ್ ಕ್ಷೇತ್ರದ ಸಂಸದ ಅಸಾದುದ್ದೀನ್ ಓವೈಸಿ, ಪ್ರಧಾನಿ ನರೇಂದ್ರ ಮೋದಿ ಅವರು ರಾಜ್ಯಸಭೆಯಲ್ಲಿ ಮಾಡಿದ ಭಾಷಣವನ್ನು ಕೇಳುತ್ತಿದ್ದೆ. ಅಲ್ಲಿ, ಪ್ರಧಾನಿಯವರು ಇಡೀ ಪ್ರಪಂಚದ ಜನಸಂಖ್ಯೆಯು ವಯಸ್ಸಾಗುತ್ತಿದ್ದರೆ, ಭಾರತದ ಜನಸಂಖ್ಯೆ ಯುವಸಮೂಹವನ್ನು ಹೊಂದಿದೆ ಎಂದು ಹೇಳುತ್ತಿದ್ದರು ಎಂದರು.

ಭಾರತದ ಜನಸಂಖ್ಯೆಯ ಶೇ. 60 ರಷ್ಟು ಮಂದಿ 40 ವರ್ಷಕ್ಕಿಂತ ಕಡಿಮೆ ವಯಸ್ಸಿನವರಾಗಿದ್ದರೆ, ಪ್ರಧಾನಿಯವರನ್ನು ಕೇಳಿದರೆ, ಅವರು ಯುವಸಮೂಹಕ್ಕೆ ಉದ್ಯೋಗಾವಕಾಶಗಳಿಗೆ ಏನು ಕ್ರಮ ಕೈಗೊಂಡಿದ್ದಾರೆ. ಅವರಿಗೆ ಯಾವ ಕೌಶಲ್ಯಗಳನ್ನು ಕಲಿಸಲಾಗಿದೆ ಎಂದು ಒವೈಸಿ ಕೇಳಿದರು.

ಇನ್ನು 20 ವರ್ಷಗಳ ನಂತರ, ಈ ಯುವ ಜನಸಂಖ್ಯೆಗೆ ವಯಸ್ಸಾಗುತ್ತದೆ. ಹಣದುಬ್ಬರ ಎಷ್ಟು ಮತ್ತು ಅವರು ಎಷ್ಟು ಖರ್ಚು ಮಾಡಬೇಕು ಎಂದು ನಾವು ಯೋಚಿಸುವುದಿಲ್ಲ. ಬದಲಾಗಿ, ಮುಸಲ್ಮಾನರ ಜನಸಂಖ್ಯೆ ಬೆಳೆಯುತ್ತಿದೆ ಎಂದು ಅವರು ಹೇಳುತ್ತಾರೆ. ಮುಸ್ಲಿಂ ಜನಸಂಖ್ಯೆ ಭಾರತದಲ್ಲಿ ಸ್ಥಿರವಾಗುತ್ತದೆ. ಭಾರತದಲ್ಲಿ ಮುಸ್ಲಿಮರು ಎಂದಿಗೂ ಹಿಂದೂ ಜನಸಂಖ್ಯೆಯನ್ನು ಮೀರುವುದಿಲ್ಲ ಎಂದರು.

25-30 ವರ್ಷಗಳ ನಂತರ, ದೇಶದ ಜನಸಂಖ್ಯೆಯು ವಯಸ್ಸಾಗುತ್ತದೆ ಎಂದು ಅವರು ಈಗ ಅರ್ಥಮಾಡಿಕೊಂಡಿದ್ದಾರೆ. ಕನಿಷ್ಠ ಮೂರು ಮಕ್ಕಳಿಗೆ ಜನ್ಮ ನೀಡಿ ಎಂದು RSS ಮುಖ್ಯಸ್ಥ ಮೋಹನ್ ಭಾಗವತ್ ಹೇಳುತ್ತಾರೆ. ಆದರೆ ಅವರು ಸ್ವತಃ ಅದನ್ನು ಪಾಲಿಸುತ್ತಾರೆಯೇ ಅನ್ನುವುದು ಬೇರೆ ವಿಷಯ ಎಂದು ಓವೈಸಿ ಹೇಳಿದರು.

ಹಿಂದೆ, ಜನಸಂಖ್ಯೆ ನಿಯಂತ್ರಣಕ್ಕಾಗಿ ಮಸೂದೆ ತರಲಾಗುವುದು ಎಂದು ಹೇಳಲಾಗಿತ್ತು, ಅವರು ಮುಸ್ಲಿಮರನ್ನು ಟೀಕಿಸುತ್ತಿದ್ದರು. ಈಗ ದೇಶದ ಜನಸಂಖ್ಯೆ ವಯಸ್ಸಾದಾಗ ಅದು ರಾಷ್ಟ್ರದ ಮೇಲೆ ಹೇಗೆ ಪರಿಣಾಮ ಬೀರುತ್ತದೆ ಎಂಬುದನ್ನು ಅರಿತುಕೊಂಡಿದ್ದಾರೆ ಎಂದರು.

ಭಾರತದ ವಿರುದ್ಧದ ಟಿ20 ವಿಶ್ವಕಪ್ ಪಂದ್ಯವನ್ನು ಪಾಕಿಸ್ತಾನ ಬಹಿಷ್ಕರಿಸಿದ್ದಕ್ಕೆ ಸಂಬಂಧಿಸಿದಂತೆ, ಭಾರತ ಟಿ20 ವಿಶ್ವಕಪ್ ನ್ನು ಆಯೋಜಿಸುತ್ತಿದೆ. ಅನುಪಯುಕ್ತ ಪಾಕಿಸ್ತಾನ ತಂಡವು ಭಾರತದ ವಿರುದ್ಧ ಪಂದ್ಯವನ್ನು ಆಡುವುದಿಲ್ಲ ಎಂದು ಹೇಳುತ್ತಿದೆ ಎಂದು ಓವೈಸಿ ಹೇಳಿದರು.

ನೀವು ಆಡದಿದ್ದರೆ ನೀವು ಇಲ್ಲಿಗೆ ಬಂದು ಏಕೆ ಹೋಗಿದ್ದೀರಿ ಎಂದು ಕೇಳಬೇಕಾಗಿತ್ತು, ಆದರೆ ನೀವು ಅದನ್ನು ಕೇಳುವುದಿಲ್ಲ, ಮೌನವಾಗಿ ಕುಳಿತು ಅವರು ಹೇಳಿದ್ದನ್ನೆಲ್ಲಾ ಕೇಳುತ್ತೀರಿ ಎಂದು ಮೋದಿ ಸರ್ಕಾರವನ್ನು ಓವೈಸಿ ಟೀಕಿಸಿದರು.

ಚೀನಾ ಗಡಿ ವಿಷಯದ ಬಗ್ಗೆ ಮೋದಿ ಸರ್ಕಾರ ಮೌನವಾಗಿರುವುದು ಏಕೆ ಎಂದು ಕೂಡ ಪ್ರಧಾನಿ ಮೋದಿಯನ್ನು ಓವೈಸಿ ಪ್ರಶ್ನಿಸಿದರು.