ಇಲ್ಲಿ ಸಾಹಿತಿಗಳು ಭಾಷಾತಜ್ಞರು ಕನ್ನಡ ಉಪನ್ಯಾಸಕರಷ್ಟೇ ಅಲ್ಲದೆ, ಟೆಕ್ಕೀಗಳು, ತಾಂತ್ರಿಕ ರಂಗದಲ್ಲಿರುವವರೂ ಕನ್ನಡ ಭಾಷೆಯತ್ತ ಆಸಕ್ತಿ ತೋರುತ್ತಿದ್ದಾರೆ. ಸಂಸ್ಕೃತ ಮೂಲ ಅಲ್ಲದ ಅಚ್ಚ ಕನ್ನಡ ಪದಗಳನ್ನು ಸೃಷ್ಟಿಸುವ ಸವಾಲು ಸ್ವೀಕರಿಸಿ ಗೆದ್ದಿದೆ ಈ ತಂಡ. ಡೆಮೋಕ್ರಸಿ ಎಂಬ ಆಂಗ್ಲ ಪದಕ್ಕೆ ಪ್ರಜಾಪ್ರಭುತ್ವ ಎಂಬ ಕನ್ನಡಾರ್ಥ ಇದ್ದರೂ ಅದು ಸಂಸ್ಕೃತ ಮೂಲವೆಂದು ಅಚ್ಚಕನ್ನಡದ 'ಮಂದಿಯಾಡಳಿತ' ಎಂಬ ಪದ ಹುಟ್ಟುಹಾಕಿದ್ದಾರೆ. ಈ ಥರದ ಹಲವು ಪ್ರಯೋಗಗಳಾಗಿವೆ. ಹೊಸ ಪದ ನೀಡಲು ಸರ್ವ ಕನ್ನಡಿಗರನ್ನೂ ಪ್ರೋತ್ಸಾಹಿಸುತ್ತಿದ್ದಾರೆ. ಆದರೆ, ಯಾರ ಮೇಲೂ ಅದನ್ನು ಹೇರುತ್ತಿಲ್ಲ ಎಂಬುದು ವಿಶೇಷ. ಭರತ್ ಕುಮಾರ್ ಮತ್ತು ವಿವೇಕ್ ಶಂಕರ್ ಎಂಬಿಬ್ಬರು ಟೆಕ್ಕಿಗಳು ಶಂಕರಬಟ್‍ರ ಮೇಲ್ವಿಚಾರಣೆಯಲ್ಲಿ `ಪದನೆರಕೆ'ಯ ಸೃಷ್ಟಿಯಲ್ಲಿ ತೊಡಗಿದ್ದಾರೆ.
