ಭೂಗತಪಾತಕಿ ದಾವೋದ್ ಇಬ್ರಾಹಿಂ ಆಡಿ ಬೆಳೆದಿದ್ದ ಮುಂಬೈ ನಿವಾಸ ಧ್ವಂಸ!

ಭೆಂಡಿ ಬಜಾರ್ ಪ್ರದೇಶದ ಪಾಕ್‌ಮೋಡಿಯಾ ಬೀದಿಯಲ್ಲಿರುವ ಈ ಕಟ್ಟಡವು ಶಿಥಿಲಾವಸ್ಥೆಯಲ್ಲಿರುವುದರಿಂದ ಮತ್ತು ಪುನರಾಭಿವೃದ್ಧಿ (redevelopment) ಅಗತ್ಯವಿರುವುದರಿಂದ ಇದನ್ನು ಕೆಡವಲಾಗುತ್ತಿದೆ.
 Dawood Ibrahim
ಭೂಗತಪಾತಕಿ ದಾವೋದ್ ಇಬ್ರಾಹಿಂ
Updated on: 

ಮುಂಬೈ: ದಕ್ಷಿಣ ಮುಂಬೈನಲ್ಲಿರುವ 'ಹಾಜಿ ಇಸ್ಮಾಯಿಲ್ ಹಾಜಿ ಹಬೀಬ್ ಮುಸಾಫಿರ್‌ಖಾನಾ' ಕಟ್ಟಡವನ್ನು ಬೃಹನ್ ಮುಂಬೈ ಮಹಾನಗರ ಪಾಲಿಕೆ (BMC) ಗುರುವಾರ ಧ್ವಂಸಗೊಳಿಸಿದೆ. ಈ ಕಟ್ಟಡದಲ್ಲಿ ಒಂದು ಕಾಲದಲ್ಲಿ ಪರಾರಿಯಾಗಿರುವ ಗ್ಯಾಂಗ್‌ಸ್ಟರ್ ದಾವೂದ್ ಇಬ್ರಾಹಿಂ ತನ್ನ ಕುಟುಂಬದೊಂದಿಗೆ ವಾಸಿಸುತ್ತಿದ್ದ ಎನ್ನಲಾಗಿದೆ.

ಭೆಂಡಿ ಬಜಾರ್ ಪ್ರದೇಶದ ಪಾಕ್‌ಮೋಡಿಯಾ ಬೀದಿಯಲ್ಲಿರುವ ಈ ಕಟ್ಟಡವು ಶಿಥಿಲಾವಸ್ಥೆಯಲ್ಲಿರುವುದರಿಂದ ಮತ್ತು ಪುನರಾಭಿವೃದ್ಧಿ (redevelopment) ಅಗತ್ಯವಿರುವುದರಿಂದ ಇದನ್ನು ಕೆಡವಲಾಗುತ್ತಿದೆ. ದಾವೂದ್‌ನೊಂದಿಗಿನ ಅದರ ಸಂಪರ್ಕದಿಂದ ಅಲ್ಲ. ಬದಲಾಗಿ 1900ರ ದಶಕದ ಆರಂಭದಲ್ಲಿ ನಿರ್ಮಿಸಲಾದ ಈ ಕಟ್ಟಡವು ದಾವೂದ್‌ಗೂ ಮುನ್ನವೇ ಅಸ್ತಿತ್ವದಲ್ಲಿತ್ತು. ಮೂಲತಃ ಇದನ್ನು ಹಜ್ ಯಾತ್ರೆಗೆ ಹೋಗುವ ಯಾತ್ರಿಕರು ತಂಗುವ ಸ್ಥಳವಾಗಿ ಸ್ಥಾಪಿಸಲಾಗಿತ್ತು, ನಂತರ ಇದು ಅನೇಕ ಕುಟುಂಬಗಳ ವಾಸಸ್ಥಾನವಾಯಿತು ಎಂದು ತಿಳಿದುಬಂದಿದೆ.

ಮುಂಬೈನ ಭೂಗತ ಜಗತ್ತಿನ ಬಗ್ಗೆ ವಿಸ್ತೃತವಾಗಿ ದಾಖಲಿಸಿರುವ ಹಿರಿಯ ಪತ್ರಕರ್ತ ಅಜೀಜ್ ಮಲಿಕ್ ಅವರ ಪ್ರಕಾರ, ದಾವೂದ್‌ನ ಕುಟುಂಬವು 1955ರಲ್ಲಿ ಈ ಕಟ್ಟಡಕ್ಕೆ ಸ್ಥಳಾಂತರಗೊಂಡಿತು. ದಾವೂದ್ ತನ್ನ ಬಾಲ್ಯದ ವರ್ಷಗಳನ್ನು ಈ ಕಟ್ಟಡದ ಎರಡನೇ ಮಹಡಿಯಲ್ಲಿ ಕಳೆದಿದ್ದನು ಎಂದು ಅವರು ತಿಳಿಸಿದ್ದಾರೆ.

