ಎಲ್ಲಾ ಜಾತಿ ನಾಯಕರನ್ನು ಗುರುತಿಸಿ ಪಕ್ಷ ಸಂಘಟನೆ ಕೆಲಸಕ್ಕೆತಕ್ಷಣ ನಿಯೋಜಿಸಬೇಕು, ಪ್ರತಿ ಜಿಲ್ಲೆಗೊಂದು ಕಚೇರಿ ವ್ಯವಸ್ಥೆ ಮಾಡಿ, ಸಂಘಟನೆಗೆ ಅಗತ್ಯ ಸೌಲಭ್ಯ ಕಲ್ಪಿಸಿಕೊಡಬೇಕು. ಚುನಾವಣೆ ಬಂದಾಗ ಹಣ ಖರ್ಚು ಮಾಡುವುದಕ್ಕಿಂತ ಈಗಿನಿಂದಲೇ ವ್ಯವಸ್ಥಿತ ತಯಾರಿ ಮಾಡಿಕೊಳ್ಳಬೇಕು. ಯುವಜನರಿಗೆ ಯಾವ ಯೋಜನೆ ಕೊಡುತ್ತೀರಿ, ನಿರುದ್ಯೋಗ ನಿವಾರಣೆಯ ಚಿಂತನೆ ಸ್ಪಷ್ಟಪಡಿಸಬೇಕು, ಸ್ಲಂ ಜನರ ಪರವಾದ ಕಾರ್ಯಕ್ರಮಗಳ ಸ್ಪಷ್ಟ ಸಂದೇಶ ನೀಡಬೇಕು. ದೇವೇಗೌಡ ಮತ್ತು ಕುಮಾರಸ್ವಾಮಿ ಅಧಿಕಾರವಧಿಯಲ್ಲಿ ಕೈಗೊಂಡ ರೈತ ಪರ ಕೆಲಸಗಳ ಮನವರಿಕೆಗೆ ಕಾರ್ಯತಂತ್ರ ರೂಪಿಸಬೇಕು, ಉತ್ತರ ಪ್ರದೇಶ ಚುನಾವಣೆಗೆ ಆರು ತಿಂಗಳು ಮೊದಲೇ ಬಿಜೆಪಿ ಪ್ರತಿ ಹಳ್ಳಿಯಲ್ಲೂ ಸಣ್ಣ ಗುಂಪು ರಚಿಸಿದಂತೆ ನಮ್ಮಲ್ಲೂ ಆಗಬೇಕು, ಜನರಿಗೆ ಉತ್ತರ ಸರ್ಕಾರ ನೀಡುವ ಸಂದೇಶ ರವಾನಿಸಬೇಕು ಎಂದು ಪತ್ರದಲ್ಲಿ ಹೊರಟ್ಟಿ ವಿವರಿಸಿದ್ದಾರೆ.
