ನವದೆಹಲಿ: ಭಾರತದಲ್ಲಿ ಅಮೆರಿಕದ ಪ್ರಜೆಯೊಬ್ಬನನ್ನು ಬಂಧಿಸಲಾಗಿದ್ದು, ರಾಷ್ಟ್ರೀಯ ಭದ್ರತಾ ಅಂಶಗಳನ್ನು ಒಳಗೊಂಡ ಉನ್ನತ ಮಟ್ಟದ ತನಿಖೆಯಲ್ಲಿ ಹಲವಾರು ನಿರ್ಣಾಯಕ ಅಂಶಗಳು ಈಗ ಬಹಿರಂಗಗೊಂಡಿವೆ. ಭಾರತದ ವಿರುದ್ಧ ರೂಪಿಸಲಾಗಿದೆ ಎಂಬ ಆರೋಪದ ಮೇಲೆ ಎರಡು ದಿನಗಳ ಹಿಂದೆ ಬಂಧಿಸಲ್ಪಟ್ಟ ಏಳು ವಿದೇಶಿಯರಲ್ಲಿ ಮ್ಯಾಥ್ಯೂ ವ್ಯಾನ್ಡೈಕ್ ಎಂಬ ಅಮೆರಿಕ ಪ್ರಜೆ ಕೂಡ ಒಬ್ಬನಾಗಿದ್ದಾನೆ.
ಆರೋಪಿಯು ಭಾರತದ ಮೂಲಕ ಅಕ್ರಮವಾಗಿ ಮ್ಯಾನ್ಮಾರ್ಗೆ ಪ್ರವೇಶಿಸಿ ಅಲ್ಲಿ ಜನಾಂಗೀಯ ಸಶಸ್ತ್ರ ಗುಂಪುಗಳಿಗೆ ಮತ್ತು ಭಾರತದಲ್ಲಿ ಕೆಲವು ನಿಷೇಧಿತ ಗುಂಪುಗಳಿಗೆ ತರಬೇತಿ ನೀಡಿದ್ದಾನೆ ಎಂದು ಭಾರತದ ಉನ್ನತ ಭಯೋತ್ಪಾದನಾ ನಿಗ್ರಹ ಸಂಸ್ಥೆ ರಾಷ್ಟ್ರೀಯ ತನಿಖಾ ಸಂಸ್ಥೆ (ಎನ್ಐಎ) ತಿಳಿಸಿದೆ.
ಬಂಧಿತನ ಸಾಮಾಜಿಕ ಮಾಧ್ಯಮದ ದೃಶ್ಯಾವಳಿಗಳು ಮತ್ತು ಮೊಬೈಲ್ ಫೋನ್ ನ್ನು ಸ್ಕ್ಯಾನ್ ಮಾಡಿದಾಗ, ವ್ಯಾನ್ಡೈಕ್ ಅಮೆರಿಕ ಸೇನೆ ಜೊತೆ ನಂಟು ಹೊಂದಿದ್ದು ಈ ಹಿಂದೆ ಹಲವಾರು ಮಿಲಿಟರಿ ಸಂಘರ್ಷಗಳು ಮತ್ತು ವಿದೇಶಗಳಲ್ಲಿ ಕಾರ್ಯಾಚರಣೆಗಳೊಂದಿಗೆ ಸಂಬಂಧ ಹೊಂದಿದ್ದಾರೆಂದು ಕಂಡುಹಿಡಿದಿದ್ದಾರೆ. ಆದರೆ ತನಿಖೆಯು ಈಗ ಅವರು ಈಶಾನ್ಯವನ್ನು ಹೇಗೆ ತಲುಪಿದರು ಮತ್ತು ಯಾವ ಕಾರ್ಯಾಚರಣೆಯ ಉದ್ದೇಶದೊಂದಿಗೆ ತಲುಪಿದರು ಎಂಬುದನ್ನು ಕಂಡುಹಿಡಿಯುವ ಗುರಿಯನ್ನು ಹೊಂದಿದೆ.
ಅಮೆರಿಕದ ರಾಯಭಾರ ಕಚೇರಿಯು ಪರಿಸ್ಥಿತಿಯ ಬಗ್ಗೆ ತಿಳಿದಿದೆ ಎಂದು ದೃಢಪಡಿಸಿತು ಆದರೆ ಹೆಚ್ಚಿನ ವಿವರಗಳನ್ನು ಬಹಿರಂಗಪಡಿಸಲು ನಿರಾಕರಿಸಿತು.
