ಬೆಂಗಳೂರು: ಡಿಸೆಂಬರ್ 5 ರಂದು ನಡೆಯುವ ಉಪ ಚುನಾವಣೆಗಾಗಿ ಜೆಡಿಎಸ್ ತನ್ನ ಸ್ಟಾರ್ ಪ್ರಚಾರಕರ ಪಟ್ಟಿ ಬಿಡುಗಡೆ ಮಾಡಿದ್ದು. 12 ಜನ ಸ್ಟಾರ್ ಪ್ರಚಾರಕರಲ್ಲಿ 8 ಮಂದಿ ದೇವೇಗೌಡರ ಕುಟುಂಬದವರೇ ಆಗಿದ್ದಾರೆ ಎಂದು ಕೇಂದ್ರ ಸಚಿವ ಡಿವಿ ಸದಾನಂದಗೌಡ ಲೇವಡಿ ಮಾಡಿದ್ದಾರೆ.
ಅಥಣಿ ಮತ್ತು ಹಿರೇಕೆರೂರಿನಲ್ಲಿ ಜೆಡಿಎಸ್ ಅಭ್ಯರ್ಥಿಗಳು ಬಲವಂತವಾಗಿ ಹಿಂದೆ ಸರಿದಿಲ್ಲ, ಒಂದು ಪಕ್ಷದಿಂದ ಟಿಕೆಟ್ ಪಡೆದು ನಿಂತವರನ್ನ ವಾಪಸ್ ತೆಗೆಸೋಕೆ ಅವರೇನು ಎಳೆಮಕ್ಕಳಾ? ಈ ಹಿಂದೆ ರಾಮನಗರದಲ್ಲಿ ಚಂದ್ರಶೇಖರ್ ನನ್ನ ಕಣದಿಂದ ಹಿಂದೆ ಸರಿಸಿದವರ್ಯಾರು? ಈ ರೀತಿಯಾದ ಕೆಲಸಗಳನ್ನು ಬಿಜೆಪಿ ಮಾಡೊಲ್ಲ ಅಂತಾ ದೇವೇಗೌಡರ ವಿರುದ್ಧ ಸದಾನಂದ ಗೌಡ ಹರಿಹಾಯ್ದಿದ್ದಾರೆ.
ನಂದಿನಿ ಲೇಔಟಿನಲ್ಲಿ ಗೋಪಾಲಯ್ಯ ಪರ ಪ್ರಚಾರದ ವೇಳೆ ಮಾತನಾಡಿದ ಕೇಂದ್ರ ಸಚಿವ ಸದಾನಂದ ಗೌಡ, ಗೋಪಾಲಯ್ಯ ವೈಯಕ್ತಿಕವಾದ ವರ್ಚಸ್ಸು ಹೊಂದಿದ್ದಾರೆ. . ಗೋಪಾಲಯ್ಯ ಒಳ್ಳೆ ಪಾರ್ಕ್ ಮಾಡಿಸಿದ್ದಾರೆ. ಲಾಫಿಂಗ್ ಕ್ಲಬ್ ಎಲ್ಲಾ ಮಾಡಿಸಿದ್ದಾರೆ . ಬೆಳ್ಳ ಬೆಳಗ್ಗೆ ಪಾರ್ಕ್ಗೆ ಬಂದ್ರೆ ಎರಡು ಮೂರು ಸಾವಿರ ಜನ ಒಟ್ಟಿಗೆ ಸಿಕ್ತಾರೆ. ಮಹಾಲಕ್ಷ್ಮಿ ಲೇಔಟ್ನಲ್ಲಿ ಸಿಂಗಲ್ ಸೈಡೆಡ್ ರಿಸಲ್ಟ್ ಬರುತ್ತೆ. ಕಾಂಗ್ರೆಸ್ ಮತ್ತು ಜೆಡಿಎಸ್ ಇಲ್ಲಿ ಲೆಕ್ಕಕ್ಕಿಲ್ಲ ಎಂದು ಹೇಳಿದ್ದಾರೆ
