ಬೆಂಗಳೂರು: ಭಾರತೀಯ ಕ್ರೀಡಾ ವಲಯದಲ್ಲಿ ತನ್ನದೇ ಆಸಕ್ತಿ ವಹಿಸಿರುವ ಬಾಲಿವುಡ್ ಸೂಪರ್ ಸ್ಟಾರ್ ಹೃತಿಕ್ ರೋಷನ್, ರಾಜ್ಯದ ಇಬ್ಬರು ಅಂಗವಿಕಲ ಈಜುಗಾರರಿಗೆ ಆರ್ಥಿಕ ನೆರವು ನೀಡಲು ಮುಂದೆ ಬಂದಿದ್ದಾರೆ.
ಮುಂದಿನ ವರ್ಷ ಬ್ರೆಜಿಲ್‍ನ ರಿಯೊ ಡಿ ಜನೈರೊದಲ್ಲಿ ನಡೆಯಲಿರುವ ಒಲಿಂಪಿಕ್ಸ್ ನಂತರ ನಡೆಯುವ ಪ್ಯಾರಾಲಿಂಪಿಕ್ಸ್‍ನಲ್ಲಿ ಭಾಗವಹಿಸಲಿರುವ ರಾಜ್ಯದ ಪ್ಯಾರಾಸ್ವಿಮ್ಮರ್
ಗಳಾದ ಶರತ್ ಗಾಯಕ್ವಾಡ್ ಹಾಗೂ ನಿರಂಜನ್ ಮುಕುಂದನ್‍ಗೆ ಮಹಾನ್ ಟೂರ್ನಿಯಲ್ಲಿ ಪಾಲ್ಗೊಳ್ಳಲು ತಗಲುವ ಖರ್ಚುವೆಚ್ಚಗಳನ್ನು ಭರಿಸುವುದಾಗಿ ಹೃತಿಕ್ ರೋಷನ್ ಆಶ್ವಾಸನೆ ನೀಡಿದ್ದಾರೆ. ಹುಟ್ಟಿನಿಂದಲೇ ಎಡಗೈ ಅಂಗವೈಕಲ್ಯ ಹೊಂದಿರುವ ನಿರಂಜನ್, ಲಂಡನ್ ಪ್ಯಾರಾಲಿಂಪಿಕ್ಸ್ ಸೇರಿದಂತೆ ಹಲವಾರು ಪ್ರಮುಖ ಅಂತಾರಾಷ್ಟ್ರೀಯ
ಪಂದ್ಯಾವಳಿಗಳಲ್ಲಿ ಭಾಗವಹಿಸಿದ್ದು, ಏಷ್ಯನ್ ಕ್ರೀಡಾಕೂಟದಲ್ಲಿ ಪದಕಗಳನ್ನು ಗೆದ್ದಿದ್ದಾರೆ. ತಮ್ಮ ವೈಕಲ್ಯದ ನಡುವೆಯೂ 100 ಮೀ. ಬಟರ್ ಫ್ಲೈ ಸ್ಟ್ರೋಕ್ ವಿಭಾಗದಲ್ಲಿ ಪರಿಣತಿ ಪಡೆದಿದ್ದಾರೆ.
Advertisement