ವ್ಯಾನ್ಡೈಕ್ ತನ್ನನ್ನು ತಾನು ಭದ್ರತಾ ವಿಶ್ಲೇಷಕ, ಸಾಕ್ಷ್ಯಚಿತ್ರ ನಿರ್ಮಾಪಕ ಮತ್ತು ಯುದ್ಧ ವರದಿಗಾರ ಎಂದು ಗುರುತಿಸಿಕೊಂಡಿದ್ದಾನೆ, ಆದರೆ ಮೂಲಗಳು ಸೂಚಿಸುವ ಪ್ರಕಾರ ಈ ಅನುಮಾನಾಸ್ಪದ ವ್ಯಕ್ತಿಗೆ ಸಂಬಂಧಿಸಿದಂತೆ ಇನ್ನೂ ಹೆಚ್ಚಿನ ಗೂಢ ಮಾಹಿತಿಗಳಿವೆ.
ಅಮೆರಿಕನ್ ವ್ಯಕ್ತಿ ಹಣಕ್ಕಾಗಿ ಕೆಲಸ ಮಾಡುವ ಸೈನಿಕ ಬೋಧಕರಾಗಿದ್ದರು ಮತ್ತು US ಮಿಲಿಟರಿಯೊಂದಿಗೆ ಹಿಂದೆ ನಿಕಟ ಸಂಬಂಧಗಳನ್ನು ಹೊಂದಿದ್ದರು ಎಂದು ಮೂಲಗಳು ತಿಳಿಸಿವೆ. ಆತ ಇರಾಕ್ನಲ್ಲಿ ಮತ್ತು ಇತರ ಯುದ್ಧ ವಲಯಗಳಲ್ಲಿ ಸೇವೆ ಸಲ್ಲಿಸಿದ್ದ ಇತಿಹಾಸವಿದೆ. ಆತ ಗೆರಿಲ್ಲಾ ಯುದ್ಧ, ಯುದ್ಧತಂತ್ರದ ಕಾರ್ಯಾಚರಣೆಗಳು, ಡ್ರೋನ್ ಬಳಕೆ ಮತ್ತು ಆಧುನಿಕ ಯುದ್ಧ ತಂತ್ರಗಳಂತಹ ವಿಭಾಗಗಳನ್ನು ಒಳಗೊಂಡಿರುವ "ವಿಶೇಷ ಪಡೆಗಳ ಶೈಲಿಯ" ತರಬೇತಿಯನ್ನು ಸಹ ಒದಗಿಸಿದ್ದ ಎಂದು ಮೂಲಗಳು ತಿಳಿಸಿವೆ.
ಲಿಬಿಯಾದ ಅಂತರ್ಯುದ್ಧದ ಸಮಯದಲ್ಲಿ ವ್ಯಾನ್ಡೈಕ್ ಪ್ರಾಮುಖ್ಯತೆಯನ್ನು ಪಡೆದಿದ್ದ. ಅವರು ವಿಶ್ವವಿದ್ಯಾಲಯವನ್ನು ಪೂರ್ಣಗೊಳಿಸಿದ ನಂತರ ಉತ್ತರ ಆಫ್ರಿಕಾ ಮತ್ತು ಮಧ್ಯಪ್ರಾಚ್ಯದಾದ್ಯಂತ ಮೋಟಾರ್ಸೈಕಲ್ ಪ್ರಯಾಣವನ್ನು ಪ್ರಾರಂಭಿಸಿದರು ಎಂದು ವರದಿಯಾಗಿದೆ. ಈ ಅವಧಿಯಲ್ಲಿ, ಆತ ಲಿಬಿಯಾದ ಜನರೊಂದಿಗೆ ಸ್ನೇಹವನ್ನು ಬೆಳೆಸಿಕೊಂಡ. ಅಲ್ಲಿ ಕ್ರಾಂತಿ ಭುಗಿಲೆದ್ದಾಗ, ಆತ ಬಂಡಾಯ ಹೋರಾಟಗಾರರೊಂದಿಗೆ ಸೇರಿಕೊಂಡ. ಅಲ್ಲಿ ಈತನನ್ನು ಬಂಧಿಸಿ ಸುಮಾರು ಆರು ತಿಂಗಳ ಕಾಲ ಸೆರೆಯಲ್ಲಿಡಲಾಯಿತು. ಆದಾಗ್ಯೂ, 2011 ರಲ್ಲಿ ಯುದ್ಧ ಮುಗಿದ ನಂತರ ತಪ್ಪಿಸಿಕೊಳ್ಳುವಲ್ಲಿ ಯಶಸ್ವಿಯಾಗಿ US ಗೆ ಮರಳಿದ್ದ
