ವಿಶ್ವ ಚೆಸ್ ಚಾಂಪಿಯನ್‏ಶಿಪ್: ಆನಂದ್ ಗೆ ಶುಭಕೋರಿದ ಮೋದಿ

ನವದೆಹಲಿ: ಹಾಲಿ ಚಾಂಪಿಯನ್ ಮ್ಯಾಗ್ನಸ್ ಕಾರ್ಲಸನ್ ವಿರುದ್ಧ ನಡೆಯಲಿರುವ ವಿಶ್ವ ಚಾಂಪಿಯನ್ ಶಿಪ್ ಪಂದ್ಯಕ್ಕೂ ಮುಂಚೆ ಪ್ರಧಾನಿ ನರೇಂದ್ರ ಮೋದಿ ಅವರು ಭಾರತೀಯ ಚೆಸ್ ಪ್ರತಿಭೆ ವಿಶ್ವನಾಥನ್ ಆನಂದ್ ಅವರಿಗೆ "ಒಳ್ಳೆಯದಾಗಲಿ" ಎಂದು ಶುಭ ಕೋರಿದ್ದಾರೆ.

೧೨ ಪಂದ್ಯಗಳ ಈ ಸರಣಿ ಶನಿವಾರ ರಶಿಯಾದ ಸೋಚಿಯಲ್ಲಿ ನವೆಂಬರ್ ೨೭ ರಿಂದ ಪ್ರಾರಂಭವಾಗಲಿದೆ.

"ವಿಶಿ ನಿಮಗೆ ಒಳ್ಳೆಯದಾಗಲಿ! ನಮ್ಮ ಹೆಮ್ಮೆಯ ವಿಶ್ವನಾಥನ್ ಆನಂದ್ ಅವರಿಗೆ, ಸೋಚಿಯ ವಿಶ್ವ ಚೆಸ್ ಚಾಂಪಿಯನ್ ಶಿಪ್ ಗೆ ಶುಭ ಕೋರುತ್ತಿದ್ದೇನೆ" ಎಂದು ತಮ್ಮ ಟ್ವಿಟ್ಟರ್ ಸಂದೇಶದಲ್ಲಿ ಪ್ರಧಾನಿ ಮೋದಿ ತಿಳಿಸಿದ್ದಾರೆ.

ಕಳೆದ ವರ್ಷ ಚೆನ್ನೈ ನಲ್ಲಿ ಕಾರ್ಲಸನ್ ವಿರುದ್ಧ ಸೋತು ತಮ್ಮ ವಿಶ್ವ ಚಾಂಪಿಯನ್ ಪಟ್ಟ ಕಳೆದುಕೊಂಡಿದ್ದ ಆನಂದ್ ಚಾಲೆಂಜರ್ ಸರಣಿಯನ್ನು ಗೆದ್ದು ೨೩ ವರ್ಷದ ನಾರ್ವೆ ದೇಶದ ಕಾರ್ಲಸನ್ ವಿರುದ್ಧ ವಿಶ್ವ ಚಾಂಪಿಯನ್ ಶಿಪ್ ಗೆ ಸೆಣಸಲು ಮತ್ತೆ ಹಕ್ಕು ಸ್ಥಾಪಿಸಿದ್ದರು.