ಅಧಿಕಾರಿಗಳ ಪ್ರಕಾರ, ಬಿಗಿ ಪೊಲೀಸ್ ಭದ್ರತೆಯ ನಡುವೆ ಧ್ವಂಸ ಕಾರ್ಯವು ಶಾಂತಿಯುತವಾಗಿ ನಡೆಯಿತು. ಈ ಕಟ್ಟಡವನ್ನು 'ಸಿ-1' (C-1) ವರ್ಗದ ಅಡಿಯಲ್ಲಿ ವರ್ಗೀಕರಿಸಲಾಗಿತ್ತು. ಅಂದರೆ ಇದು ಅಪಾಯಕಾರಿ ರಚನೆಯಾಗಿದ್ದು, ಇದನ್ನು ಕೆಡವಲೇಬೇಕಾದ ಅಗತ್ಯವಿತ್ತು. ಸ್ಥಳದಲ್ಲಿ ಹೆಚ್ಚಿನ ಸಂಖ್ಯೆಯ ಪಾಲಿಕೆ ಸಿಬ್ಬಂದಿ ಮತ್ತು ಪೊಲೀಸ್ ಸಿಬ್ಬಂದಿಯನ್ನು ನಿಯೋಜಿಸಲಾಗಿದ್ದು, ಕಟ್ಟಡವನ್ನು ನೀಲಿ ಬಣ್ಣದ ತಗಡಿನ ಹಾಳೆಗಳಿಂದ (tin sheets) ಮುಚ್ಚಲಾಗಿತ್ತು.

'ಸೈಫೀ ಬುರ್ಹಾನಿ ಅಪ್‌ಲಿಫ್ಟ್‌ಮೆಂಟ್ ಟ್ರಸ್ಟ್' (SBUT) ಕೈಗೊಂಡಿರುವ 'ಭೆಂಡಿ ಬಜಾರ್ ಕ್ಲಸ್ಟರ್ ಪುನರಾಭಿವೃದ್ಧಿ ಯೋಜನೆ'ಯ ಭಾಗವಾಗಿ ಈ ಧ್ವಂಸ ಕಾರ್ಯವನ್ನು ಕೈಗೊಳ್ಳಲಾಗಿದೆ. 2020ರ ಬಾಂಬೆ ಹೈಕೋರ್ಟ್ ಆದೇಶವನ್ನು ಉಲ್ಲೇಖಿಸಿ, ಈ ಕಕಟ್ಟಡವನ್ನು ಕೆಡವಬೇಕೆಂದು ಟ್ರಸ್ಟ್ ಬಿಎಂಸಿಯನ್ನು ಕೋರಿತ್ತು. ಪುನರಾಭಿವೃದ್ಧಿ ಯೋಜನೆಯ ಪ್ರಸ್ತಾವಿತ ಆಂತರಿಕ ರಸ್ತೆಯ ಮಾರ್ಗದಲ್ಲಿ ಈ ಕಟ್ಟಡ ಬರುತ್ತದೆ.

 Dawood Ibrahim
ತಾಯಿಯ ಅಂತ್ಯಕ್ರಿಯೆಗಾಗಿ ಉಡುಪಿಗೆ ಬಂದ ಭೂಗತ ಪಾತಕಿ ರವಿ ಪೂಜಾರಿ; ಬಿಗಿ ಪೊಲೀಸ್ ಭದ್ರತೆ

ಮೂಲತಃ ನಿಗದಿಪಡಿಸಿದ ದಿನಾಂಕವಾದ ನವೆಂಬರ್ 18ರಂದು ಧ್ವಂಸ ಕಾರ್ಯ ಪ್ರಾರಂಭವಾಗಿರಲಿಲ್ಲ. ಕಟ್ಟಡದ ಸ್ಥಿತಿ ಮತ್ತು ಅದರಿಂದ ಭಕ್ತರಿಗೆ ಹಾಗೂ ದಾರಿಹೋಕರಿಗೆ ಉಂಟಾಗಬಹುದಾದ ಅಪಾಯವನ್ನು ಗಮನದಲ್ಲಿಟ್ಟುಕೊಂಡು, ನೆಲ ಮಹಡಿಯಲ್ಲಿರುವ ಪ್ರಾರ್ಥನಾ ಮಂದಿರದಲ್ಲಿದ್ದವರಿಗೆ ಸ್ಥಳವನ್ನು ಖಾಲಿ ಮಾಡುವಂತೆ ಪಾಲಿಕೆ ಅಧಿಕಾರಿಗಳು ಸೂಚಿಸಿದ್ದರು. 1986ರಲ್ಲಿ ದಾವೂದ್ ಭಾರತದಿಂದ ಪರಾರಿಯಾಗುವ ಮೊದಲು, ಅವನು ಮತ್ತು ಅವನ ಕುಟುಂಬ ಈ ಕಟ್ಟಡದಲ್ಲಿ ವಾಸಿಸುತ್ತಿದ್ದರು ಎಂದು ಪಿಟಿಐ ಸುದ್ದಿಸಂಸ್ಥ

Follow KannadaPrabha channel on WhatsApp

  

Subscribe to KannadaPrabha YouTube Channel and watch Videos

   

Download the KannadaPrabha News app to follow the latest news updates

  

Subscribe and Receive exclusive content and updates on your favorite topics

X