ನಂತರ ಆತ ಶೀಘ್ರದಲ್ಲೇ ಪ್ರಾರಂಭವಾದ ಸಿರಿಯನ್ ಕ್ರಾಂತಿಯ ಕುರಿತು ಸಾಕ್ಷ್ಯಚಿತ್ರವನ್ನು ನಿರ್ಮಿಸಲು ಯೋಜಿಸಿದ್ದ. ಆದಾಗ್ಯೂ, ISIS ನಿಂದ ಅವರ ಇಬ್ಬರು ಸ್ನೇಹಿತರಾದ US ಪತ್ರಕರ್ತರಾದ ಜೇಮ್ಸ್ ಫೋಲಿ ಮತ್ತು ಸ್ಟೀವನ್ ಸಾಟ್ಲಾಫ್ ಅವರನ್ನು ಗಲ್ಲಿಗೇರಿಸಲಾಯಿತು, ಇದು ಅವರ ಯೋಜನೆಯನ್ನು ಬದಲಾಯಿಸಲು ಮತ್ತು ಸಶಸ್ತ್ರ ಗುಂಪುಗಳಿಗೆ ತರಬೇತಿ ನೀಡುವತ್ತ ಗಮನಹರಿಸಲು ಕಾರಣವಾಯಿತು. ನಂತರ ಅವರು ಪ್ರಪಂಚದಾದ್ಯಂತದ ಸಶಸ್ತ್ರ ಗುಂಪುಗಳಿಗೆ ತರಬೇತಿ ನೀಡಲು ಮತ್ತು ಸಲಹೆ ನೀಡಲು ಸನ್ಸ್ ಆಫ್ ಲಿಬರ್ಟಿ ಇಂಟರ್ನ್ಯಾಷನಲ್ (SOLI)ನ್ನು ಸ್ಥಾಪಿಸಿದರು.
ತನಿಖೆಯ ಸಮಯದಲ್ಲಿ, ಇಲ್ಲಿನ ಅಧಿಕಾರಿಗಳು ಹಲವಾರು ಧ್ವನಿಮುದ್ರಣಗಳನ್ನು ಕಂಡುಕೊಂಡರು, ಅದರಲ್ಲಿ ವ್ಯಾನ್ಡೈಕ್ ಪ್ರಪಂಚದಾದ್ಯಂತ ದಂಗೆಗಳನ್ನು ಬೆಂಬಲಿಸುವ ಹೇಳಿಕೆಗಳನ್ನು ನೀಡುತ್ತಿದ್ದಾರೆಂದು ವರದಿಯಾಗಿದೆ. ವಿದೇಶಿ ಹೋರಾಟಗಾರರನ್ನು ಯುದ್ಧಕ್ಕೆ ನಿಯೋಜಿಸುವುದು ಮಾತ್ರವಲ್ಲ, ಸ್ಥಳೀಯ ಜನಸಂಖ್ಯೆಯನ್ನು ತಮಗಾಗಿ ಹೋರಾಡಲು ತರಬೇತಿ ನೀಡುವುದು ಅವರ ಉದ್ದೇಶ ಎಂಬ ಸ್ಫೋಟಕ ಅಂಶ ಬಯಲಾಗಿದೆ.
ವೆನೆಜುವೆಲಾ, ಮ್ಯಾನ್ಮಾರ್ ಮತ್ತು ಇರಾನ್ನಲ್ಲಿರುವ ದಂಗೆಕೋರ ಗುಂಪುಗಳಿಗೆ ಸೇರಲು ಸೈನಿಕರಿಗೆ ವ್ಯಾನ್ಡೈಕ್ ಜಾಗತಿಕ ಮನವಿಗಳನ್ನು ಸಹ ನೀಡಿದ್ದ.
ಈಶಾನ್ಯದಲ್ಲಿ ಸಕ್ರಿಯವಾಗಿರುವ ಸಶಸ್ತ್ರ ಜಾಲಗಳೊಂದಿಗೆ ಅವರು ಸಂಪರ್ಕ ಹೊಂದಿದ್ದಾರೆಂದು ನಂಬಲಾಗಿರುವುದರಿಂದ ಭಾರತದಲ್ಲಿ ಆತನ ಬಂಧನವು ಮಹತ್ವದ್ದಾಗಿದೆ. ವ್ಯಾನ್ಡೈಕ್ ಡ್ರೋನ್ ಕಾರ್ಯಾಚರಣೆಗಳು ಮತ್ತು ಆಧುನಿಕ ಯುದ್ಧ ತಂತ್ರಗಳಲ್ಲಿ ತರಬೇತಿ ನೀಡುತ್ತಿದ್ದಾರೆ ಎಂದು ನಂಬಲಾಗಿದೆ.
