ಈ ಬಗ್ಗೆ ಮಾಧ್ಯಮವೊಂದು ವರದಿ ಮಾಡಿದ್ದು, 77 ಕೋಟಿಗೂ ಹೆಚ್ಚು ಇಮೇಲ್ ವಿಳಾಸಗಳು ಸಾರ್ವಜನಿಕರಿಗೆ ಲೀಕ್ ಆಗಿದ್ದು, ಅಷ್ಟು ಮಾತ್ರವಲ್ಲದೇ ಸುಮಾರು 2.1 ಕೋಟಿ ಪಾಸ್ ವರ್ಡ್ಗಳೂ ಲೀಕ್ ಆಗಿವೆ ಎಂದು ವರದಿ ಮಾಡಿದೆ,. ವರದಿಯ ಅನ್ವಯ ಮೆಗಾ ಎಂಬ ಶೇರಿಂಗ್ ವೆಬ್ ಸೈಟ್ ನಲ್ಲಿ ಲೀಕ್ ಆಗಿರುವ ಈ ಎಲ್ಲಾ ಡೇಟಾಗಳು ಮೊದಲು ಪ್ರಕಟವಾಗಿದ್ದು ಟ್ರಾಯ್ ಹಂಟ್ ಎಂಬ ಸೆಕ್ಯೂರಿಟಿ ರಿಸರ್ಚರ್ ಅವರ ಕಣ್ಣಿಗೆ ಬಿದ್ದಿದೆ. ಇದಾದ ಬಳಿಕ ಮೆಗಾ ವೆಬ್ ಸೈಟ್ನಿಂದ ಈ ಡೇಟಾವನ್ನು ತೆಗೆದುಹಾಕಲಾಗಿದೆ ಎಂದು ವರದಿಯಲ್ಲಿ ತಿಳಿಸಲಾಗಿದೆ.