ಬೆಂಗಳೂರು: ರಾಜ್ಯದಲ್ಲಿ ಉಪ ಚುನಾವಣೆಯ ಕಾವು ದಿನದಿಂದ ದಿನಕ್ಕೆ ಏರುತ್ತಿದ್ದು, ಅಖಾಡದಲ್ಲಿ ಆರೋಪ, ಪ್ರತ್ಯಾರೋಪಗಳ ಸರಣಿ ಮುಂದುವರೆದಿದೆ. ಈ ಮಧ್ಯೆ ಯಶವಂತಪುರ ಕ್ಷೇತ್ರದ ಬಿಜೆಪಿ ಅಭ್ಯರ್ಥಿ ಎಸ್. ಟಿ ಸೋಮಶೇಖರ್ ಸಿಡಿಸಿರುವ ಬಾಂಬ್ ರಾಜ್ಯರಾಜಕೀಯದಲ್ಲಿ ತೀವ್ರ ಚರ್ಚೆ ಹುಟ್ಟುಹಾಕಿದೆ.
ಪ್ರಚಾರದ ಸಭೆಯಲ್ಲಿ ಮಾತಾಡಿರುವ ಸೋಮಶೇಖರ್, ಕುಮಾರಸ್ವಾಮಿ ಮುಖ್ಯಮಂತ್ರಿಯಾಗಿದ್ದಾಗ ಸ್ಯಾಂಡಲ್ ವುಡ್ ನಟಿಯೊಬ್ಬರು ಫೈವ್ ಸ್ಟಾರ್ ಹೋಟೆಲ್ ನಲ್ಲಿ ರೂಂ ಬುಕ್ ಮಾಡಿ ಬಿಎಡಿ ಕಮೀಷನರ್ ರಾಕೇಶ್ ಸಿಂಗ್ ಅವರಿಂದ ಸಹಿ ಪಡೆಯುತ್ತಿದ್ದರು ಎಂದು ಆರೋಪ ಮಾಡಿದ್ದಾರೆ. ಆಗ ಬಿಡಿಎ ಅಧ್ಯಕ್ಷರಾಗಿದ್ದರಿಂದ ಅದರ ಮಾಹಿತಿ ಬೇಕಿತ್ತು. ನಾನು ಮಾಧ್ಯಮದವರನ್ನು ಒಂದಲ್ಲ ಏಳು ಬಾರಿ ಕರೆಸಿ ಇದರ ಬಗ್ಗೆ ತಿಳಿಸಿದ್ದೆ ಎಂದು ಅವರು ಹೇಳಿದ್ದಾರೆ.
ಈ ವಿಷಯವಾಗಿ ಬಹಿರಂಗ ಚರ್ಚೆಗೂ ಕೂಡಾ ಸಿದ್ಧವಾಗಿರುವುದಾಗಿ ತಿಳಿಸಿರುವ ಸೋಮಶೇಖರ್, ಸ್ಟಾರ್ ಹೋಟೆಲ್ ನಲ್ಲಿ ಕಡತಗಳಿಗೆ ಸಹಿ ಪಡೆಯುತ್ತಿದ್ದ ನಟಿ ಯಾರು? ಎಂಬುದನ್ನು ಹೇಳಿಲ್ಲ . ಇದು ರಾಜ್ಯ ರಾಜಕೀಯದಲ್ಲಿ ತೀವ್ರವಾದ ಅನುಮಾನಗಳಿಗೆ ಕಾರಣವಾಗಿದೆ.
Advertisement