ಆತನ ಬಂಧನ ಪ್ರಮುಖ ಭದ್ರತಾ ಪ್ರಶ್ನೆಗಳನ್ನು ಹುಟ್ಟುಹಾಕುತ್ತದೆ ವಿಶೇಷವಾಗಿ ಭಾರತೀಯ ಪ್ರದೇಶವನ್ನು ಸಾರಿಗೆ ಕಾರಿಡಾರ್ನಂತೆ ಬಳಸಲಾಗುತ್ತಿದ್ದನೇ? ಮತ್ತು ಆತ ಭಾರತ ವಿರೋಧಿ ಮತ್ತು ನಿಷೇಧಿತ ಗುಂಪುಗಳೊಂದಿಗೆ ಯಾವುದೇ ಸಂಪರ್ಕವನ್ನು ಹೊಂದಿದ್ದರೆ ಎಂಬ ಪ್ರಶ್ನೆಗಳು ಉದ್ಭವಿಸುತ್ತದೆ. ಬೇಹುಗಾರಿಕೆ ಮತ್ತು ಗುಪ್ತಚರ ಸಂಗ್ರಹಣೆ ಕೋನಗಳನ್ನು ಸಹ ತನಿಖೆ ಮಾಡಲಾಗುತ್ತಿದೆ.
ವ್ಯಾನ್ಡೈಕ್ ಬಂಧನಕ್ಕೆ ಸಂಬಂಧಿಸಿದಂತೆ ಮೂರು ಪ್ರಮುಖ ಸಂಭಾವ್ಯ ಥಿಯರಿಗಳನ್ನು ಪರಿಶೀಲಿಸಲಾಗುತ್ತಿದೆ. ಮೊದಲನೆಯದು ದೊಡ್ಡ ಅಂತರರಾಷ್ಟ್ರೀಯ ಉಪಕ್ರಮವನ್ನು ಸೂಚಿಸುತ್ತದೆ, ಬಹುಶಃ ಭಾರತವನ್ನು ಅಸ್ಥಿರಗೊಳಿಸುವ ವಿಶಾಲ ತಂತ್ರದ ಭಾಗವಾಗಿ ಆತ ಇಲ್ಲಿಗೆ ಬಂದಿರಬಹುದು. ಈ ಊಹೆಯು ಸಿಐಎ ವಿರುದ್ಧದ ಆರೋಪಗಳಿಂದ ಹುಟ್ಟಿಕೊಂಡಿದೆ, ಪ್ರಪಂಚದಾದ್ಯಂತ ರಹಸ್ಯ ಕಾರ್ಯಾಚರಣೆಗಳನ್ನು ಸಿಐಎ ನಡೆಸುತ್ತಿದೆ.
ಯುಕ್ರೇನ್ ಅಧ್ಯಕ್ಷ ವೊಲೊಡಿಮಿರ್ ಝೆಲೆನ್ಸ್ಕಿ ವಿದೇಶಗಳಲ್ಲಿ ವಿಶೇಷ ಕಾರ್ಯಾಚರಣೆಗಳ ಅಗತ್ಯವನ್ನು ಒತ್ತಿ ಹೇಳಿದ ನಂತರ, ಉಕ್ರೇನ್ಗೆ ಸಂಬಂಧಿಸಿದ ಜಾಲವು ಇದರ ಹಿಂದೆ ಇರಬಹುದು ಎಂದು ಕೆಲವು ವಿಶ್ಲೇಷಕರು ನಂಬುತ್ತಾರೆ. ಇದಕ್ಕೂ ಮೊದಲು, ಸುಡಾನ್, ಮಾಲಿ, ಸಿರಿಯಾ ಮತ್ತು ಲಿಬಿಯಾದಲ್ಲಿನ ಸಂಘರ್ಷ ವಲಯಗಳಲ್ಲಿ ಉಕ್ರೇನ್ನ ಉಪಸ್ಥಿತಿಯನ್ನು ಗಮನಿಸಲಾಗಿತ್ತು.
ರಷ್ಯಾ-ಉಕ್ರೇನ್ ಯುದ್ಧದ ಸುತ್ತಲಿನ ಭೌಗೋಳಿಕ ರಾಜಕೀಯ ಉದ್ವಿಗ್ನತೆಗಳೊಂದಿಗೆ ವ್ಯಾನ್ಡೈಕ್ ಸಂಬಂಧ ಹೊಂದಿರಬಹುದು ಎಂದು ತಜ್ಞರು ಸೂಚಿಸುತ್ತಾರೆ, ಬಹುಶಃ ಉಕ್ರೇನ್ ಯುದ್ಧದ ಸಮಯದಲ್ಲಿ ಭಾರತ ರಷ್ಯಾದ ತೈಲವನ್ನು ಖರೀದಿಸಿದ ಪರಿಣಾಮವಾಗಿ ಈತ ಭಾರತದಲ್ಲಿ ತಂತ್ರ ರೂಪಿಸುತ್ತಿದ್ದನೇ? ಎಂಬ ಪ್ರಶ್ನೆಗಳು ಉದ್ಭವಿಸಿವೆ.
Advertisement
