ನವದೆಹಲಿ: ಒಲಂಪಿಕ್ಸ್ ಬ್ಯಾಡ್ಮಿಂಟನ್ ಬೆಳ್ಳಿ ಪದಕ ಗೆದ್ದ ಪಿ ವಿ ಸಿಂಧು ಹೆಸರಿನ ಭಾಗವಾದ ಸಿಂಧು ಹೆಸರು ನಿಮ್ಮದಾಗಿದ್ದರೆ ನೀವಿಂದು ಉಚಿತ ಪಿಜ್ಜಾ ತಿನ್ನಬಹುದು.
ಹೌದು, ಮುಂಚೂಣಿಯ ಆಹಾರ ರಿಟೇಲ್ ಸರಣಿ ಕೇಂದ್ರ ಪಿಜ್ಜಾ ಹಟ್ ಸಿಂಧೂ ಯಶಸ್ಸನ್ನು, ಸಿಂಧು ಹೆಸರು ಹೊಂದಿರುವವರಿಗೆ ಶನಿವಾರ ಉಚಿತ ಪ್ಯಾನ್ ಪಿಜ್ಜಾ ನೀಡುವ ಮೂಲಕ ಆಚರಿಸುತ್ತಿದೆ.
ಸಾಕ್ಷಿ ಮಲಿಕ್ ಕಂಚಿನ ಪದಕ ಗೆದ್ದಾಗ ಕೂಡ ಪಿಜ್ಜಾ ಹಟ್ ಇದೆ ರೀತಿಯ ಕೊಡುಗೆಯನ್ನು ಘೋಷಿಸಿತ್ತು. ಇದಕ್ಕೆ ಅಭೂತಪೂರ್ವ ಪ್ರತಿಕ್ರಿಯೆ ಸಿಕ್ಕಿ ಸಾಕ್ಷಿ ಹೆಸರಿದ್ದ ಹಲವಾರು ಮಹಿಳೆಯರು ಉಚಿತಾ ಪಿಜ್ಜಾ ತಿಂದಿದ್ದರು.
"ರಿಯೋ ಒಲಂಪಿಕ್ಸ್ ನಲ್ಲಿ ಪದಕ ಗೆದ್ದವರಿಗೆ ನಮ್ಮ ಕಡೆಯಿಂದ ಅಭಿನಂದನೆ ತಿಳಿಸುವ ಸಣ್ಣ ಪ್ರಯತ್ನ ಇದು" ಎಂದು ಪಿಜ್ಜಾ ಹಟ್ ಭಾರತ ವ್ಯವಸ್ಥಾಪಕ ನಿರ್ದೇಶಕ ಉನ್ನತ ವರ್ಮಾ ಹೇಳಿದ್ದಾರೆ.
